بەيسەنبى, 19 شىلدە 2012 7:19
وليمپياداعا 8 كۇن قالدى
كەشە قورعانىس مينيسترلىگىندە ءمينيستردىڭ ورىنباسارى سەرگەي گروموۆ لوندوندا وتەتىن ححح جازعى وليمپياداعا قاتىساتىن اسكەري سپورتشىلارمەن كەزدەستى.ۇلتتىق وليمپيادا قۇراماسىنىڭ تۇماندى البيونعا جۇرۋىنە ساناۋلى كۇندەر قالعانى بەلگىلى. وسى رەتتە قورعانىس ۆەدموستۆوسىنىڭ باسشىلىعى ءوز سپورتشىلارىنا ءسات ساپار ايتىپ, اق جول تىلەدى.ححح جازعى وليمپيا ويىندارىنا ەلىمىزدەن سپورتتىڭ 25 ءتۇرىنەن 115 سپورتشى قاتىسادى دەسەك, ۇلتتىق قۇرامانىڭ جالپى جولداماسىنىڭ ۇلكەن بولىگى قازاقستان قارۋلى كۇشتەرىنىڭ ەنشىسىندە ەكەن.
بەيسەنبى, 19 شىلدە 2012 7:19
وليمپياداعا 8 كۇن قالدى
كەشە قورعانىس مينيسترلىگىندە ءمينيستردىڭ ورىنباسارى سەرگەي گروموۆ لوندوندا وتەتىن ححح جازعى وليمپياداعا قاتىساتىن اسكەري سپورتشىلارمەن كەزدەستى.
ۇلتتىق وليمپيادا قۇراماسىنىڭ تۇماندى البيونعا جۇرۋىنە ساناۋلى كۇندەر قالعانى بەلگىلى. وسى رەتتە قورعانىس ۆەدموستۆوسىنىڭ باسشىلىعى ءوز سپورتشىلارىنا ءسات ساپار ايتىپ, اق جول تىلەدى.ححح جازعى وليمپيا ويىندارىنا ەلىمىزدەن سپورتتىڭ 25 ءتۇرىنەن 115 سپورتشى قاتىسادى دەسەك, ۇلتتىق قۇرامانىڭ جالپى جولداماسىنىڭ ۇلكەن بولىگى قازاقستان قارۋلى كۇشتەرىنىڭ ەنشىسىندە ەكەن.
بۇل جولعى الەمدىك دودادا 26 اسكەري سپورتشى وتانىمىزدىڭ نامىسىن قورعاماق. ولار جەڭىل اتلەتيكا, بايداركادان ەسۋ جانە كانوە, سينحروندى ءجۇزۋ, دزيۋدو, ەركىن كۇرەس, بوكس, ءجۇزۋ جانە قازىرگى بەسسايىس سىندى سپورت تۇرلەرىنەن سىنعا تۇسپەك.2011 جىلى وتكەن VII قىسقى ازيا ويىندارىندا ۇلتتىق قۇرامانىڭ 16 پايىزىن ارميا ورتالىق سپورت كلۋبىنىڭ سپورتشىلارى قۇراپ, سول جولى ولار جالپى جۇلدەنىڭ 33 پايىزىن ەنشىلەگەن-ءدى. XVI جازعى ازيا ويىندارىندا دا ۇلتتىق قۇرامانىڭ 20 پايىزىن قۇراعان اسكەري سپورتشىلار جالپى جۇلدەنىڭ 37 پايىزىن قانجىعاعا بايلاعان بولاتىن.كەزدەسۋ بارىسىندا ۆيتسە-مينيستر ەلىمىز ءۇمىت ارتىپ وتىرعان ساڭلاقتارعا ۇستامدىلىق پەن وزدەرىنە دەگەن سەنىمدىلىك تىلەي كەلە, بۇل جەڭىسكە جەتەلەيتىن بىردەن-ءبىر جول ەكەنىن ايتسا, لوندوندا باق سىناۋ باقىتىنا يە بولعان بوكستان ەكى دۇركىن الەم چەمپيونى سەرىك ساپيەۆ (69 كگ.) پەن ەركىن كۇرەستەن الەم چەمپيوناتىنىڭ جۇلدەگەرى داۋلەت نيازبەكوۆ (55 كگ.) تە وزدەرىنىڭ ەل نامىسىن قولدان بەرمەۋگە بارىن سالاتىندىقتارىن جەتكىزدى.ء ابدىراحمان قىدىربەك,«ەگەمەن قازاقستان»سۋرەتتى تۇسىرگەن ەرمەك سارباسوۆ.