وبلىس ورتالىعىنداعى وڭىرلىك كارديوحيرۋرگيالىق ورتالىقتا ليتۆادان كەلگەن كارديوحيرۋرگ ريمانتيس بەنەتيس جەرگىلىكتى كارديوحيرۋرگتەرگە شەبەرلىك سىنىبىن وتكىزدى. العاش رەت ناۋقاستىڭ جۇرەك بولىگىنىڭ قاقپاقشاسىن الماستىرۋ ءۇشىن ەكى ادامعا تەگىن وتا جاسالىپ, ءساتتى اياقتالدى.
– مەن جاساعان مۇنداي وتالاردى جەرگىلىكتى كارديوحيرۋرگتەر دە جاساي الادى. ويتكەنى, سىزدەردىڭ ورتالىقتارىڭىز زاماناۋي جابدىقتارمەن قامتاماسىز ەتىلگەن. ارالارىڭىزدا ولاردىڭ ءتىلىن بىلەتىن ماماندار دا بار, – دەدى ليتۆالىق دارىگەر. ول ءسوز اراسىندا قازاقستاندىق دارىگەرلەردىڭ ءوزى باسقاراتىن كاۋناس كارديولوگيالىق ەمحاناسىنا كەلىپ, جۇمىس بارىسىمەن تانىسىپ, بىلىمدەرىن جەتىلدىرە الاتىنىن دا جەتكىزدى. جارتى جىلعا جۋىق ۋاقىت استانادا دارىگەرلەرمەن جۇيەلى تۇردە جۇمىس جاسايتىنىن دا ايتىپ ءوتتى.
وبلىس ورتالىعىنداعى وڭىرلىك كارديوحيرۋرگيالىق ورتالىق اشىلعان جارتى جىلدىڭ ىشىندە 900-گە جۋىق وتا جاسالدى.
فاريدا بىقاي,
«ەگەمەن قازاقستان».
پاۆلودار.