سيرياداعى گۋمانيتارلىق احۋال كۇرت ناشارلاي تۇسۋدە, بوسقىندار سانى ارتىپ وتىر. بۇۇ دەرەكتەرىنە سايكەس 7 ميلليونعا جۋىق سيريالىق جەدەل گۋمانيتارلىق كومەككە ءزارۋ بولسا, ولاردىڭ جارتىسى – بالالار. كورشى ەلدەرگە قاشقان بوسقىندار سانى ميلليون ادامنان اسىپ كەتكەن.
بۇۇ سيرياداعى قارۋلى قاقتىعىس سالدارىنان ءار اي سايىن شامامەن 5 مىڭ ادام كوز جۇماتىنىن كولدەنەڭ تارتۋدا. بۇۇ-نىڭ بوسقىندار ءىسى جونىندەگى جوعارعى كوميسسارى انتونيو گۋتەررەستىڭ اتاپ وتكەنىندەي, سيرياداعى جانجال بولجامدالعانىنان ايتارلىقتاي ۇزاق ۋاقىتقا سوزىلۋدا, سوندىقتان ونىڭ سالدارى دا تىم اۋىر. جانە دە بۇكىل تاياۋ شىعىس وڭىرىنە قاتەر ءتوندىرىپ وتىر.
اسكەريلەردى سوتقا بەرمەك بولىپ وتىر
تاعىنان تايدىرىلعان مىسىر پرەزيدەنتى مۇحاممەد ءمۋرسيدىڭ وتباسى اسكەريلەرگە قارسى سوتقا شاعىمدانباق نيەتى بار ەكەنىن مالىمدەدى. «قىلمىس جاساماعان ادامدى ۇستاۋعا نەمەسە ۇرلاۋعا ەشكىمنىڭ ەشقانداي قاقىسى جوق», دەيدى وسى ورايدا ءمۋرسيدىڭ ۇلى مۋرسي ۋساما.
سونداي-اق, ول ءوزىنىڭ وتباسى مىسىردىڭ قورعانىس ءمينيسترى ابدەل فاتتاح ءال-سيسيگە قارسى حالىقارالىق دەڭگەيدە قۇقىقتىق شارا قولداناتىنىن اتاپ كورسەتتى. ۋسامانىڭ سوزىنە قاراعاندا, ەلدە بيلىك اۋىسقالى بەرى اكەلەرىمەن ەشقانداي بايلانىسقا شىعا الماي وتىرعان كورىنەدى. سونىمەن قاتار, ونىڭ قايدا ەكەنى, دەنساۋلىعى قانداي جاعدايدا ەكەنى تۋرالى دا ەشتەڭە بىلمەيدى ەكەن. ءمۋرسيدىڭ وتباسىن «مۇسىلمان باۋىرلار» قوزعالىسىنىڭ مۇشەلەرى قولداپ وتىر.
پونتيفيكتىڭ ساپارىنا نارازىلار بار
ريم پاپاسى فرانتسيسك بارماقشى بولىپ وتىرعان برازيلياداعى شىركەۋدەن قولدان جاسالعان جارىلعىش قۇرىلعى تابىلعان. شىركەۋ سان-پاۋلۋ شتاتىندا ورنالاسقان. بۇل تۋرالى حابارلاعان دەرەك كوزىنىڭ مالىمەتىنە قاراعاندا, جارىلعىشتىڭ قۋاتى سۇراپىل ەكەن.
ريم پاپاسى برازيلياعا پونتيفيك رەتىندەگى العاشقى ءبىر اپتالىق ساپارى بارىسىندا حرامعا بۇگىن بارۋى ءتيىس بولاتىن. وسى ارالىقتا ريو-دە جانەيروداعى ۇكىمەت سارايىندا ريم پاپاسى برازيليا پرەزيدەنتى ديلما رۋسسەففپەن كەزدەسكەن ەدى. سول ساتتە جۇزدەگەن ادام شەرۋگە شىعىپ, وزدەرىنىڭ نارازىلىقتارىن ءبىلدىردى. پوليتسيا كوزدەن جاس اعىزاتىن گاز قولدانىپ, دەمونسترانتتاردى قۋىپ تاراتتى. شەرۋگە شىققاندار ساپارعا وراي برازيليانىڭ 53 ميلليون دوللار شىعىندايتىنىنا نارازىلىق بىلدىرگەن-ءتىن.
