بەيسەنبى, 12 ءساۋىر 2012 7:39
كەشە «رەيتەر» اقپارات اگەنتتىگى سولتۇستىك كورەيا عارىشتىق تەحنولوگيالار كوميتەتى رەسمي وكىلىنىڭ مالىمدەمەسىنە سۇيەنە وتىرىپ, كحدر-ءدىڭ «ىنحا-3» زىمىرانىنا وتىن قۇيۋدى باستاعانىن حابارلادى.
«ىنحا-3» زىمىرانىن ۇشىرۋدىڭ قاي كۇنگە بەلگىلەنگەنى كورەيالىقتار تاراپىنان ءالى قۇپيا ساقتالىپ وتىر. عارىشتىق تەحنولوگيالار كوميتەتىنىڭ رەسمي وكىلى ءوزىنىڭ مالىمدەمەسىندە «زىمىرانعا وتىن قۇيۋ بەلگىلەنگەن ۋاقىتتا اياقتالاتىنىمەن» شەكتەلگەن.
بەيسەنبى, 12 ءساۋىر 2012 7:39
كەشە «رەيتەر» اقپارات اگەنتتىگى سولتۇستىك كورەيا عارىشتىق تەحنولوگيالار كوميتەتى رەسمي وكىلىنىڭ مالىمدەمەسىنە سۇيەنە وتىرىپ, كحدر-ءدىڭ «ىنحا-3» زىمىرانىنا وتىن قۇيۋدى باستاعانىن حابارلادى.
«ىنحا-3» زىمىرانىن ۇشىرۋدىڭ قاي كۇنگە بەلگىلەنگەنى كورەيالىقتار تاراپىنان ءالى قۇپيا ساقتالىپ وتىر. عارىشتىق تەحنولوگيالار كوميتەتىنىڭ رەسمي وكىلى ءوزىنىڭ مالىمدەمەسىندە «زىمىرانعا وتىن قۇيۋ بەلگىلەنگەن ۋاقىتتا اياقتالاتىنىمەن» شەكتەلگەن.
سولتۇستىك كورەيا ناۋرىز ايىنىڭ ورتاسىندا وزدەرىنىڭ «ىنحا-3» زىمىران ۇشىرعىشىن ۇشىرۋدى ءساۋىر ايىنا جوسپارلاپ وتىرعانىن جاريا ەتكەن ەدى. كەيبىر اقپارات كوزدەرى زىمىران 12-16 ءساۋىر ارالىعىندا ۇشىرىلۋى مۇمكىن ەكەندىگىن دە حابارلاعان. جاپونيا مەن وڭتۇستىك كورەيا ەگەر سولتۇستىككورەيالىقتاردىڭ زىمىرانىنىڭ ۇشۋ تراەكتورياسى وزدەرىنىڭ اۋماعى ارقىلى وتەتىن بولسا, ونى اتىپ تۇسىرەتىندىگىن مالىمدەگەن-ءدى. ەندى بۇعان رەسەي دە قوسىلدى.
باعىتىن وزگەرتۋگە ءماجبۇر بولدى
جاپونيا قورعانىس مينيسترلىگى جاپون تەڭىزىندەگى «مەكو» ەسمينەتسىنىڭ ءۇستىنەن رەسەيلىك يل-38 بارلاۋشى ۇشاعىنىڭ وتكەنىن مالىمدەدى. بۇل جونىندە «ينتەرفاكس» اگەنتتىگى حابارلادى. اقپاراتقا قاراعاندا, «مەكو» ەسمينەتسى سولتۇستىك كورەيانىڭ «ىنحا-3» زىمىرانىنىڭ ۇشىرىلۋىن كۇتىپ تۇرعان كورىنەدى.
رەسەيدىڭ ەكى ۇشاعى سەيسەنبى كۇنى حونسيۋ ارالىنىڭ وڭتۇستىك-باتىسىندا بايقالعان. قازىرگى ۋاقىتتا «مەكو» ەسمينەتسى ءدال سول جەردە قاۋىپسىزدىكتى كۇزەتۋدە. جاپونيا قورعانىس مينيسترلىگى شۇعىل تۇردە ەكى يسترەبيتەلدى اتتاندىرعان, ولار يل-38 ۇشاعىن شىعارىپ سالعان. NHK تەلەكومپانياسىنىڭ حابارلاۋىنشا, سودان كەيىن رەسەيلىك ۇشاقتار وزدەرىنىڭ ۇشۋ باعىتىن حونسيۋ ارالىنىڭ سولتۇستىگىنە قاراي وزگەرتۋگە ءماجبۇر بولعان.
پارلامەنتتىك سايلاۋ مامىردا وتەدى
سوتسياليستەر جەتەكشىسى گەورگيوس پاپاندرەۋ باسقاراتىن گرەكيا ۇكىمەتى 2011 جىلعى قاراشادا وتستاۆكاعا كەتكەن بولاتىن. وسىعان بايلانىستى ەلدە مەرزىمىنەن بۇرىن پارلامەنتتىك سايلاۋ وتكىزۋ تۋرالى شەشىم قابىلدانعان ەدى. كەشە سونىڭ مەرزىمى 6 مامىرعا بەلگىلەندى.
