تاراز قالاسىندا جامبىل وبلىسى اكىمدىگىنىڭ ۇيىمداستىرۋىمەن وبلىس كاسىپكەرلەرىنىڭ ايماقتىق بيزنەس-فورۋمى ءوتتى. فورۋمنىڭ ماقساتى – ەلباسىنىڭ بيىلعى جولداۋى شەڭبەرىندە كاسىپكەرلىكتى دامىتۋ جونىندەگى باعدارلامانى جۇزەگە اسىرۋعا ۇيىتقى بولىپ, اتسالىسۋ.
فورۋمعا “سامۇرىق-قازىنا” ۇلتتىق ءال-اۋقات قورى” اق, توقىما جانە جيھاز كاسىپورىندارى, ازىق-ت ۇلىك جانە ءسۇت ونىمدەرى كاسىپورىندارى, ماي جانە شۇجىق بۇيىمدارىن وندىرۋمەن شۇعىلداناتىن كاسىپورىندار, قۇرىلىس كومپانيالارى جانە جامبىل وبلىسىنداعى ەكىنشى دەڭگەيلى بانك فيليالدارىنىڭ باسشىلارى قاتىستى.
فورۋم باستالماس بۇرىن وعان شاقىرىلعان باسشىلار مەن كاسىپكەرلەر جەرگىلىكتى تاۋار ءوندىرۋشىلەردىڭ كورمەسىمەن تانىسىپ, بيزنەسكە قىزمەت ەتەتىن ەكىنشى دەڭگەيلى بانكتەر مەن “دامۋ” كاسىپكەرلىكتى دامىتۋ قورى فيليالدارى ء“موبيلدى كەڭسەلەرىنىڭ” قىزمەتكەرلەرى ۇسىنعان نەسيە تۇرلەرىنەن ماعلۇماتتار الدى.
وبلىس كاسىپكەرلەرىنىڭ ايماقتىق فورۋمىن اشقان وبلىس اكىمى قانات بوزىمباەۆ ەلباسىنىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى بيىلعى جولداۋىندا اتاپ كورسەتىلگەن تاپسىرمالارعا سايكەس وبلىس كاسىپكەرلەرىن جاڭا مۇمكىندىكتەردى ءتيىمدى پايدالانۋعا شاقىردى.
– الداعى ۋاقىتتا كاسىپكەرلىكتى دامىتۋدىڭ بىرنەشە نەگىزگى باعىتتارى بار. ول – ايماقتاعى يندۋستريالىق-يننوۆاتسيالىق دامۋدى ۇدەمەلەۋ, اكىمشىلىك كەدەرگىلەردى ازايتۋ, وتاندىق جانە شەتەلدىك ينۆەستورلارمەن ءوزارا ءتيىمدى جانە قولايلى ۇسىنىس جولدارىمەن ينۆەستيتسيالىق يگىلىكتى احۋال جاساۋ, مينەرالدى شيكىزات رەسۋرستارىن جانە ادامي كاپيتالدى پايدالانا وتىرىپ, قولدا بار مۇمكىندىكتەر نەگىزىندە وبلىس ەكونوميكاسىن دامىتۋ باعدارلاماسىن جۇزەگە اسىرۋ بولىپ تابىلادى. بۇل مىندەتتەردى ورىنداۋ جەرگىلىكتى بيلىك پەن بيزنەس بىرلەسىپ كۇش توپتاستىرعان جاعدايدا عانا جۇزەگە اسىرىلادى. سوندىقتان ءبىز ارقاشاندا بيزنەسپەن ىسكەر بايلانىس جاساۋعا دايىنبىز جانە ولاردىڭ وبلىس ەكونوميكاسىن كوتەرۋگە ىڭعايلى كەز كەلگەن باستاماسىن قولدايمىز, – دەدى وبلىس اكىمى.
“سامۇرىق-قازىنا” قورىنىڭ دەلەگاتسياسى, اتاپ ايتساق, قورداعى وتاندىق كاسىپكەرلىكتى قولداۋمەن اينالىساتىن دامۋ ينستيتۋتتارى مەن كومپانيالاردىڭ وكىلدەرى فورۋم كەزىندە كاسىپكەرلىكتى قولداۋ-داعى قور توبى ۇسىنىپ وتىرعان مۇمكىندىكتەرمەن تانىستىردى. كاسىپكەرلىكتى قولداۋدىڭ ەرەكشەلىكتەرىن ءتۇسىندىردى.
“سامۇرىق-قازىنا” قورىنا ەنەتىن “قازاقستان دامۋ بانكى” اق ورتاشا مەرزىمدى جانە ۇزاق مەرزىمدى نەسيەلەۋ بويىنشا قوسىمشا قارجىلاندىرۋ قۇرالى رەتىندە 5 ملن. اقش دوللارىنان باستاپ نەسيە بەرسە, ال اگروونەركاسىپتىك سالاداعى جوبالار ءۇشىن 20 ملن. اقش دوللارىنان باستاپ نەسيە بەرە الادى ەكەن. ەكسپورتتىق وپەراتسيالاردى قوسىمشا قارجىلاندىرۋ, ياعني نەسيەلەۋ 1 ملن. اقش دوللارىنان باستالادى. قازىر قدب-نىڭ قاتىسۋىمەن 2 ملرد. اقش دوللارى كولەمىندەگى ينۆەستيتسياعا قازاقستاندىق كومپانيالاردىڭ 62 جوباسى جۇزەگە اسىرىلىپ جاتىر.
