جۇما, 15 ماۋسىم 2012 7:25
كەشە تاجىكستانداعى چورۋح-دايرون پوليگونىندا شانحاي ىنتىماقتاستىقۇيىمىنىڭ قامقورلىعىمەن لاڭكەستىككە قارسى بىرلەسكەن اسكەريكوماندالىق-شتابتىق «بەيبىت ميسسيا-2012» وقۋ-جاتتىعۋىنىڭ شەشۋشىكەزەڭى وتتى, دەپ حابارلادى قر قم باسپاسوز قىزمەتى.
جۇما, 15 ماۋسىم 2012 7:25
كەشە تاجىكستانداعى چورۋح-دايرون پوليگونىندا شانحاي ىنتىماقتاستىقۇيىمىنىڭ قامقورلىعىمەن لاڭكەستىككە قارسى بىرلەسكەن اسكەريكوماندالىق-شتابتىق «بەيبىت ميسسيا-2012» وقۋ-جاتتىعۋىنىڭ شەشۋشىكەزەڭى وتتى, دەپ حابارلادى قر قم باسپاسوز قىزمەتى.
اسكەرلەردىڭ بىرلەسكەن توپتارىنىڭ اسكەري ءىس-قيمىلدارىنىڭ بارىسىن باقىلاۋ ءۇشىن قىتايلىق-قىرعىزستاندىق, رەسەيلىك جانە تاجىكستاندىق ارىپتەستەرىمەن بىرگە, قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ كەلدى.
«بەيبىت ميسسيا-2012» وقۋ-جاتتىعۋىنا شىۇ-عا مۇشە مەملەكەتتەردىڭ اسكەري قۇرىلىمدارى قاتىستى. كواليتسيالىق توپ بولىمشەلەرى الدارىنا قويىلعان تاپسىرمالاردى ورىندادى. وقۋ-جاتتىعۋدىڭ باستى ماقساتىنا قول جەتكىزىلدى: لاڭكەستىككە قارسى بىرلەسكەن وپەراتسيالاردى دايارلاۋ بارىسىندا شىۇ-عا مۇشە مەملەكەتتەردىڭ اسكەري باسقارۋ ورگاندارىنىڭ الگوريتمى جەتىلدىرىلدى.
ادىلبەك جاقسىبەكوۆ شىۇ اياسىنداعى «بەيبىت ميسسيا-2012» وقۋ-جاتتىعۋى لاڭكەستىككە, سەپاراتيزم جانە ەكسترەميزمگە قارسى كۇرەستە شىۇ-عا قاتىسۋشى مەملەكەتتەر قارۋلى كۇشتەرىنىڭ جىگەرلىلىگىن, تاباندىلىعى مەن مۇمكىنشىلىكتەرىن كورسەتتى. وقۋ-جاتتىعۋدىڭ بارلىق ماقساتتارىنا قول جەتكىزىلدى, ايماقتا قاۋىپسىزدىكتى قامتاماسىز ەتۋدە ؟قارۋلى كۇشتەرىمىزدىڭ ءوزارا ءىس-قيمىل تانىتۋىنىڭ دەڭگەيى ءوستى, دەپ اتاپ ءوتتى. ول سونداي-اق, قازاقستان ينتەگراتسيالىق ويلاردى دامىتۋدىڭ بەلسەندى جاقتاۋشىسى جانە دە شىۇ-نىڭ الەۋەتى مەن بەدەلىن ارتتىرۋعا باعىتتالعان باستامالارىن ارقاشاندا قولدايتىندىعىن باسا ايتتى.
وسى جولعى «بەيبىت ميسسيا» وقۋ-جاتتىعۋى شانحاي ىنتىماقتاستىق ۇيىمى شەڭبەرىندە وسىمەن التىنشى رەت وتكىزىلدى جانە تابىستى اياقتالدى. اسكەرلەردىڭ كواليتسيالىق توپتارىنىڭ بىرلەسكەن وپەراتيۆتى شتابى ۇيلەسىمدىلىك جانە بىرلەسكەن وپەراتسيالاردى ورىنداۋداعى ءوزارا ارەكەتتەسۋ ماسەلەلەرىن يگەرىپ, ءبىر-بىرلەرىمەن تاجىريبە الماستى. كۇيزەلىس جاعدايلاردى شەشۋ ادىستەرى جەتىلدىرىلىپ, ايماقتا قاۋىپسىزدىكتى ورناتۋ ماسەلەلەرى مەڭگەرىلدى. قازاقستاندىق دەسانتشىلار مەن ۇشقىشتار ءوز تاپسىرمالارىن جوعارى دەڭگەيدە ورىندادى. ينتەرناتسيونالدىق اسكەري توپتار بەيبىتشىلىك پەن تۇراقتىلىقتى ساقتاۋ جولىنداعى كەز كەلگەن تاپسىرمالاردى ورىنداي الاتىندىقتارىن ايعاقتادى.