بۇل پارلامەنتتىك سايلاۋ ەكونوميكالىق داعدارىس قۇرساۋىنداعى گرەكيا ءۇشىن قيىن بولاتىن سياقتى. «رەيتەردىڭ» جازۋىنشا, سايلاۋدا داۋىس بەرۋدىڭ ناتيجەسى قالاي بولاتىنىنا ساياساتتانۋشىلاردىڭ ءوزى بولجام جاساي الماي وتىر. ويتكەنى, قازىرگى كەزدە بيلىكتەگى كواليتسيا قۇرامىنا كىرەتىن پاسوك جانە «جاڭا دەموكراتيا» پارتيالارىنىڭ ەكونوميكالىق قاتاڭ شارالارعا بارۋىنا بايلانىستى حالىق اراسىنداعى بەدەلى تومەندەپ كەتكەن. سوندىقتان بۇل پارتيالار پارلامەنتتەگى باسىمدىقتارىنان ايىرىلىپ قالۋى مۇمكىن.
ۇشقىشسىز اپپاراتتى سىناقتان وتكىزدى
گرۋزيانىڭ قورعانىس-ونەركاسىپ كەشەنى وزدەرىنىڭ تۇڭعىش ۇشقىشسىز باسقارىلاتىن ۇشۋ اپپاراتىن جاساپ شىعاردى. ونى سىناقتان وتكىزۋگە ەل پرەزيدەنتى ميحايل سااكاشۆيلي قاتىستى. قورعانىس مينيسترلىگىنىڭ حابارلاۋىنشا, اپپارات سىناقتان تابىستى وتكەن.
«گرۋزيندەردە اسكەري-ينجەنەرلىك تالانت بار. امەريكالىق ەڭ جاقسى ۇشاقتى كارتۆەليشۆيلي ويلاپ تاپقان», – دەپتى م.سااكاشۆيلي جۋرناليستەرگە بەرگەن سۇحباتىندا. وسى جىلدىڭ 10 ساۋىرىندە سىناقتان وتكىزىلگەن اپپارات شەكارانى كۇندىز-ءتۇنى باقىلاۋعا, اەروفوتو تۇسىرۋگە, سونداي-اق رادياتسيالىق قاداعالاۋ مەن راديوەلەكتروندىق بارلاۋعا ارنالعان. قازىرگى كەزدە گرۋزيانىڭ قارۋلى كۇشتەرىندە 2007 جىلى يزرايلدەن ساتىپ العان ۇشقىشسىز باسقارىلاتىن 40 اپپارات بار ەكەن.
پرەزيدەنتتىك باسەكەدەن باس تارتتى
اقش پرەزيدەنتتىگىنە رەسپۋبليكاشىلاردان كانديداتتىق ءۇشىن كۇرەسكە تۇسكەن ءارى ميتت ءرومنيدىڭ نەگىزگى باسەكەلەسى, بۇرىنعى سەناتور ريك سانتورۋم پرەزيدەنتتىك باسەكەنى ءارى قاراي جالعاستىرۋدان باس تارتتى. بۇل جونىندە «رەيتەر» اگەنتتىگى حابارلادى.
ريك سانتورۋم بۇعان دەيىن رەسپۋبليكالىق پرايمەريزدە 275 دەلەگاتتىڭ داۋىسىنا يە بولىپ, ەكىنشى ورىندى العان ەدى. ال ميتت رومنيگە 650-دەن استام دەپۋتات قولداۋ ءبىلدىردى. رەسپۋبليكاشىلاردان پرەزيدەنتتىككە ۇسىنىلاتىن كانديدات 2012 جىلدىڭ تامازىنا دەيىن 1144 دەلەگاتتىڭ قولداۋىنا يە بولۋى قاجەت. كەلەسى پرايمەرز 24 ساۋىردە ەلدىڭ ءتورت شتاتىندا وتەدى.
ءزىلزالا كۇشى 8,6 باللعا جەتتى
كەشە يندونەزيانىڭ سۋماترا ارالىنىڭ جاعالاۋىندا كۇشتى جەر سىلكىنىسى بولدى. اقش-تىڭ گەولوگيالىق قىزمەتى ونىڭ ماگنيتۋدالىق بەلگىسى 8,9 بالل بولدى دەپ تىركەگەن. ارتىنشا ونى 8,6 باللعا تومەندەتىپتى.
ءزىلزالانىڭ ەپيتسەنترى – باند-اچەح قالاسىنان 308 ميل قاشىقتىقتا. ءزىلزالا ءدۇمپۋى, سونداي-اق تايلاند, ءۇندىستان جانە سينگاپۋر ەلدەرىنىڭ اۋماقتارىندا دا سەزىلگەن. يندونەزيانىڭ زارداپ شەككەن اۋداندارىندا ەلەكتر ەنەرگياسىن بەرۋدە كىدىرىس بايقالعان. زارداپ شەككەندەر جانە قۇربان بولعاندار جونىندە اقپارات جوق.
قىسقا قايىرىپ ايتقاندا:
* كيم چەن ىن كورەيا ەڭبەك پارتياسىنىڭ جەتەكشىلىگىن قولىنا الدى. ەندى ول كحدر-ءدىڭ بارلىق بيلىگىنە يە بولدى.
* قىتايدىڭ تانىمال ساياساتكەرى بو سيلايدىڭ زايىبى گۋ كولاي بريتاندىق بيزنەسمەندى ولتىرۋگە قاتىسى بار دەگەن كۇدىكپەن قاماۋعا الىندى.
* تۇركىمەنستاننىڭ بارلىق سالالىق مينيسترلىكتەرى مەن ۆەدومستۆولارى وزدەرىنىڭ حوككەي كوماندالارىن قۇرادى. ەل پرەزيدەنتى وسىنداي نۇسقاۋ بەرگەن.
* ليۆيانىڭ جاڭا بيلىگى وتكەن جىلدىڭ كۇزىندە تۇتقىنعا الىنعان ۋكراينا ازاماتتارىنىڭ ءبىر بولىگىن بوستاندىققا شىعاردى.
ينتەرنەت ماتەريالدارى نەگىزىندە ازىرلەندى.