ءبورلى اۋدانىندا ەرەكشە قاجەتتىلىكتەرى بار 1300-دەن استام ادام ءومىر سۇرەدى. بۇل تۋرالى باتىس قازاقستان وبلىسىنىڭ ءبورلى اۋدانىنىڭ اكىمى ميرجان ساتقانوۆ Facebook پاراقشاسىندا جازدى.
«ولاردىڭ اراسىندا ەڭبەك قىزمەتىمەن اينالىساتىن ازاماتتارىمىزدىڭ سانى 300-گە جۋىق. بەلگىلى شەكتەۋلەرى بولسا دا, قىزمەتشىلەردىڭ كاسىبي قاسيەتتەرىن العا قوياتىن جۇمىس بەرۋشىلەردىڭ دە سانى ءوسىپ كەلەدى. جاقىن بولاشاقتا قوعامدا قالىپتاسقان ستەرەوتيپتەردى تۇبەگەيلى جوياتىندىعىمىزعا سەنگىم كەلەدى.
تسيفرلاندىرۋ عاسىرىندا ءارتۇرلى مالىمەتتەر بازالارى, سونىڭ ىشىندە ەلەكتروندى ەڭبەك بيرجالارى قۇرىلۋدا, سونىڭ ارقاسىندا بۇكىل قازاقستان بويىنشا بوس جۇمىس ورىندارى مەن ساۋالنامالاردى كورە الامىز. مۇمكىندىگى شەكتەۋلى جاندار ءۇشىن ارنايى ENBEK-QOLDAU.KZ جەكە مالىمەتتەر بازاسى قولدانىستا.
مۇمكىندىگى شەكتەۋلى ادامدار ءۇشىن الەۋمەتتىك ماڭىزدى وبەكتىلەرگە قول جەتىمدىلىك جاعدايلارىن قامتاماسىز ەتۋ كۇندەلىكتى نازارىمىزدا ەكەندىگىن اتاپ وتكىم كەلەدى. بۇل باعىتتا ازاماتتارىمىزدىڭ تىلەكتەرىن ورىنداۋعا بارىنشا تىرىسامىز» - دەدى اۋدان اكىمى.