ادالدىق قۇندىلىقتارى دارىپتەلدى

سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى ارمان بەردا­لين تۇركىستان وبلىسى جۇرت­شى­لىعىمەن اقپاراتتىق-اعارتۋ­شىلىق جۇمىستارىن جۇرگىزۋ ماقساتىنداعى كەزدەسۋدە وسىلايشا كوپشىلىكتى ادال قوعامدى بىرگە قالىپ­تاستىرۋعا شاقىردى. اگەنت­تىك جانىنان قۇرىلعان رەسپۋب­ليكالىق اقپاراتتىق ۇگىت-ناسيحات شتابىنىڭ مۇ­شە­­لەرى جۇرگىزگەن ءتۇسىندىرۋ جۇ­­مىس­تارىنىڭ نەگىزگى ميسسيا­سى – حالىقتىڭ قۇقىقتىق سا­ۋات­تىلىعىن ارتتىرۋ جانە پا­راساتتىلىق قۇندىلىقتارىن ەل ىشىندە كەڭ كولەمدە دارىپتەۋ ارقىلى ەل ازاماتتارىنىڭ بويى­نا ادالدىق قاسيەتتەرىن دارىتۋ. شتاب ءتورايىمى ىرزا تۇرسىنزادا مەن اگەنتتىك وكىلى ا.بەردالين الدىمەن وبلىس اكتيۆىمەن كەزدەستى. سونداي-اق وبلىستىق پوليتسيا دەپار­تا­مەنتىنىڭ جەكە قۇرامىمەن كە­لەلى كەزدەسۋدە ادامدىق پەن ادالدىق, تۋرالىق پەن تازالىق قۇندىلىقتارى ورتاعا سالىندى. وبلىستاعى ءبىلىم بەرۋ ۇيىم­دارىنىڭ باسشىلارىنا پاراساتتىلىق پرينتسيپتەرى جان-جاقتى ءتۇسىندىرىلدى. ادال ءبىلىم بەرۋ – ۇلت بولاشاعىن قۇرۋدىڭ نەگىزگى تەتىگى ەكەنى ءارى سىرەسكەن سانانى سىلكىنتۋ ارقىلى سىبايلاستىقتىڭ الدىن الۋعا بولاتىنى اتاپ ءوتىلدى.

وبلىس ورتالىعىنان باستاۋ العان اقپاراتتىق-اعارتۋ­شىلىق جۇمىستار ارىس قالا­سى مەن وتىرار اۋدانىندا جالعاسىن تاپتى. «تامشى تاما-تاما تاس جارادى. ەگەر دە كۇنى-ءتۇنى راسىندا ايتىلىپ جاتسا, ۇلتتىڭ ساناسىنا قۇيىلىپ جاتسا, ونىڭ جەمىسى بولادى. سەبەبى قازاقتا «اتالى سوزگە ارسىز عانا توقتامايدى» دەگەن ءسوز بار. سوندىقتان ايتۋ كەرەك, جەتكىزۋ كەرەك. ءدال قا­زىرگى نا­رىقتىڭ قايناپ تۇرعان ۋاقى­تىندا ۇلتىمىزدىڭ جان-دۇنيە­سىن وياتۋىمىز كەرەك», دەدى شتاب جەتەكشىسى ى.تۇرسىنزادا وتى­رارلىقتارمەن كەزدەسۋدە.

ناسيحاتتىق توپ وكىلدەرى كەز­­دەسۋ بارىسىندا «اقىننىڭ قالامى – ادالدىق الاڭى» اتتى جاس شايىرلاردىڭ ۇتىمدى ۇي­قاس­پەن ءورىلىپ, جەمقورلىقسىز بولا­شاقتى ونەگە ەتكەن ولەڭ-جىر­­لارىنا كۋا بولدى. سونداي-اق شتاب وكىلدەرى ارىس قالاسىندا ورنالاسقان «ت.تا­جىباەۆ اتىن­داعى وتباسى ۇلگىسىندەگى بالالار اۋىلىنىڭ» تار­بيەلە­نۋ­شىلەرىمەن كەزدەستى. جاس وس­كىن­­دەردى جاقسىلىق جا­ساۋعا جى­گەر­لەندىرۋمەن قو­عامنىڭ ارى تازا ازاماتتارى ەتىپ تاربيەلەۋ ماقساتىندا ۇيىم­داستىرىلعان يگىلىكتى شارادا بالالاردى پاراساتتى بولۋعا ۇندەدى. سونداي-اق بۇعان دەيىن تۇركىستان وبلىستىق سىبايلاس جەمقورلىققا قارسى ءىس-قيمىل دەپارتامەنتىنىڭ باس­تاماسىمەن وتكەن «جەمقورلىق بالالار كوزىمەن» بايقاۋىنىڭ جۇلدەگەرلەرىنە ارنايى سىي­لىقتاردى تابىستادى. ايتا كە­تەيىك, اگەنتتىكتىڭ تۇركىستان وب­لىستىق دەپارتامەنتى بالالار اۋىلىنىڭ 63 تاربيەلەنۋشىسىن ءوز قامقورلىعىنا الىپ, ولارعا قولداۋ كورسەتىپ كەلەدى.

تۇركىستان وڭىرىندە ارنايى كەلگەن رەسپۋبليكالىق اق­­­پا­راتتىق-اعارتۋشىلىق شتاب وكىل­دەرى كەزدەسۋلەردە تۇر­عىن­­­د­ارعا رۋحاني ورتالىقتى جەم­قورلىقتان ازات وڭىرگە اينال­دىرۋعا ۇندەدى.

تۇركىستان وبلىسى