سەنبى, 19 مامىر 2012 8:09
فرانتسيا پرەزيدەنتى فرانسۋا وللاند سايلاۋ الدىنداعى ۋادەسىندە تۇرىپ, ءوز ەڭبەكاقىسىن 30 پايىزعا قىسقارتتى.
جاڭا ۇكىمەتتىڭ مينيسترلەرىنىڭ ەڭبەكاقىلارى دا قىسقاراتىن بولدى. مۇنداي شەشىم ۇكىمەتتىڭ ءبىرىنشى وتىرىسىندا قابىلداندى. مەملەكەت باسشىسىنىڭ وكىلى جانە ايەلدەر قۇقىقتارى جونىندەگى مينيستر نادجات ۆاللو-بەلكاسەمنىڭ حابارلاۋىنشا, بۇل ماۋسىمداعى پارلامەنت سايلاۋىنان سوڭ ارنايى زاڭ قابىلداۋدى تالاپ ەتەدى. زاڭ قابىلدانعاننان كەيىن پرەزيدەنت ەڭبەكاقىسى 21,3 مىڭنان 14,91 مىڭ ەۋروعا قىسقارماق. ال فرانتسۋزدىق 34 مينيستر ايىنا 14,2 مىڭنىڭ ورنىنا 9,94 مىڭ ەۋرو ەڭبەكاقى الاتىن بولادى.
سەنبى, 19 مامىر 2012 8:09
فرانتسيا پرەزيدەنتى فرانسۋا وللاند سايلاۋ الدىنداعى ۋادەسىندە تۇرىپ, ءوز ەڭبەكاقىسىن 30 پايىزعا قىسقارتتى.
جاڭا ۇكىمەتتىڭ مينيسترلەرىنىڭ ەڭبەكاقىلارى دا قىسقاراتىن بولدى. مۇنداي شەشىم ۇكىمەتتىڭ ءبىرىنشى وتىرىسىندا قابىلداندى. مەملەكەت باسشىسىنىڭ وكىلى جانە ايەلدەر قۇقىقتارى جونىندەگى مينيستر نادجات ۆاللو-بەلكاسەمنىڭ حابارلاۋىنشا, بۇل ماۋسىمداعى پارلامەنت سايلاۋىنان سوڭ ارنايى زاڭ قابىلداۋدى تالاپ ەتەدى. زاڭ قابىلدانعاننان كەيىن پرەزيدەنت ەڭبەكاقىسى 21,3 مىڭنان 14,91 مىڭ ەۋروعا قىسقارماق. ال فرانتسۋزدىق 34 مينيستر ايىنا 14,2 مىڭنىڭ ورنىنا 9,94 مىڭ ەۋرو ەڭبەكاقى الاتىن بولادى.
باس حاتشى «ءال-كايدانى» ايىپتادى
بۇۇ باس حاتشىسى پان گي مۋن 10 مامىردا داماسكىدە ورىن العان تەراكت ءۇشىن «ءال-كايدانى» ايىپتادى.
ول جارىلىستاردى وراسان زور, ەلەۋلى تەررورلىق شابۋىل دەپ اتادى. سونىمەن بىرگە, پان گي مۋن بۇل جارىلىستاردىڭ ارتىندا «ءال-كايدانىڭ» تۇرعانىنا سەنىمدى ەكەنىن جەتكىزگەن. ونىڭ ايتۋىنشا, ورىن العان ءجايت بەيبىتشىلىكتى ساقتاۋ ىسىندە وتە ۇلكەن پروبلەما تۋىنداتىپ وتىر. ايتا كەتۋ كەرەك, 10 مامىردا داماسكىدە بولعان تەراكت سالدارىنان 55 ادام قازا تاۋىپ, 372 ادام دەنە جاراقاتتارىن العان بولاتىن.
اق ءناسىلدى نارەستەلەر ازايۋدا
اقش-تا جاڭا دۇنيەگە كەلگەن بوبەكتەردىڭ جارتىسىنان استامى ناسىلدىك جانە ەتنوستىق تۇرعىدا سانى ازداردىڭ ۇلەسىنە تيەسىلى بولىپ شىققان.
2011 جىلدىڭ شىلدەسىنە دەيىنگى 12 ايدا تۋعان بالالاردىڭ 50,4 پايىزى افروامەريكالىقتار, لاتىنامەريكالىقتار مەن ازيالىقتار نەمەسە ارالاس وتباسىلاردا تۋعاندار بولىپ تابىلادى. مۇنى ەلدە وتكەن سوڭعى حالىق ساناعى كورسەتكەن. اقش-تا بالا تۋ بۇتىندەي العاندا تومەندەۋ ۇستىندە. اسىرەسە اق ناسىلدىلەر اراسىنداعى بالا تۋ كورسەتكىشى تىم تومەندەپ كەتكەن. سوتسيولوگتاردىڭ پىكىرىنشە, وعان ەكونوميكانىڭ قۇلدىراۋى سەبەپكەر كورىنەدى.
جاپونيا ءوز سپۋتنيگىن ۇشىردى
جاپونيا العاشقى شەتەلدىك سپۋتنيكتىڭ كوممەرتسيالىق ۇشۋىن ءساتتى جۇزەگە اسىردى.
