بەيسەنبى, 2 اقپان 2012 7:27
نۇروتاندىقتاردىڭ ويىنشا, ىشكى ماسەلەلەر تۋرالى اشىق ءارى ءادىل ايتۋ ءجون. تەك مۇنداي پارتياعا عانا قازاقستاندىقتار تولىق سەنە الادى. سول سەبەپتى باس پروكۋراتۋرا ءوز مالىمدەمەسىن جاساعاننان كەيىن بىردەن پارتيالىق باقىلاۋ كوميتەتى وسى ءماسەلەگە قاتىستى ءوز ساۋالىن جولدادى. جاۋابىن العان سوڭ پارتيالىق باقىلاۋ كوميسسياسى مەن «نۇر وتان» حدپ ماڭعىستاۋ وبلىستىق فيليالى جانىنداعى سىبايلاس جەمقورلىققا قارسى كۇرەس جونىندەگى قوعامدىق كەڭەستىڭ بىرلەسكەن ءماجىلىسى وتكىزىلدى.
بەيسەنبى, 2 اقپان 2012 7:27
نۇروتاندىقتاردىڭ ويىنشا, ىشكى ماسەلەلەر تۋرالى اشىق ءارى ءادىل ايتۋ ءجون. تەك مۇنداي پارتياعا عانا قازاقستاندىقتار تولىق سەنە الادى. سول سەبەپتى باس پروكۋراتۋرا ءوز مالىمدەمەسىن جاساعاننان كەيىن بىردەن پارتيالىق باقىلاۋ كوميتەتى وسى ءماسەلەگە قاتىستى ءوز ساۋالىن جولدادى. جاۋابىن العان سوڭ پارتيالىق باقىلاۋ كوميسسياسى مەن «نۇر وتان» حدپ ماڭعىستاۋ وبلىستىق فيليالى جانىنداعى سىبايلاس جەمقورلىققا قارسى كۇرەس جونىندەگى قوعامدىق كەڭەستىڭ بىرلەسكەن ءماجىلىسى وتكىزىلدى. وندا رەسپۋبليكالىق سىبايلاس جەمقورلىققا قارسى كۇرەس جونىندەگى قوعامدىق كەڭەس مۇشەسى, پارتيالىق باقىلاۋ كوميتەتىنىڭ توراعاسى ب.راقىمبەكوۆ, پارتيا فيليالى توراعاسىنىڭ ءبىرىنشى ورىنباسارى ج.قاراەۆ, سىبايلاس جەمقورلىققا قارسى كۇرەس جونىندەگى قوعامدىق كەڭەس توراعاسى ءو.وزعانباەۆ ءسوز سويلەدى. وتىرىسقا پارلامەنت سەناتىنىڭ دەپۋتاتى, رەسپۋبليكالىق سىبايلاس جەمقورلىققا قارسى كۇرەس جونىندەگى قوعامدىق كەڭەس توراعاسى و.ابدىكارىموۆ قاتىستى.
قۇقىقتىق ستاتيستيكا ءمالىمەتتەرىنە سايكەس, جاڭاوزەن قالاسىندا سوڭعى ەكى جىل بويى سىبايلاس جەمقورلىق دەڭگەيى تۇراقتى تۇردە جوعارى بولىپ كەلگەن. 2011 جىلى بۇل جەردە 20 سىبايلاس جەمقورلىق قىلمىس تىركەلدى, بۇل كورسەتكىش جالپى وڭىردەگى كورسەتكىشتىڭ 35,7%-ىن قۇرايدى. ولاردىڭ باسىم كوپشىلىگىن اكىمدىك قىزمەتكەرلەرى جاساعان, ياعني ولار مەملەكەتتىك باعدارلامالاردى ورىنداۋ كەزىندە جەمقورلىق تاسىلدەرىن قولدانعان. شەنەۋنىكتەر بەلگىلى ءبىر تۇلعالاردىڭ مۇددەلەرىن قورعادى, ءىرى كاسىپورىندارداعى باستى قىزمەتتەردە ولاردىڭ تۋىستارى وتىردى.پارتيالىق باقىلاۋ كوميتەتىنىڭ توراعاسى ب.راقىمبەكوۆ ءوز سوزىندە: «قالالىق اكىمدىكتە ءوتكەن پروكۋرورلىق تەكسەرىس قورىتىندىسى بويىنشا انىق بولعانداي, قالا اكىمىنىڭ ورىنباسارى بورانباەۆا جانە جۇمىسپەن قامتۋ ءبولىمىنىڭ مەڭگەرۋشىسى ءابۋباكىروۆا 2010 جىلى قالانى دامىتۋ ءۇشىن مۇناي كومپانيالارى ءبولگەن دەمەۋلىك قارجى جيناقتالىپ جاتقان «جارىلقاۋ» قورىن زاڭسىز باسقاردى. اتالعان تۇلعالار جالپى سوماسى 2 ملرد. تەڭگەگە جابدىقتاۋشىلاردى انىقتاۋ جونىندە 12 شەشىم قابىلدادى», دەپ ايتىپ ءوتتى. ودان باسقا, «جاناشىر» قورىن دا قالانىڭ بۇرىنعى اكىمى جالعاس باباحانوۆ پەن قازىرگى اكىمى وراق ساربوپەەۆ تالان-تاراجعا سالعان.باس پروكۋرور ا.داۋىلباەۆتىڭ 25 قاڭتاردا جاساعان رەسمي مالىمدەمەسىندە: «…جاپپاي ءتارتىپسىزدىكتەرگە ۇلاسقان مۇنايشىلاردىڭ ۇزاق ەرەۋىلىنە جانە الەۋمەتتىك شيەلەنىستىڭ ۇدەۋىنە جەرگىلىكتى اتقارۋشى ورگاندار مەن مۇناي كاسىپورىندارىنىڭ لاۋازىمدى تۇلعالارىنىڭ زاڭسىز ارەكەتتەرى ىقپال ەتكەن. اتالعان تۇلعالار, قالا تۇرعىندارىنىڭ مۇددەلەرىنە قاراماستان, بىرنەشە جىل بويى جەرگىلىكتى حالىق پەن مۇناي-گاز سالاسىنداعى جۇمىسشىلاردى الەۋمەتتىك-ەكونوميكالىق قولداۋعا بولىنگەن قاراجاتتى ۇرلاعان», دەلىنگەن.وڭىردەگى سىبايلاس جەمقورلىققا قارسى كۇرەس جونىندەگى جۇمىستا پارتيانىڭ وبلىستىق فيليالىنىڭ ۇيلەستىرۋشى ءرولى ءالسىز بولعانى وتىرىس بارىسىندا اتاپ ءوتىلدى. وتىرىس قورىتىندىسى بويىنشا پارتيانىڭ جاڭاوزەن فيليالىنىڭ جەمقورلىقپەن كۇرەس جۇمىسىن جەتكىلىكسىز دەپ تانۋ جونىندە قاۋلى قابىلداندى. جەتى نۇروتاندىقتىڭ پارتيالىق جاۋاپكەرشىلىگىن, ءتىپتى, ولاردى پارتيا قاتارىنان شىعارۋدى وزدەرى مۇشەلىك ەتەتىن باستاۋىش ۇيىمدارىندا قاراۋ ۇسىنىلدى.«ەگەمەن-اقپارات».