بەيسەنبى, 19 شىلدە 2012 7:15
كۇن سايىن ءدۇبىرى جاقىنداپ كەلە جاتقان لوندون وليمپياداسىن پاۆلودارلىق جانكۇيەرلەر دە اسىعا كۇتۋدە. مۇنىڭ سەبەبى دە بار, ويتكەنى, الەمدىك دودادا 6 سپورتشىمىز ەلىمىزدىڭ نامىسىن قورعايتىن بولادى.
بەيسەنبى, 19 شىلدە 2012 7:15
كۇن سايىن ءدۇبىرى جاقىنداپ كەلە جاتقان لوندون وليمپياداسىن پاۆلودارلىق جانكۇيەرلەر دە اسىعا كۇتۋدە. مۇنىڭ سەبەبى دە بار, ويتكەنى, الەمدىك دودادا 6 سپورتشىمىز ەلىمىزدىڭ نامىسىن قورعايتىن بولادى.
مىسالى, رومان ۆاليەۆ, الەكساندر زايكوۆ, تاتيانا ازاروۆا, الەكساندر فيشەر جەڭىل اتلەتيكادان وزگە ەلدەر سپورتشىلارىمەن سىنعا تۇسەدى. 90-شى جىلدارى حالىقارالىق دارەجەدەگى سپورت شەبەرى مارات جىلانباەۆ وبلىستىڭ داڭقىن شىعاردى, ول سپورتتىق جەتىستىكتەرى ءۇشىن گينەسستىڭ رەكوردتار كىتابىنا 7 دۇركىن ەندى. كونكيشى ليۋدميلا پروكاشەۆانى جۇرتشىلىق جاقسى بىلەدى.– جەڭىل اتلەتتەردەن باسقا نىسانا كوزدەۋشى ۆياچەسلاۆ پودلەسنىي, بالۋان داۋلەت شابانباي باقتارىن سىنايدى. سپورتشىلارىمىز بۇل جولعى وليمپياداعا جاقسى دايىندالدى, – دەيدى وبلىستىق سپورت جانە تۋريزم باسقارماسىنىڭ ءبولىم باستىعى ولەگ كولەۆ. – سوندىقتان, الداعى كۇننەن ءۇمىتىمىز ۇلكەن. بۇدان بۇرىن دا ءبىزدىڭ سپورتشىلارىمىز باسقا دا وليمپيادالارعا قاتىسقان. قالىپتاسقان جاقسى تاجىريبەمىز بار.ونىڭ ايتۋىنشا, باستى ەرەكشەلىك, وليمپياداعا قاتىساتىن سپورتشىلاردىڭ ءبارى دە ءوز جەرلەستەرىمىز, پاۆلوداردا تۋىپ-وسكەن ناعىز ءوزىمىزدىڭ قازاقستاندىق قىز-جىگىتتەر ەكەن. ءسويتىپ, ەل نامىسىن ءوز ەلىمىزدە, ءوز جەرىمىزدە, قازاق اراسىندا وسكەن ناعىز پاتريوتتار قورعايتىن بولادى. جالپى, ەلىمىز تاۋەلسىزدىك العان جىلداردان بەرى جۇرتشىلىق جاتتىعۋعا, شىنىعۋعا باراتىن سپورت عيماراتتارىنىڭ سانى ارتتى. وبلىس ورتالىعىن بىلاي قويعاندا, قازىر اۋداندارداعى, ەلدى مەكەندەردەگى ستاديوندار, سپورت زالدارى جابدىقتالدى. جۇمابەك مەيرامعاليەۆتىڭ باستاماسى بويىنشا سپورتتىڭ ۇلتتىق جانە حالىقتىق تۇرلەرى بويىنشا بالالار-جاسوسپىرىمدەر سپورت مەكتەبى قۇرىلدى. قازىرگى ۋاقىتتا مەكتەپتە سپورتتىڭ ءتورت ءتۇرى تاراتىلادى: قازاق كۇرەسى, سامبو, دزيۋدو, ات سپورتى, شۇعىلدانۋشىلار – 735 ادام. وبلىس ورتالىعىنداعى “شاحمات ءۇيى” نەگىزىندە توعىزقۇمالاق جانە ۇستەل تەننيسى, شاحمات بولىمشەلەرى مەن بالالار-جاسوسپىرىمدەر سپورت مەكتەبى اشىلدى. بۇگىنگى كۇنى وبلىستا 26 بالالار-جاسوسپىرىمدەر سپورت مەكتەبى جۇمىس ىستەيدى (ولاردىڭ 7-ءۋى وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبى).قىسقى سپورتتىڭ تۇرلەرى بويىنشا بالالار-جاسوسپىرىمدەر سپورت مەكتەبى قۇرىلدى. فۋتبول بويىنشا “ەرتىس” بالالار-جاسوسپىرىمدەر سپورت مەكتەبى اشىلدى.– “وليمپيادالىق رەزەرۆتىڭ مامانداندىرىلعان بالالار-ءجاسوسپىرىمدەر مەكتەبى مارتەبەسىن الدى. وبلىس ورتالىعىندا «نەپتۋن», «شىمىر» دەنە شىنىقتىرۋ-ساۋىقتىرۋ كەشەندەرى پايدالانۋعا بەرىلدى. 2003 جىلى «استانا» مۇز سارايى سالىندى. سونىمەن قاتار, ۋسپەن اۋدانىنىڭ پاۆلوۆ اۋىلىندا وبلىستىق “بۇلاق” باعدارلاماسىنا سايكەس سپورت زالى قايتادان جابدىقتالدى, پاۆلودار قالاسى اۋىلدىق ايماعىنىڭ كەنجەكول اۋىلىندا جانە ۋسپەن اۋدانىنىڭ تيميريازەۆ اۋىلىندا سپورت زالدارىنا, ەكىباستۇز قالاسى اۋىلدىق ايماعىنىڭ سولنەچنىي كەنتىندە دەنە شىنىقتىرۋ-ساۋىقتىرۋ كەشەنىنە جانە ماي اۋدانىنىڭ قاراتەرەك اۋىلىندا حوككەي قوراپتارىنا كۇردەلى جوندەۋ جۇرگىزىلدى. ورتالىق ستاديوندا جاساندى جابىلعىشى جانە جىلىتقىشى بار فۋتبول الاڭى سالىندى. وبلىس ورتالىعىندا دەمەۋشىلەر قاراجاتى ەسەبىنەن سينتەتيكالىق جابىلعىشى بار 2 تەننيس كورتى, جاساندى كوگال جابىلعىشىمەن 4 شاعىن فۋتبول الاڭى, كيىم اۋىستىراتىن ءبولمەلەرى بار 5 حوككەي قورابى (ولاردىڭ 1-ەۋى پلاستيكتەن جاسالعان) سالىندى.18 سپورت ءتۇرى بويىنشا ەلىمىزدىڭ قۇراما كوماندالارىنا پاۆلودار وبلىسىنىڭ 149 سپورتشىسى ەندى. ءبۇگىنگى كۇنى وبلىستا سپورتتىڭ 42 وليمپيادالىق تۇرىنەن 26-سى, 59 وليمپيادالىق ەمەس تۇرىنەن 38-ءى جانە 14 ۇلتتىق حالىقتىق سپورت تۇرلەرى تاراتىلادى. وبلىسىمىزدىڭ 500-دەن استام سپورتشىسى ءار ءتۇرلى سپورت تۇرلەرى بويىنشا رەسپۋبليكا قۇراما كوماندالارىنىڭ مۇشەلەرى بولىپ تابىلادى. سپورتتىڭ باسىمدى ءتۇرلەرىنىڭ سانى 10-عا دەيىن ۇلعايدى, ولاردىڭ ءوز ۇلكەن داستۇرلەرى, ماتەريالدىق-تەحنيكالىق بازاسى جانە جاتتىقتىرۋشىلار الەۋەتى بار (شاڭعى جارىسى, بياتلون, فريستايل-اكروباتيكا, بوكس, ءجۇزۋ, ەركىن كۇرەس, دزيۋدو, ۆەلوسيپەد سپورتى, جەڭىل اتلەتيكا). ءبىز وليمپياداعا اتتاناتىن جەرلەس سپورتشىلارىمىزعا, جالپى بارلىق قازاقستاندىق سپورتشىلارعا ءساتتى ساپار تىلەيمىز. جەڭىسپەن ورالىڭدار دەگىمىز كەلەدى,– دەيدى ولەگ ۆيكتوروۆيچ.فاريدا بىقاي,«ەگەمەن قازاقستان».پاۆلودار وبلىسى.