قازاقستاننىڭ باسىم بولىگىندە قۇبىلمالى كۇن رايى ساقتالادى. جەكەلەگەن وڭىرلەردە جاڭبىر, نايزاعاي, ەكپىندى جەل, بۇرشاق كۇتىلەدى. سولتۇستىكتە جانە ورتالىقتا تۇمان بولسا, باتىس جانە وڭتۇستىكتە سەنبى جاۋىن-شاشىنسىز وتەتىنى بولجانادى. بۇل تۋرالى «قازگيدرومەت» رمك حابارلادى.
قاراعاندى وبلىسىنىڭ كەي جەرىندە جەل 15-20 م/س كۇشەيەدى, بۇرشاق جاۋى ىقتيمال, تۇندە جانە تاڭەرتەڭ جەكەلەگەن اۋماقتارىندا تۇمان كۇتىلەدى.سولتۇستىك قازاقستان وبلىسىنىڭ كەي جەرىندە جەل 15-20 م/س كۇشەيەدى, تۇندە جانە تاڭەرتەڭ تۇمان بولجانادى.قوستاناي, اقمولا, شىعىس قازاقستان, كۇندىز تۇركىستان, پاۆلودار وبلىستارىنىڭ كەي جەرىندە جەل 15-20 م/س كۇشەيەدى. اقمولا جانە پاۆلودار وبلىستارىندا تۇمان كۇتىلەدى. سونداي-اق تۇركىستان, اتىراۋ, قىزىلوردا, جامبىل, قاراعاندى وبلىستارىنىڭ كەي جەرىندە, الماتى جانە اقتوبە وبلىستارىنىڭ جەكەلەگەن اۋدانىندا وتە جوعارى ءورت قاۋپى ساقتالادى.