سارسەنبى, 18 شىلدە 2012 7:21
مەنىڭ انام تولە وتە سىمباتتى, ءوزىن ءسال تاكاپپارلاۋ ۇستايتىن, قارشىعا كوزدى ارۋدىڭ ءوزى ەكەن.ول ەل تاريحىندا ەلەۋلى ورنى بار ۇلاعاتتى ادامداردىڭ ونەگەلى ءومىرىن بالالارىنىڭ قۇلاعىنا قۇيىپ ءوتتى. سونداي جانداردىڭ ءبىرى – ەلگە ەرتە تانىلىپ, 23 جاسىندا قىرشىن كەتكەن عاني مۇراتباەۆ ەدى.انامىزدىڭ عانيدى جاقىن ءبىلۋىنىڭ سىرى مىنادا ەكەن. اكەمىز دىلماعامبەت قىزىلوردا وبلىسىنىڭ قازالى جاعىنان. ول ساۋاتتى, ىسكەر, ەلگە ءسوزى ءوتىمدى, جاسىنان اتقامىنەر بولىپ, حالىقتىڭ قامى ءۇشىن كوپ ارەكەت جاساعان كىسى ەكەن. اسىرەسە, اشارشىلىقتا, ەلگە ءارتۇرلى زوبالاڭ اكەلگەن ساياساتتىڭ قيتۇرقىلارى بەلەڭ العان كەزدەردە جەتىم-جەسىرلەرگە, عارىپ-قاسەرلەرگە قولىنان كەلگەنىنشە قارايلاسىپ كەلىپتى. سونىسى ءۇشىن تۋعان اۋىلىنداعىلار «ءبىزدىڭ تىلەۋلەسىمىز», «تىلەكشىمىز»,
سارسەنبى, 18 شىلدە 2012 7:21
مەنىڭ انام تولە وتە سىمباتتى, ءوزىن ءسال تاكاپپارلاۋ ۇستايتىن, قارشىعا كوزدى ارۋدىڭ ءوزى ەكەن.ول ەل تاريحىندا ەلەۋلى ورنى بار ۇلاعاتتى ادامداردىڭ ونەگەلى ءومىرىن بالالارىنىڭ قۇلاعىنا قۇيىپ ءوتتى. سونداي جانداردىڭ ءبىرى – ەلگە ەرتە تانىلىپ, 23 جاسىندا قىرشىن كەتكەن عاني مۇراتباەۆ ەدى.انامىزدىڭ عانيدى جاقىن ءبىلۋىنىڭ سىرى مىنادا ەكەن. اكەمىز دىلماعامبەت قىزىلوردا وبلىسىنىڭ قازالى جاعىنان. ول ساۋاتتى, ىسكەر, ەلگە ءسوزى ءوتىمدى, جاسىنان اتقامىنەر بولىپ, حالىقتىڭ قامى ءۇشىن كوپ ارەكەت جاساعان كىسى ەكەن. اسىرەسە, اشارشىلىقتا, ەلگە ءارتۇرلى زوبالاڭ اكەلگەن ساياساتتىڭ قيتۇرقىلارى بەلەڭ العان كەزدەردە جەتىم-جەسىرلەرگە, عارىپ-قاسەرلەرگە قولىنان كەلگەنىنشە قارايلاسىپ كەلىپتى. سونىسى ءۇشىن تۋعان اۋىلىنداعىلار «ءبىزدىڭ تىلەۋلەسىمىز», «تىلەكشىمىز», «تىلەسىمىز» دەپ اتاپ كەتكەن كورىنەدى. اكەمىز انامىزدان جيىرما جاس ۇلكەن بولعان. انامىز اۋىلعا كەلىن بولىپ تۇسكەندە اكەي ەل-جۇرتقا تانىمال, قۇرمەت-بەدەلى بيىك, اۋىلدىڭ ارقاسۇيەر ازاماتى بولسا كەرەك. «جىگىتتىڭ جاقسىلىعى – ناعاشىدان» دەگەندەي, اكەيدىڭ اناسى دا اتاقتى جەردىڭ قىزى ەكەن. ول كىسىنىڭ اتالارىنىڭ ءبىرى تاجىمبەت 40 جىل بولىس بولىپتى. عاني مۇراتباەۆ, مىنە, سول ءتاجىمبەت ناعاشى اتامىزدىڭ شوبەرەسى. تاراتىپ ايتقاندا, تاجىمبەتتەن – ارعىن, ارعىننان – سادىقباي, مۇراتباي تۋادى. عاني – مۇراتبايدىڭ بالاسى. عانيدىڭ وزىنەن ءتورت جاس كىشى كۇلپارشىن اتتى قارىنداسى بولعان. شەشەلەرىنىڭ اتى – ءباتيما.