سەنبى, 3 قاراشا 2012 7:19
قازىرگى مىناۋ الماعايىپ زاماندا قۇقىق قورعاۋ ورگاندارىنىڭ ورنى بولەك. اسىرەسە, بار الەمدى تاپشىلىق قىسپاعى تارىلتا قىسىپ كەلە جاتقان شاقتا اقتى اق, قارانى قارا دەپ ءادىلدىكتىڭ اق تۋىن تۇسىرمەي ۇستاۋ ادال ادامدارعا ارقاۋ بولۋدىڭ ارداقتى امالى ەكەندىگى ءسوزسىز. بۇل ورايدا ادىلدىك پەن ادالدىقتى جۇزەگە اسىرۋ قۇقىق قورعاۋ قىزمەتكەرلەرىنىڭ ابىرويلى دا ارلى ءىسى. ال ونداي ادامگەرشىلىك قاسيەتتەردى قىزمەتتە قولدانۋ ادام بالاسىنا ورتاق ءتارتىپ پەن زاڭدىلىقتى ساقتاي بىلۋگە كومەگىن تيگىزەدى. ەندەشە, وسىعان وراي بۇل ويىمىزعا شىنايى دالەل رەتىندە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىندە (قارجى پوليتسياسىندا) ۆەدومستۆونىڭ قىزمەتكەرلەرى اراسىندا ءتارتىپ پەن زاڭدىلىقتى كۇشەيتۋ ماقساتىندا اگەنتتىك توراعاسى ر.ت.ءتۇسىپبەكوۆ قارجى پوليتسياسى ورگاندارى قىزمەتكەرىنىڭ كاسىبي ەتيكا كودەكسىن (بۇدان ءارى – كودەكس) بەكىتتى.
سەنبى, 3 قاراشا 2012 7:19
قازىرگى مىناۋ الماعايىپ زاماندا قۇقىق قورعاۋ ورگاندارىنىڭ ورنى بولەك. اسىرەسە, بار الەمدى تاپشىلىق قىسپاعى تارىلتا قىسىپ كەلە جاتقان شاقتا اقتى اق, قارانى قارا دەپ ءادىلدىكتىڭ اق تۋىن تۇسىرمەي ۇستاۋ ادال ادامدارعا ارقاۋ بولۋدىڭ ارداقتى امالى ەكەندىگى ءسوزسىز. بۇل ورايدا ادىلدىك پەن ادالدىقتى جۇزەگە اسىرۋ قۇقىق قورعاۋ قىزمەتكەرلەرىنىڭ ابىرويلى دا ارلى ءىسى. ال ونداي ادامگەرشىلىك قاسيەتتەردى قىزمەتتە قولدانۋ ادام بالاسىنا ورتاق ءتارتىپ پەن زاڭدىلىقتى ساقتاي بىلۋگە كومەگىن تيگىزەدى. ەندەشە, وسىعان وراي بۇل ويىمىزعا شىنايى دالەل رەتىندە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىندە (قارجى پوليتسياسىندا) ۆەدومستۆونىڭ قىزمەتكەرلەرى اراسىندا ءتارتىپ پەن زاڭدىلىقتى كۇشەيتۋ ماقساتىندا اگەنتتىك توراعاسى ر.ت.ءتۇسىپبەكوۆ قارجى پوليتسياسى ورگاندارى قىزمەتكەرىنىڭ كاسىبي ەتيكا كودەكسىن (بۇدان ءارى – كودەكس) بەكىتتى.
جوعارىدا ايتقانىمىزداي, كودەكس قىزمەتكەردىڭ ادامگەرشىلىك كەلبەتى مەن كاسىبي مىنەز-قۇلقىنا قوعامدىق باقىلاۋ تاسىلدەرىنىڭ ءبىرى بولىپ تابىلادى. ياعني, بۇل كودەكس ادامگەرشىلىك قۇندىلىقتى, قارجى پوليتسياسى ورگاندارىنداعى قىزمەت قاعيدالارى مەن مىندەتتەرىن, قىزمەتكەردىڭ سىبايلاس جەمقورلىققا قارسى مىنەز-قۇلىق قالىپتارىن, سونداي-اق ولاردىڭ قىزمەتتەگى جانە قىزمەتتەن تىس مىنەز-قۇلقىن, ۇجىمداعى ءوزارا قارىم-قاتىناستارعا قويىلاتىن تالاپتاردى ايقىندايتىن كاسىبي-ەتيكالىق نورما. بۇل ورايدا قارجى پوليتسياسى قىزمەتكەرلەرى ەل كونستيتۋتسياسىن, زاڭدارىن جانە باسقا دا قۇقىقتىق نورماتيۆتىك اكتىلەرىن مۇلتىكسىز ورىنداپ, ادامنىڭ جانە ازاماتتىڭ ار-نامىسى مەن ابىرويىن قۇرمەتتەۋى ءتيىس جانە مەملەكەتتىك بيلىك پەن قارجى پوليتسياسى ورگاندارىنىڭ بەدەلىن تۇسىرەتىن ارەكەتتەردى بولدىرماۋعا مىندەتتى.
