سەنبى, 9 ماۋسىم 2012 7:20
ەلىمىزدە ون ساۋساعىنان ونەر تامعان ازاماتتار از ەمەس. سولاردىڭ ءبىرى قازاقستاننىڭ ەڭبەك سىڭىرگەن قايراتكەرى بەرىك ءالىبايدىڭ ەڭبەكتەرى ەلىمىزدىڭ جانە شەتەلدىڭ كوپتەگەن مۋزەي قورلارى مەن جەكە كوللەكتسيالاردا ساقتاۋلى.
بەرىك ءالىباي 1964 جىلى جامبىل وبلىسى مەركە اۋدانى قىزىلساي اۋىلىندا دۇنيەگە كەلگەن. بالا كەزىنەن زەرگەرلىك ونەرگە ىقىلاسى اۋىپ, وسى جولدا ەلىمىزگە قىزمەت ەتۋدى ماقسات ەتكەن ول ورتا مەكتەپتەن كەيىن, ن.گوگول اتىنداعى الماتى كوركەمسۋرەت ۋچيليششەسىنە وقۋعا ءتۇسىپ, ودان كەيىن ت.جۇرگەنوۆ اتىنداعى قازاق ۇلتتىق ونەر اكادەمياسىن بىتىرگەن.
سەنبى, 9 ماۋسىم 2012 7:20
ەلىمىزدە ون ساۋساعىنان ونەر تامعان ازاماتتار از ەمەس. سولاردىڭ ءبىرى قازاقستاننىڭ ەڭبەك سىڭىرگەن قايراتكەرى بەرىك ءالىبايدىڭ ەڭبەكتەرى ەلىمىزدىڭ جانە شەتەلدىڭ كوپتەگەن مۋزەي قورلارى مەن جەكە كوللەكتسيالاردا ساقتاۋلى.
بەرىك ءالىباي 1964 جىلى جامبىل وبلىسى مەركە اۋدانى قىزىلساي اۋىلىندا دۇنيەگە كەلگەن. بالا كەزىنەن زەرگەرلىك ونەرگە ىقىلاسى اۋىپ, وسى جولدا ەلىمىزگە قىزمەت ەتۋدى ماقسات ەتكەن ول ورتا مەكتەپتەن كەيىن, ن.گوگول اتىنداعى الماتى كوركەمسۋرەت ۋچيليششەسىنە وقۋعا ءتۇسىپ, ودان كەيىن ت.جۇرگەنوۆ اتىنداعى قازاق ۇلتتىق ونەر اكادەمياسىن بىتىرگەن.
1992 جىلدان قازاقستان ديزاينەرلەر وداعىنىڭ, 2006 جىلدان قازاقستان سۋرەتشىلەر وداعىنىڭ مۇشەسى. وسى جىلدار ارالىعىندا ب.ءالىباي پرەزيدەنت ستيپەندياسىنىڭ يەگەرى, 2005 جىلعى «استانا-ءبايتەرەك» بايقاۋىنىڭ ءساندىك-قولدانبالى ونەرى نوميناتسياسىنىڭ لاۋرەاتى اتانعان.
قازىرگى كەزدە ول – «نازارباەۆ ورتالىعى» كوپقىزمەتتى عىلىمي-تالداۋ جانە گۋمانيتارلىق اعارتۋ مەملەكەتتىك مەكەمەسىنىڭ عىلىمي رەستاۆراتسيا ءبولىمىنىڭ جەتەكشىسى.
داستان كەنجالين,
«ەگەمەن قازاقستان».