سەنبى, 1 ماۋسىم 2013 2:14
«Tengrinews.kz» سايتىندا وڭتۇستىك قازاقستان وبلىسى قۇرىلىس باسقارماسى باستىعىنىڭ ورىنباسارى الميرا ورمانشينانىڭ ۇستىنەن التى ميلليون تەڭگە پارا الدى دەگەن كۇدىكپەن قىلمىستىق ءىس قوزعالعانى تۋرالى اقپارات جاريالاندى.
سەنبى, 1 ماۋسىم 2013 2:14
«Tengrinews.kz» سايتىندا وڭتۇستىك قازاقستان وبلىسى قۇرىلىس باسقارماسى باستىعىنىڭ ورىنباسارى الميرا ورمانشينانىڭ ۇستىنەن التى ميلليون تەڭگە پارا الدى دەگەن كۇدىكپەن قىلمىستىق ءىس قوزعالعانى تۋرالى اقپارات جاريالاندى.
ءىستى قارجى پوليتسياسى اگەنتتىگىنىڭ تەرگەۋشىلەرى ءجۇرگىزىپ وتىر. «قۇرىلىس باسقارماسى باستىعىنىڭ ورىنباسارى ءۇستىمىزدەگى جىلدىڭ 24 ءساۋىرى مەن 3 مامىرى ارالىعىندا 3 ەمحانا مەن 1 مەكتەپ قۇرىلىسىنىڭ جوبالىق-سمەتالىق قۇجاتتارىن دايىنداۋعا ارنالعان كونكۋرستا جەڭىمپاز بولىپ شىعۋ ءۇشىن تۇتىنۋ كووپەراتيۆىنىڭ ءتوراعاسىنان ماجبۇرلەۋ جولىمەن پارا العان دەگەن كۇدىكپەن ايىپتالۋدا» دەلىنگەن قارجى پوليتسياسىنىڭ اقپاراتىندا.الميرا ورمانشينانىڭ قۇرىلىس باسقارماسىنىڭ باستىعى بولىپ, اياق استىنان قىزمەتىنەن تومەندەپ, ورىنباسار بولعانىنا دا كوپ ۋاقىت بولا قويعان جوق. سوڭعى كەزدەرى ەل ىشىندە «ورمانشينا جۇمىستان بوساپ, ماسكەۋگە قاشىپ كەتىپتى» دەگەن سوزدەردىڭ ءورشىپ كەتكەنى راس. ءتىپتى, ونىڭ جاپ-جاس بولسا دا كەزىندە قىزمەتتە تەز ورلەۋىن جاقىندا عانا جۇمباق جاعدايدا جۇمىسىنان بوساپ, بۇگىندە قايدا جۇرگەنى بەلگىسىز وبلىس اكىمىنىڭ ورىنباسارى بولاتبەك ناجىمەتدين ۇلىمەن بايلانىستىراتىندار دا بار. كىم ءبىلسىن… ءبىر انىعى, «قۇلان قۇدىققا قۇلاسا, قۇلاعىندا قۇرباقا وينايدى» دەگەن, ورمانشينانىڭ داۋرەنى وتكەنىن بىرەۋلەر سەزىپ-ءبىلىپ, ءبىر كەزدەرى جاسىرىپ قويعان «كارتالارىن» اشىپ, كەيبىر جايتتەردى جايىپ سالۋدى ويلاعان سياقتى. ارينە, بۇل جاعداي ونسىز دا جالىنداپ تۇرعان وتقا تاعى دا ماي تامىزعانداي بولعانى انىق. وڭتۇستىكتەگى دۇربەلەڭ وسىمەن توقتاي ما, جوق پا؟ورالحان ءداۋىت,«ەگەمەن قازاقستان».وڭتۇستىك قازاقستان وبلىسى.