سەيسەنبى, 19 اقپان 2013 7:20
«ەگەمەننىڭ» 13 اقپانداعى №66 سانىندا مەنشىكتى ءتىلشى ءنازيرا جارىمبەتوۆانىڭ «قامشىنىڭ سابىمەن ۇرماس بولار… سىبايلاس جەمقورلىقپەن كۇرەسۋ كەرەك. اسىرا سىلتەۋ كەرەك پە؟» اتتى كولەمدى ماقالاسى كوپتەگەن وقىرمان ويىنان ءدوپ شىققانى ءسوزسىز-اق.
سەيسەنبى, 19 اقپان 2013 7:20
«ەگەمەننىڭ» 13 اقپانداعى №66 سانىندا مەنشىكتى ءتىلشى ءنازيرا جارىمبەتوۆانىڭ «قامشىنىڭ سابىمەن ۇرماس بولار… سىبايلاس جەمقورلىقپەن كۇرەسۋ كەرەك. اسىرا سىلتەۋ كەرەك پە؟» اتتى كولەمدى ماقالاسى كوپتەگەن وقىرمان ويىنان ءدوپ شىققانى ءسوزسىز-اق.
ماقالادا ايتىلعانداي, سىبايلاس جەمقورلىقپەن كۇرەستە كورەر كوزگە اسىرا سىلتەۋ, «جوسپار قۋ» ارا-تۇرا اپ-ايقىن كورىنىپ قالادى. سودان كەلىپ, تۇك كىناسى جوق جانداردىڭ «ىشكەنى ءىرىڭ, جەگەنى جەلىم» بولىپ جۇرەدى. ەلىمىزدەگى ءبىر كەسىر وسى. «اپام دا اڭ-تاڭ, مەن دە اڭ-تاڭ» دەگەندەي, سونداي جاعدايدى, كەيدە كىسى كۇلەرلىك شەشىمدەر جايىندا جۇرت ايتىپ تا ءجۇر. مەنىڭشە بىلاي, پروكۋراتۋرا, باسقا دا ءتيىستى قۇرىلىمدار اقيقاتتىڭ اۋىلىنان الشاقتاپ كەتىپ جاتاتىندارىن, زاڭناما-ەرەجەلەردەگى پىسپەگەن تۇستاردى, وزدەرى ارينە, جاقسى بىلەدى. وكىنىشكە قاراي, سونى اۋدانداعىلارى وبلىسقا, وبلىستاعىلارى استاناعا ايتىپ, اراسىندا اسىرا سىلتەپ جىبەرەتىندەرىن مويىنداۋعا بارمايدى. ويتكەنى, بىرىنشىدەن, وزدەرىنە «مىناۋ نە ايتىپ وتىر, تىنىش جۇرە بەر» دەگەن بالە تىلەپ العىسى كەلمەيدى. ءبىراز قىرسىق وسىدان تۋىندايدى.ءيا, سىبايلاس جەمقورلىقپەن كۇرەستە قاراپايىم تۇسىنىككە سالعان ادام ۇعىنبايتىن جايتتار تولىپ جاتىر. مۇنى ەرتەڭگە قالدىرماي, ءتۇزەتۋ كەرەك. ءتيىستى ورگاندار سونى شاپشاڭداتۋى قاجەت-اق. بىزدە ءبىر نارسەنى جونگە سالۋ جىلداپ كەشىگىپ جاتاتىنى دا الەۋمەتتىڭ ارقاسىنا ايازداي باتادى. قارا قىلدى قاق جارماسا, تىرلىگىمىز جارعا تىرەلەدى. بۇل ءشۇباسىز.بولات ەسقاليەۆ,اۋداندىق «جايىق تاڭى» گازەتىنىڭ رەداكتورى.باتىس قازاقستان وبلىسى. اقجايىق اۋدانى.