شاكارىم قۇدايبەردى ۇلى – اقىن, جازۋشى, فيلوسوف, تاريحشى, سازگەر. ابايدىڭ ءىنىسى ءارى ول نەگىزىن سالعان رەاليستىك ادەبيەت ءداستۇرلەرىن العا اپارۋشى ءىزباسارى. ونىڭ قالامىنان تۋعان سىرشىل دا تەرەڭ ويلى ولەڭدەرى, «قالقامان-مامىر», «ەڭلىك-كەبەك», «نارتايلاق-ايسۇلۋ» سياقتى وقيعالى داستاندار, «ءادىل-ماريا» رومانى مەن باسقا دا پروزالىق تۋىندىلارى مەن اۋدارمالارى, سازدى اۋەندەرى كوڭىل تەربەگەن كەشتى قازاقتىڭ ءداستۇرلى جانە حالىق اندەرىن كەڭىنەن ناسيحاتتاپ جۇرگەن دارىندى ءانشى ەرلان رىسقالي جۇرگىزدى. بۇل كۇنگى اۋەزدى اندەر كەشى تالعات ابۋعازىنىڭ ورىنداۋىنداعى شاكارىمنىڭ «23 جاسىمدا» انىمەن اشىلدى. حالىقارالىق ءجانە رەسپۋبليكالىق بايقاۋلاردىڭ لاۋرەاتى اينۇر جۇماقادىر «تىنىشتىق جوق, تىنىم جوق», نۇرجان جانپەيىسوۆ «ەڭ قىزىق جاستىق», ارداق يساتاەۆا «بۇل ءان بۇرىنعى اننەن وزگەرەك», سونىمەن قاتار كۇيشى مۇرات ءابۋعازى شاكارىمنىڭ كۇيى «ماي ءتۇنى», ءانشى ەركىن ءشۇكىمان «سۇراعان جانعا سالەم ايت», «قورقىت. قوجا. حافيز» اندەرىن تامىلجىتا ورىندادى. كەشتىڭ ءتۇيىنى رەتىندە شاكارىمنىڭ «انادان العاش تۋعانىم» ءانىن اۋەلەتە ورىنداعان ەرلان رىسقالي كونتسەرتتىك ءبولىمدى اياقتاعان تۇستا مۋزەيگە سالتاناتتى جاعدايدا شاكارىم قاجىنىڭ ءتول دومبىراسى تابىستالدى. ەندى ىقىلاس مۋزەيىنىڭ تورىندە شاكارىمنىڭ بەبەۋلەتكەن قاسيەتتى دومبىراسى تۇراتىن بولادى.
شاكارىم قاجىنىڭ دومبىراسى ۇزاق جىلدار بويى قازاق رۋحانياتىنىڭ جاناشىرى مەتسەنات مەدعات قۇلجانوۆتىڭ قولىندا ساقتالىپ كەلدى. بۇل اسىل جادىگەر مەدعات قۇلجانوۆتىڭ قولىنا اكەسىنەن قالعان ءدۇنيەلەردىڭ قاتارىندا بولعان ەكەن. جارىقتىق, ءشاكارىمنىڭ بەبەۋلەتكەن دومبىراسى..
قايران دا قايران جىلدار-اي دەرسىز...
ساپارباي پارمانقۇل, «Egemen Qazaqstan» الماتى