بۇل ارقىلى ول وسى رىنوكتا ەۋرووداق پەن رەسەيگە ءوزىنىڭ باسەكەلەس بولاتىنىن سەزدىرىپ وتىر. ن-2ا زىمىرانى جۇما كۇنى جەرگىلىكتى ۋاقىتپەن 1 ساعات 39 مينۋتتە جاپونيانىڭ وڭتۇستىگىندەگى تانەگاسيما ارالىنداعى كوسمودرومنان ۇشىرىلعان. وڭتۇستىك كورەياعا تيەسىلى سپۋتنيك جەر وربيتاسىنا جاپونيالىق ءۇش سپۋتنيكتى الىپ شىققان كورىنەدى. بۇل وقيعا جاپونيانىڭ كوممەرتسيالىق ۇشىرۋلاردى ءجۇزەگە اسىراتىن ەلدەر كلۋبىنا قوسىلعانىن كورسەتىپ وتىر.
مونارحتار ەليزاۆەتانى قۇتتىقتادى
الەمنىڭ بۇكىل پاتشالىق قۇرۋشى اۋلەتتەرىنىڭ وكىلدەرى بريتان حانشايىمى ەليزاۆەتا-ءىى-ءنىڭ قالا سىرتىنداعى رەزيدەنتسياسىندا باس قوستى.
ونداعى ماقسات – حانشايىمدى ونىڭ 60 جىل تاقتا وتىرۋىمەن قۇتتىقتاۋ. ءوز قوناقتارىنىڭ قۇرمەتىنە حانشايىم سالتاناتتى تۇسكى اس ۇيىمداستىرسا, كەشكىسىن لوندونداعى بۋكينگەم سارايىندا مونارحتارعا تاق مۇراگەرى ۋەلس ءپرينتسى چارلز كەشكى اس بەرمەك. قوناقتاردىڭ ناقتى ءتىزىمى بەلگىسىز. دەگەنمەن, مەرەيتويعا الەمنىڭ 20-دان استام ەلىنىڭ پاتشالىق قۇرۋشى اۋلەتتەرىنىڭ وكىلدەرى قاتىساتىنى بەلگىلى بولىپ وتىر.
ءىستى قاراۋ كەيىنگە قالدىرىلدى
بۇرىنعى يۋگوسلاۆيا جونىندەگى حالىقارالىق تريبۋنال ايىپتاۋشى جاق جىبەرگەن قاتەلىك سالدارىنان راتكو ملاديچكە قاتىستى پروتسەستى توقتاتۋعا ءماجبۇر بولدى.
بوسنيالىق سەربتەر ارمياسىنىڭ بۇرىنعى كومانداشىسى ر.ملاديچكە 1992-1995 جىلدارداعى داۋ-جانجالدار كەزىندە اسكەري قىلمىس جاسادى دەگەن ايىپ تاعىلۋدا. سوت پروتسەسى گااگادا ايىپتاۋشى جاقتىڭ سوزىمەن باستالعان بولاتىن. دەگەنمەن, پروكۋراتۋرانىڭ قورعاۋشى جاققا قاجەتتى قۇجاتتاردى ۋاقىتىندا بەرمەگەنى بەلگىلى بولىپ قالعان. سوت پروتسەسىنىڭ بەلگىسىز مەرزىمگە كەيىنگە قالدىرىلۋىنا دا وسى ءجايت سەبەپكەر بولعان كورىنەدى.
كاريموۆ سامميتكە قاتىسپايتىن بولدى
وزبەكستان پرەزيدەنتى يسلام كاريموۆ اقش-تىڭ چيكاگو قالاسىندا وتەتىن ناتو سامميتىنە قاتىسپايتىن بولدى.
بۇل تۋرالى جۇما كۇنى وزبەكستان پرەزيدەنتى ءباسپاسوز قىزمەتىنىڭ وكىلى حابارلاعان. الەمنىڭ 60-تان استام مەملەكەتتەرىنىڭ باسشىلارى قاتىساتىن ناتو ءسامميتى 20-21 مامىردا چيكاگودا وتەدى. قازىرگى ۋاقىتتا سامميتكە وزبەكستاننان كىمنىڭ باراتىندىعى تۋرالى ماسەلە قارالۋدا, دەپ اتاپ كورسەتكەن ءباسپاسوز قىزمەتىنىڭ وكىلى. وسى رەتتە ناتو باس حاتشىسىنىڭ قازاقستان, قىرعىزستان, تاجىكستان جانە ءوزبەكستان پرەزيدەنتتەرىنە سامميتكە قاتىسۋ جونىندە العاش رەت ءوز اتىنان شاقىرۋ جىبەرگەنىن دە ايتا كەتۋ قاجەت.
سۋ تۇبىنە كەتكەن اۆتوبۋس
ۆەتنامدا بولعان قايعىلى اپاتتان ونداعان ادام قازا تاپقان.
جولاۋشىلار تولى اۆتوبۋس قاتتى جىلدامدىقپەن كەلە جاتىپ كوپىر جاقتاۋىنا سوعىلىپ, ودان وزەنگە قۇلاپ كەتكەن كورىنەدى. 20 مەتر تەرەڭدىكتەگى سۋ ءتۇبىنە كەتكەن اۆتوبۋستا 60 جولاۋشى بولعان ەكەن. كەمىندە 34 ادامنىڭ قازا تاپقانى بەلگىلى بولىپ وتىر. ونىڭ سىرتىندا 21 ادام دەنە جاراقاتتارىن العان. ولاردىڭ 16-سىنىڭ جاعدايى وتە اۋىر. جەرگىلىكتى بيلىك اپات سەبەپتەرىن تەرگەۋگە كىرىستى.
ينتەرنەت ماتەريالدارى نەگىزىندە ازىرلەندى.