عاني جاسىنان اۋرۋشاڭ بولىپ ءوسىپتى. ونىڭ ۇستىنە اكە-شەشەسىنەن جاستاي جەتىم قالعان, قارىنداسى دا تىم جاس دۇنيە سالعان. كەلە-كەلە بۇكىل تاجىمبەت اۋلەتىنەن ەركەك كىندىكتىدەن جالعىز عاني عانا قالعان كورىنەدى. ءبىزدىڭ اكەي الدىمەن شەشەسى مەن قارىنداسى, سوڭىنان عانيدىڭ ءوزىن قولىندا باعىپ-قاعىپ تاربيەلەپ, وسىرەدى. ءتىپتى ءبىر كۇنى عاني تىرىسقاق اۋرۋىنا ۇشىراعان كەزىندە ءتاۋىپ-بالگەرلەردىڭ كەڭەسىمەن ونى جاڭا سويىلعان تۋ كوك ەشكىنىڭ تەرىسىنە وراپ, بەس ادام بولىپ بۇكىل دەنەسىن ۋقالاپ, اۋزىنا ەشكى ءسۇتىن تامىزىپ وتىرىپ ءبىر كۇن ەمدەپتى. سودان عاني ءتىرى قالىپ, امان-ساۋ جازىلىپ كەتكەن ەكەن.الاساپىران كۇندەر تۋعاندا بولىس تۇقىمىنان ەكەنىن جاسىرۋ ءۇشىن اكەسىز ونى مالشى-جالشىلاردىڭ ىشىنە ارالاستىرىپ جىبەرىپ, ەلگە قويشىنىڭ بالاسى دەپ تانىستىراتىن بولىپتى. اقىلدى, كوزىندە جىگەر وتى جايناپ تۇرعان بالانى كەيىنىرەك قازالىداعى مەكتەپ-ينتەرناتقا ورنالاستىرعان. وسكەنشە وعان ءوزى قامقور بولىپ, اسىلدىڭ سىنىعى, تۇلپاردىڭ تۇياعى دەپ ەركەلەتىپ جۇرگەن. عاني دا وزىنەن 13-14 جاس ۇلكەن, اكەسىندەي بولعان دىلماعامبەت اكەمىزگە ءاردايىم سىرىن ايتىپ, اقىلداسىپ, جاقىن تۇتىپ وسكەن. ەرتە ەسەيگەن سۇڭعىلا بالانىڭ كەلەشەگىنەن اكەمىز كوپ ءۇمىت كۇتىپتى.«عاني ەرجەتىپ, ايتۋلى ازامات بولا باستاعان شاعىندا قالىڭدىعى باقىتجاندى ءبىزدىڭ ۇيگە اكەلىپ تۇسىرگەن ەدى, – دەيتىن انامىز تولە. – جاس كەلىننىڭ باسىنا ءوزىمنىڭ اق ورامالىمدى سالعانىم ەسىمدە».انامىز عانيمەن ارالاس-قۇرالاس بولعان كىسىلەردىڭ ءبىرازىن جاقسى بىلگەن. ولاردىڭ ءبىرازى ءوز قولىنان ءدام دە تاتىپتى. سوناۋ 30-شى جىلدارداعى اشارشىلىقتا ءبىر جولى قازالى جاققا ءالىبي جانگەلدين كەلىپتى. سوندا انامىز تولە ول كىسىنى اق داستارقان جايىپ قارسى الىپ, اڭگىمە ۇستىندە عاني تۋرالى ايتىپتى. جالپى, سول اشارشىلىق كەزىندە تۋىسقاندارىمەن بارىن بولىسكەنىنىڭ شەت جاعىن عانا شىعارىپ جەتكىزۋشى ەدى. ءوزى ەلگە ىستەگەن جاقسىلىعىن جاريا ەتۋگە اسا قۇمار ەمەس-ءتى. سونىڭ اسەرى بولۋى كەرەك, تاعى دا قانداي اتاقتى ادامدارمەن دامدەس-تۇزداس بولعانىنىڭ ەگجەي-تەگجەيىن بىلە الماي قالدىق. ءبىر عانا عاني مەن ونىڭ وتباسىنا جاساعان شاراپاتتى ىسىنە قاراپ, اكە-شەشەمىزدىڭ تەكتى ادامدار ەكەنىن پايىمدايتىنبىز.كەيىن وسە كەلە عاني مۇراتباەۆ تۋرالى جازىلعان كىتاپتاردىڭ ءبارىن دەرلىك ىزدەستىرىپ, تاۋىپ وقىدىم. سونداي تانىمال اداممەن تۋىستاس بولعانىمدى, اتا-انامنىڭ وعان دەگەن سۇيىسپەنشىلىك-مەيىرىمدىلىگىن, جاساعان قايىرىمىن ءاردايىم ماقتان تۇتىپ جۇرەمىن. مۇنى بالالارىم مەن نەمەرەلەرىمنىڭ قۇلاعىنا قۇيا بەرۋدەن دە ەش جالىقپايمىن.پانزاگۇل دىلماعامبەتوۆا. تاراز.