ال كاسىبي ەتيكا كودەكسىنىڭ ەرەجەلەرىن ساقتاۋ – قارجى پوليتسياسى ورگاندارىندا قىزمەتتە بولۋدىڭ اجىراماس بولىگى. بۇل قارجى پوليتسياسىنىڭ ازاماتتاردىڭ قۇقىقتارىن جانە مەملەكەتتىڭ مۇددەسىن قورعايتىن قۇقىق قورعاۋ ورگانى رەتىندە بەدەلىن كۇشەيتە تۇسەدى. ءسويتىپ, قارجى پوليتسياسىنىڭ قىزمەتكەرلەرى ءوزىن اشىق جانە اق جارقىن, ۇقىپتى جانە كىشىپەيىل, ازاماتتارمەن قارىم-قاتىناسىن سىپايى ۇستايدى.
كودەكسپەن قارجى پوليتسياسى ورگاندارىنىڭ باسشى قۇرامىنا قويىلاتىن كاسىبي-ەتيكالىق تالاپتار ايقىندالادى. وسىنىڭ ارقاسىندا ولاردىڭ قىزمەتتىك مىندەتتەرىن ورىنداۋ كەزىندەگى سىرتقى پىشىمىنە, ياعني نىساندى جانە ازاماتتىق ۇلگىدەگى كيىمدى كيۋىنە, اۆتوكولىكتى باسقارۋ كەزىندەگى مىنەز-قۇلقى مەن قىزمەتتىك كۋالىككە دەگەن كوزقاراسىنا قويىلاتىن تالاپتاردى بەلگىلەيدى.
ويتكەنى, باسشى ادام كودەكستىڭ قاعيداتتارى مەن نورمالارىن مۇلتىكسىز ساقتاۋدا جەكە ۇلگىلى بولۋى, وزىندىك ابىرويى مەن قاراماعىنداعى قىزمەتكەردىڭ پىكىرىن قۇرمەتتەۋدە تاباندىلىق كورسەتۋى, جوعارى تالاپ قويا ءبىلۋى, سونىمەن قاتار, تامىر-تانىستىققا جانە اعايىنشىلىققا جول بەرمەۋى ءتيىس.
سونداي-اق, كودەكس ەتيكالىق قاقتىعىس, مۇددەلەردىڭ قاقتىعىسى ۇعىمدارىن, سونداي-اق ولاردىڭ الدىن الۋ مەن شەشۋ جولدارىن انىقتايدى. سىبايلاس جەمقورلىق ارەكەتىنە, سونداي-اق قىزمەتكەردىڭ ار تازالىعى ساتىلماۋى, قىزمەت ءمۇددەلەرىنە بەرىلگەندىگىنە, قىزمەتتىك بورىشىنا ادالدىعىنا, ادامگەرشىلىك قاسيەتىنە انىقتاما بەرىلەدى. ءسويتىپ, وزىنە زور ادامگەرشىلىك مىندەتتەرىن قابىلداۋ قىزمەتكەردىڭ سىبايلاس جەمقورلىققا قارسى ءمىنەز-قۇلقىنداعى كاسىبي-ەتيكالىق نەگىزى بولىپ تابىلادى.
ال, ەڭ باستىسى, كودەكس قارجى پوليتسياسى ورگاندارىنىڭ قىزمەتكەرلەرى قىزمەتتىك مىندەتتەرىن ورىنداۋ كەزىندە ولارعا قاۋىپ-قاتەر تونگەندە, بوپسالاۋ, قورلىق پەن جالا جابىلعان جاعدايدا مۇددەلەرىن قورعاۋعا كەپىلدىك بەرەدى.
الەكساندر تاسبولاتوۆ,
«ەگەمەن قازاقستان».