سەيسەنبى, 21 اقپان 2012 8:22
ەندى ەلىمىزدىڭ قارجى پوليتسياسى جەكە قۇرامىنىڭ سىبايلاس جەمقورلىققا قارسى كۇرەس باعىتى بويىنشا باستى نازارى پارا بوپسالاۋ جانە بيۋدجەت قاراجاتىن ۇرلاۋمەن جۇيەلى تۇردە اينالىساتىنداردى قىلمىستىق جاۋاپكەرشىلىككە تارتۋعا باعىتتالاتىن بولادى. بۇل تۋرالى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىندە وتكىزىلگەن كەڭەستە ايتىلدى. وندا مەملەكەت باسشىسىنىڭ «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى قازاقستان حالقىنا جولداۋىن ىسكە اسىرۋ ماسەلەلەرى تالقىلاندى.
سەيسەنبى, 21 اقپان 2012 8:22
ەندى ەلىمىزدىڭ قارجى پوليتسياسى جەكە قۇرامىنىڭ سىبايلاس جەمقورلىققا قارسى كۇرەس باعىتى بويىنشا باستى نازارى پارا بوپسالاۋ جانە بيۋدجەت قاراجاتىن ۇرلاۋمەن جۇيەلى تۇردە اينالىساتىنداردى قىلمىستىق جاۋاپكەرشىلىككە تارتۋعا باعىتتالاتىن بولادى. بۇل تۋرالى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىندە وتكىزىلگەن كەڭەستە ايتىلدى. وندا مەملەكەت باسشىسىنىڭ «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى قازاقستان حالقىنا جولداۋىن ىسكە اسىرۋ ماسەلەلەرى تالقىلاندى.
ەلباسىنىڭ جولداۋىن باسشىلىققا العان اگەنتتىك ءتوراعاسى ر.تۇسىپبەكوۆ پرەزيدەنتتىڭ تاپسىرمالارى شەڭبەرىندە قارجى پوليتسياسى ورگاندارىنىڭ الداعى كەزەڭدەگى جۇمىسىنىڭ ماقساتىن ناقتىلادى. اتاپ ايتقاندا, اگەنتتىكتىڭ كۇش-جىگەرى جۇيەلى سىبايلاس جەمقورلىق جانە «كولەڭكەلى» ەكونوميكامەن كۇرەسكە, بيۋدجەت قاراجاتىن ۇرلاۋ دەرەكتەرىنىڭ جولىن كەسۋگە, سونداي-اق كادر قۇرامىن بىلىكتى ماماندارمەن جاڭارتۋعا باعىتتالۋى ءتيىس ەكەندىگىن اتاپ ءوتتى. جەدەل ءبولىمشەلەردىڭ جۇمىسى تەك قوزعالعان قىلمىستىق ىستەردىڭ سانىمەن باعالاناتىن جۇيەسىنەن باس تارتۋدى تالاپ ەتتى. سوندىقتان جۇمىستىڭ تۇپكى ماقساتى كىنالى جاندى سوتتاۋمەن قاتار, قىلمىستاردى جاساۋعا نەگىز بولاتىن سەبەپتەر مەن شارتتاردى جويۋ بولىپ بەلگىلەندى.
بۇل ورايدا راشيد ءتۇسىپبەكوۆ «ءبىز سىبايلاس جەمقورلىق جانە ەكونوميكالىق قىلمىستاردى جاساۋدىڭ الدىن الىپ جانە ولاردىڭ جولىن كەسۋگە ءتيىسپىز. قىلمىستى جاساۋعا نەگىز بولاتىن سەبەپتەر مەن شارتتاردى جويۋ قاجەت» دەپ قاداپ ايتتى. وسى كەڭەستە قىلمىستىق تابىستاردى «جىلىستاتۋعا» جانە ولاردى ەلدەن شىعارۋعا قارسى كۇرەس, سونىمەن قاتار جالعان كاسىپورىندار قىزمەتىنىڭ جولىن كەسۋ باسىم باعىتتار رەتىندە انىقتالدى.
اگەنتتىك توراعاسى تەكسەرىستەر مەن قىلمىستىق ىستەردى تەرگەۋ بارىسىندا كاسىپكەرلىك سۋبەكتىلەرىنىڭ قىزمەتىنە زاڭسىز ارالاسۋدى توقتاتۋدى تالاپ ەتتى. ول ءۇشىن ر.تۇسىپبەكوۆ ەكونوميكالىق سالامەن جانە بيزنەس-قۇرىلىمدارىمەن جۇمىس جاساۋ كەزىندەگى قارجى پوليتسياسى ورگاندارى وكىلەتتىكتەرىنىڭ شەگى مەن شەڭبەرىن, سونداي-اق باقىلاۋشى ورگانداردىڭ كاسىپكەرلىك سۋبەكتىلەردىڭ قىزمەتىن تەكسەرۋگە باستاماشىلىق جاساۋ ءۇشىن قاجەتتى نەگىزدەمەلەردىڭ تولىق تىزبەسىن نورماتيۆتىك دەڭگەيدە انىقتاۋدى تاپسىردى.
سونىمەن قاتار, مۇنداي تەكسەرۋ تەك اۋماقتىق دەپارتامەنت باستىعىنىڭ جازباشا كەلىسىمى بويىنشا عانا جۇرگىزىلۋ ءمۇمكىندىگى بەكىتىلىپ, ال جەكە كاسىپكەرلىك سۋبەكتىسىن زاڭسىز تەكسەرۋ تاعايىندالعان جاعدايدا تەكسەرۋگە باستاماشىلىق جاساعان ادام عانا ەمەس, وعان كەلىسىم بەرگەن باسشىسى دا لاۋازىمىنان بوساۋ تۇرىندەگى جاۋاپكەرشىلىككە تارتىلاتىندىعى انىقتالدى.
ەلباسىنىڭ تاپسىرماسىنا ءسايكەس قارجىلىق-ەكونوميكالىق قىلمىستاردى, ونىڭ ىشىندە كەيبىر سالىقتىق قىلمىستاردى دەكريميناليزاتسيالاۋ جۇمىسىن جالعاستىرۋ جۇكتەلدى. ءسويتىپ, قىلمىستىق ارەكەتتەردىڭ اراسىندا تەك قوعامعا جانە مەملەكەتكە ەلەۋلى قاۋىپ تۋدىراتىندارى عانا قالدىرىلاتىن بولادى. اگەنتتىك, سونداي-اق, سىبايلاس جەمقورلىق ارەكەتتەردىڭ تىزبەسىن ولاردى جەمقورلىق قىلمىستارعا جاتقىزۋ نەگىزدىلىگى بويىنشا زەردەلەيدى. دەمەك, ىشەرىن ءىشىپ, جەگەنىن جەپ ازىرگە مۇرتىنان ك ۇلىپ جۇرگەن جەمقورلارعا الداعى ۋاقىتتا ناعىز سوققى بەرىلەتىن ءسات تە تاياپ قالدى.
وسى كەڭەستىڭ بارىسىندا ر.تۇسىپبەكوۆ اگەنتتىك توراعاسىنىڭ جاڭا تاعايىندالعان ورىنباسارلارىن ۇجىمعا تانىستىردى. ەلباسىنىڭ 2012 جىلعى 16 اقپانداعى وكىمىمەن اگەنتتىك توراعاسىنىڭ ءبىرىنشى ورىنباسارلىعىنا ا.ي.لۋكين, ورىنباسارلارىنا – م.م.احمەتجانوۆ جانە ا.ج.بودانوۆ تاعايىندالعان بولاتىن.
الەكساندر تاسبولاتوۆ.