قىسقا قايىرىپ ايتقاندا:
كەمبريدج گەرتسوگينياسى كەيت ميددلتون ۇل بالا تۋعان. ازىرشە اتى بەلگىسىز نارەستە كەمبريدج مۇراگەرى بولىپ تابىلادى جانە ۇلىبريتانيا كورولى تاعىنان ءۇشىنشى ۇمىتكەر بولىپ ەسەپتەلەدى.
قىتايداعى جەر سىلكىنىسىنەن قازا تاپقاندار سانى 89 ادامعا جەتتى. 5 ادام تابىلماي وتىر. 515 ادام زارداپ شەككەندەر قاتارىندا بولسا, 60-نىڭ جاعدايى اۋىر دەلىنۋدە. ءزىلزالا سالدارىنان 1,2 مىڭ ءۇي قيراعان.
تايلاندتىڭ ورتالىق بولىگىندەگى اۆتوموبيل اپاتىنان 19 ادام قازا تاپتى. وقيعا سارابۋري پروۆينتسياسىندا ورىن العان. ەكى قاباتتى اۆتوبۋس جۇك كولىگىمەن سوقتىعىسقاننان كەيىن وتقا ورانعان.
ليۆيانىڭ بەنگازي پورتىندا قارۋلى ادامدار ۋكراينا ەكيپاجىنىڭ باسقارۋىنداعى Etel كەمەسىن باسىپ العان. ۋكراينا تاراپى وقيعانى جاۋلىق اكتسياسى رەتىندە باعالاپ وتىر. كەمەگە جالپى قۇنى 9,5 ميلليون دوللار تۇراتىن 600-دەي اۆتوكولىك تيەلىپتى.
ەو-دا مەملەكەتتىك قارىزى ءىجو-ءنىڭ 100 پايىزىنان اساتىن بەس مەملەكەت بار. ولاردىڭ كوشىن بەلگيا باستاپ تۇرسا, ودان كەيىنگى «جۇلدەلى» ورىندار گرەكيانىڭ, يرلانديانىڭ, پورتۋگاليانىڭ, سونداي-اق, يتاليانىڭ ەنشىسىندە.
دەترويتتاي زارداپ شەككەن قالا جوق
اقش-تا رەتسەسسيادان دەترويت سەكىلدى قاتتى زارداپ شەككەن بىردە-ءبىر قالا جوق. 2007 جىلدان بەرى شاھار تۇرعىندارى ەكى ەسەگە قىسقارسا, قازىرگى كەزدە وتەۋى ەش مۇمكىن بولماي وتىرعان قارىز كولەمى 18 ميلليارد دوللارعا جەتكەن.
ەندى دەترويتتاعى قيىن جاعداي بۇكىل ەلدەگى ءوندىرىستى قالالارعا قاتەر توندىرۋدە. ال قالانىڭ وزىندەگى احۋال اۆتوموبيل وندىرىسىندە قۇلدىراۋ باستالىسىمەن بىردەن كۇرت ناشارلاپ كەتكەن. «بىردە-ءبىر قالا مۇنداي اۋىر سالداردى باسىنان وتكەرگەن جوق, بىراق ەلدە كۇن تارتىبىندە وسىنداي پروبلەمالارى بار ونداعان, ءتىپتى جۇزدەگەن قالالار تۇر. قازىرگى كەزدە اقش-تىڭ كەز كەلگەن يندۋستريالىق قالاسى دەترويتتىڭ كەبىن كيۋى ابدەن مۇمكىن», دەيدى ساراپشىلار.
ءبىرتۇتاس بالتىق ارمياسىن قۇپتامايدى
ەستونيا قورعانىس ءمينيسترى ۋرماس رەينسالۋ جاقىندا لاتۆيا پرەزيدەنتى اندريس بەرزينش ايتقان بالتىق ەلدەرى قارۋلى كۇشتەرىن بىرىكتىرۋ يدەياسىن سىن