جامبىل وبلىسىندا 3 جوبا, ياعني وندىرىستىك كولەمى 400 مىڭ توننا تسەمەنت زاۋىتىنىڭ قۇرىلىسى, تاراز قالاسىندا جىلىنا 120 مىڭ توننا مەتاللوپروكات (ارماتۋرا, شۆەللەر, ت.ب) شىعاراتىن زاۋىت جانە جىلىنا قۋاتتىلىعى 123 مىڭ توننالىق ءونىم شىعارۋعا جەتەتىن تاراز مەتاللۋرگيالىق زاۋىتىنىڭ فەرروقورىتپا ءوندىرىسىن كەڭەيتۋ جانە مودەرنيزاتسيالاۋ جوباسى ىسكە اسىرىلۋدا. قدب بۇعان دەيىن جامبىل وبلىسىندا “KEGOC” اق-تىڭ سولتۇستىك-وڭتۇستىك ءترانزيتىنىڭ 500 كۆ. ەلەكتر تاراتۋ جۇيەسىنىڭ ەكىنشى بولىگىنىڭ قۇرىلىسىن سالۋ بويىنشا جوباسىن جۇزەگە اسىرعان.
فورۋم بارىسىندا قدب-نىڭ ەنشىلەس كومپانياسى “برك-ليزينگ” اق ورتا مەرزىمدى جانە ۇزاق مەرزىمدى ليزينگتىك وپەراتسيالاردى 1 ملن. اقش دوللارىنان باستاپ قارجىلاندىرا الاتىنى دا ايتىلدى.
ال “قازاقستاننىڭ ينۆەستيتسيالىق قورى” جارعىلىق كاپيتال ارقىلى جوبالاردى قارجىلاندىرعان كەزدە ۇلەسكەر رەتىندە قاتىسۋى مۇمكىن, سونداي-اق جارعىلىق كاپيتالىنا قوردىڭ قاتىسى بار كومپانيالارعا نەسيە بەرەدى. “دامۋ” كاسىپكەرلىكتى دامىتۋ قورى” اق ەكىنشى دارەجەلى بانكتەر ارقىلى (شارت بويىنشا قارجى سالۋ) ورتا جانە شاعىن بيزنەس سۋبەكتىلەرىن نەسيەلەۋ, ميكرونەسيەلەۋ, ورتا جانە شاعىن بيزنەس سۋبەكتىلەرىن اقپاراتتىق-كونسۋلتاتيۆتىك تۇردە قولداۋعا دايىن. نەسيەلەۋ مەرزىمى 7 جىلعا, ال نەسيە سوماسى ءار قارىز الۋشىعا 750 ملن. تەڭگەگە دەيىن.
جامبىل وبلىسىندا “دامۋ” باعدارلاماسىنىڭ نەگىزىندە 8,9 ملرد. تەڭگە كولەمىندە 316 ازامات نەسيە الىپ, سونىڭ ارقاسىندا 379 جۇمىس ورنى اشىلىپتى. سونداي-اق, بۇرىنعى ىستەپ تۇرعان جۇمىس ورىندارىن ساقتاپ قالۋ مۇمكىندىگى تۋعىزىلعان. نەسيەنىڭ ورتاشا سوماسى 26,6 ملن. تەڭگە. “Kazyna ءCapىtal Management” اق بىرلەسكەن قورلار قۇرۋ, ونىڭ ىشىندە تىكە ينۆەستيتسيا قورلارى, ينفراقۇرىلىمدىق قورلار, پورتفەلدى ينۆەستيتسيالىق قورلار (بىرنەشە اكتيۆتەردى قوسىپ, پورتفەل جاساۋ), ۆەنچۋرلىق قورلار, بىرلەسكەن قورلار ارقىلى جوبالاردى قارجىلاندىرۋعا كومەكتەسە الادى.
“ەكسپورتتىق نەسيە مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كومپانياسى” اق شيكىزاتتىق ەمەس سالاداعى تاۋار, جۇمىس, قىزمەت تۇرلەرىن ساقتاندىرۋ, شەتەلدەگى ينۆەستيتسيالاردى ساقتاندىرۋ, قايتادان ساقتاندىرۋمەن اينالىسادى.
وبلىس اكىمى بۇگىندە ايماقتاعى كاسىپكەرلىكتى دامىتۋعا ەرەكشە كوڭىل ءبولىپ وتىر. ول فورۋمدا جاقىندا عانا قۇرىلعان “تاراز ينۆەست كونسالت” جشس-ءنى بيلىك پەن كاسىپكەرلەردىڭ اراسىنداعى كوپىر دەپ باعالادى. ويتكەنى, وبلىس باسشىسى ايماقتى ارالاۋ بارىسىندا كاسىپكەرلەرگە كەڭەس بەرۋ شارۋاسىنىڭ اقساپ جاتقانىن بايقاعان.
قانات بوزىمباەۆ وبلىس كاسىپكەرلەرىنىڭ بيزنەس-فورۋمىن قورىتىندىلاي كەلىپ, ءتيىستى تاراپتارعا وبلىس اكىمدىگى جانىنان كاسىپكەرلەر كەڭەسىن قۇرۋدى تاپسىردى. ونىڭ قۇرامىنا الدىڭعى قاتارلى كاسىپكەرلەردى قوسۋدى جۇكتەدى. ونىڭ ماقساتى – جەكە كاسىپكەرلىكتى دامىتۋ جانە مەملەكەتتىك ساياساتتى جۇزەگە اسىرۋعا كومەكتەسۋ.
سونداي-اق, ايماقتىق فورۋمدا ءوزارا ۇيلەسىمدى ارەكەت جاساۋ ماقساتىندا جامبىل وبلىسى اكىمدىگى مەن “اتامەكەن” وداعى” ۇلتتىق ەكونوميكالىق پالاتاسى جامبىل فيليالىمەن مەموراندۋم جاسادى.
كوسەمالى ساتتىباي ۇلى, جامبىل وبلىسى.