ورال قالاسىنداعى جاستار مادەنيەت سارايىندا اقىن, قازاقستاننىڭ حالىق جازۋشىسى قادىر مىرزا ءاليدىڭ تۋعانىنا 85 جىل تولۋىنا وراي ء«وز ەلىم» اتتى ادەبي-سازدى كەش ۇيىمداستىرىلدى.
اقىننىڭ مەرەيتويىنا وراي ورال قالاسىندا 5 قاڭتار-5 اقپان ارالىعىندا «قادىردى بىرگە وقيمىز» اتتى قالاىشىلىك اكتسيا وتكەن ەدى. اكتسياعا قادىر ولەڭدەرىن جاتقا وقيتىن ءار جاستاعى وقىرماندار قاتىسقان. وسى كەشتە سول اكتسياعا بەلسەنە قاتىسقان قالا تۇرعىندارى ورال قالاسى اكىمى ابات شىنىبەكوۆتىڭ العىس حاتىمەن ماراپاتتالدى.
- بيىل ەلىمىزدە ەرەكشە اتاۋلى داتالارعا تولى جىل بولىپ تۇر. سونىڭ ءبىرى – دانا دا دارا اقىن قادىر مىرزا ءالىنىڭ 85 جىلدىعى. قادىردى تانيتىن ادام قازاقتى تانيدى. اقىن ولەڭدەرىندە ادام ۇعىمىنداعى ماحاببات, باقىت, بالالىق پەن جاستىق شاق, كارىلىك كەزەڭگە دەيىنگى ساتتەردى ادەمى سۋرەتتەگەن. سوندىقتان, ءبىزدىڭ ەلىمىز قازاقتىڭ دارا قادىرىن قۇرمەت تۇتادى, - دەدى ادەبي كەشتە ءسوز العان قالا اكىمىنىڭ ورىنباسارى باقىتجان نارىمبەتوۆ.
اقىن ولەڭىن قاسيەت تۇتىپ, «قادىردى بىرگە وقيمىز» اكتسياسىنا بەلسەنە قاتىسقان بالاباقشا تاربيەلەنۋشىلەرى ءمادينا تىلەكقابىلوۆا, ەگور كۋپرياحين, نۇرسۇلتان قونىس ۇلى, ءادىلحان ماقسوت, ەركەناز قاليحان, ايشا حاميدوللا جانە اكتسيادا بەلسەندىلىك تانىتقان مەكتەپ وقۋشىلارى مەن ستۋدەنتتەر العىس حات يەلەندى.
باتىس قازاقستان