سەنبى, 7 شىلدە 2012 7:29
جاقىندا عانا دۇبىرلەپ وتكەن ەۋرو – 2012 چەمپيوناتىندا وسى شارانى بارىنشا ناسيحاتتاۋ ءۇشىن ارنايى كونكۋرس وتكىزىلگەن ەدى. ول بلوگگەرلەر مەن جۋرناليستەرگە ارنالعان بولاتىن. مىنە, سوندا ءبىزدىڭ ارىپتەسىمىز ارشات بلوگگەرلەر ىشىنەن جەڭىمپاز اتانسا, جۋرناليستەر ىشىنەن «Pro sport» گازەتىنىڭ باس رەداكتورى ەۆگەني گايداماكين ءبىرىنشى ورىنعا يە بولدى. ءسويتىپ, بايقاۋعا قاتىسقانداردىڭ اراسىنان سۋرىلىپ شىققان قوس ارىپتەسىمىز 2 كۇن بويى ۋكراينا استاناسىندا بولىپ, ءتورت جىلدا ءبىر كەلەتىن جارىستى تاماشالاۋعا مۇمكىندىك الدى.
سەنبى, 7 شىلدە 2012 7:29
جاقىندا عانا دۇبىرلەپ وتكەن ەۋرو – 2012 چەمپيوناتىندا وسى شارانى بارىنشا ناسيحاتتاۋ ءۇشىن ارنايى كونكۋرس وتكىزىلگەن ەدى. ول بلوگگەرلەر مەن جۋرناليستەرگە ارنالعان بولاتىن. مىنە, سوندا ءبىزدىڭ ارىپتەسىمىز ارشات بلوگگەرلەر ىشىنەن جەڭىمپاز اتانسا, جۋرناليستەر ىشىنەن «Pro sport» گازەتىنىڭ باس رەداكتورى ەۆگەني گايداماكين ءبىرىنشى ورىنعا يە بولدى. ءسويتىپ, بايقاۋعا قاتىسقانداردىڭ اراسىنان سۋرىلىپ شىققان قوس ارىپتەسىمىز 2 كۇن بويى ۋكراينا استاناسىندا بولىپ, ءتورت جىلدا ءبىر كەلەتىن جارىستى تاماشالاۋعا مۇمكىندىك الدى.
ءبىز ارشات ەكەۋمىز ءبىر ۇجىمدا جۇمىس ىستەيتىندىكتەن ونىڭ ەۋرو-2012-دەگى كوماندالاردىڭ دايىندىعى, وندا قاي ەلدىڭ قۇرامالارىنىڭ جاقسى ونەر كورسەتەتىنىنە بولجام جاساپ جۇرگەنىن بىلەتىنمىن. سول كەزدە ونىڭ ءوزى جاساعان كەرەكينفو سايتىندا ەۋرو-2012 تۋرالى كوپتەگەن قىزىقتى جانە تارتىمدى ماتەريالدارى شىقتى. وسى ساراپتامالىق ماتەريالدار مەن بولجامدارعا كوپتەگەن وقىرمانداردىڭ نازار اۋدارعانىن بىلەمىز. ال ارشاتتىڭ ءوزى سول دۇنيەلەرىن جيناپ, كونكۋرستا بلوگگەرلەر اراسىندا جەڭىمپاز اتانعاندا ارىپتەسىمىزدىڭ بارلىق الەۋمەتتىك جەلىدەگى دوستارىنىڭ شىن جۇرەگىمەن تىلەكتەستىگىن ءبىلدىرىپ, قۋانباعانى جوق دەسە بولادى. ارشات كيەۆكە بارعاندا دا سول جاقتان ينتەرنەتكە ءوزىنىڭ كورگەن-بىلگەندەرىن, سۋرەتكە تۇسىرگەندەرىن جاريالاپ وتىردى. بۇل ماتەريالدارى دا ينتەرنەتتى پايدالانۋشىلار تاراپىنان جوعارى باعاعا يە بولدى.
ارىپتەسىمىزدىڭ سول جازعاندارىنىڭ ىشىندە ەۋرو-2012-ءنىڭ ۋكراينا ءۇشىن قانشالىقتى ماڭىزدى بولعانى تۋرالى پىكىرى نازار اۋدارتادى. «قوناقجاي ۋكراينانىڭ ەۋرو-2012-دەن تۇسكەن تابىسى 500 ميلليون ەۋروعا جەتتى. العاشقى كەزدە كوپشىلىك بۇل ەلدىڭ چەمپيوناتتى لايىقتى وتكىزە المايدى, وعان مۇنداعى ساياسي جاعداي مەن كەيبىر جاعدايلاردىڭ ارەكەتى كەرى اسەر ەتەدى دەگەن ەدى. جوق, ولاي بولمايدى», – دەدى ارشات. تاعى ءبىر جەردە ارىپتەسىمىز: «ۋكراينا ۇتىلمادى. سپورتتىق كورسەتكىشى بويىنشا بۇل ەل ءوز توبىندا 3-ءشى بولىپ, شيرەك فينالعا دا شىعا الماعانىمەن, ەكونوميكالىق تۇرعىدان دا, قوعامدىق تۇرعىدان دا ۇتتى. قانشاما تۋريست كەلىپ, ۋكراينانىڭ قانداي ەل ەكەنىن تانىپ كەتتى ەمەس پە. وسى چەمپيونات ءۇشىن جاڭا سپورت كەشەندەرى سالىندى, حالىقتىڭ سپورتقا دەگەن اۋەستىگى ءوستى. ۇلتتىق قۇرامانىڭ ارقاسىندا ەل ءبىرتۇتاس بولا الدى, ءپاتريوتيزمى كۇشەيە ءتۇستى», دەگەن پىكىرىن بىلدىرگەن.
جالپى ايتقاندا, ارىپتەسىمىزدىڭ مىڭداعان ادامداردىڭ ىشىنەن سۋىرىلىپ العا شىعىپ, كونكۋرستا جەڭىمپاز اتانعانى دانىشپان اباي اتامىزدىڭ: «وزىڭە سەن, ءوزىڭدى الىپ شىعار, اقىلىڭ مەن قايراتىن ەكى جاقتاپ», دەگەن وسيەتىنە بايلانىستىرىپ ايتۋعا بولادى.
داستان كەنجالين, «ەگەمەن قازاقستان».