جۇما, 20 قاڭتار 2012 7:28
ايۆار ەندزينش, ەۋروپا كەڭەسى ۆەنەتسيا كوميسسياسىنىڭ مۇشەسى:– سايلاۋ كۇنگى ۇيىمداستىرۋ بارلىق ۋچاسكەلەردە شىن مانىندە وتە جوعارى دەڭگەيدە بولدى. سايلاۋ كوميسسيالارىنىڭ مۇشەلەرى بارلىق ەرەجەلەردى ساقتادى. ەڭ باستىسى – سايلاۋشىلاردىڭ – ىشىندە جاستارى, كارىلەرى بار – ۇلكەن بەلسەندىلىگى قۋانتتى.
جۇما, 20 قاڭتار 2012 7:28
ايۆار ەندزينش, ەۋروپا كەڭەسى ۆەنەتسيا كوميسسياسىنىڭ مۇشەسى:– سايلاۋ كۇنگى ۇيىمداستىرۋ بارلىق ۋچاسكەلەردە شىن مانىندە وتە جوعارى دەڭگەيدە بولدى. سايلاۋ كوميسسيالارىنىڭ مۇشەلەرى بارلىق ەرەجەلەردى ساقتادى. ەڭ باستىسى – سايلاۋشىلاردىڭ – ىشىندە جاستارى, كارىلەرى بار – ۇلكەن بەلسەندىلىگى قۋانتتى.
اريەل كوەن, «ميراس قورىنىڭ» اعا عىلىمي قىزمەتكەرى (اقش):– ءبىز كەيبىر كانديداتتارمەن كەزدەستىك. مەنىڭ ەشكىمدى دە رەنجىتكىم كەلمەيدى, بىراق وزگە پارتيالاردىڭ نەگە جەڭىلىس تاپقانىن ايتۋعا ءتيىسپىن. اقش-تاعى, فرانتسياداعى جانە گەرمانياداعى كوپتەگەن ساياساتكەرلەرمەن تانىس ادام رەتىندە ءسوز ساپتايتىن بولسام, كەيبىر پارتيالاردان سايلاۋشىلاردىڭ سەنىمىن اۋلايتىنداي دەڭگەيدى كورگەن جوقپىن. ولاردىڭ ۇستانىمدارى, تۇعىرنامالارى وكىلدەرى پارلامەنتتە وتىراتىنداي دەڭگەيگە كوتەرىلمەگەنى انىق.
راميل حاسان, تۇركپا باس حاتشىسى:– سايلاۋ جوعارى دەڭگەيدە, قازاقستان زاڭنامالارىنا سايكەس ءوتتى. ءبىزدىڭ باعىتىمىز – بۇل دەموكراتيانى, ادام قۇقىن نىعايتۋ مەن دامىتۋ. جانە ءبىز بۇكىلالەمدىك قوعامداستىققا قازاقستاننىڭ دەموكراتيالىق سايلاۋ وتكىزە الاتىنىن جاريا ەتەتىن بولامىز.
ۆەندەلين ەتمايەر, حالىقارالىق بايقاۋشى (اۆستريا):– سايلاۋ حالىقارالىق تاجىريبەگە جانە حالىقارالىق ستاندارتتارعا تولىق سايكەس ءوتتى دەپ ايتۋعا ءتيىسپىن. ويتكەنى, مەن قالانىڭ ءار شالعايىنداعى بىرنەشە سايلاۋ ۋچاسكەسىندە بولدىم. ءبىز داۋىس بەرۋ ۇدەرىسىن بارلىق قىرىنان وتە مۇقيات قاداعالادىق. سايلاۋعا ادامداردىڭ ءتۇرلى كاتەگوريالارى كەلىپ قاتىستى. وسىعان وراي ءبىز زەرتتەۋ ءتىپتى, مۇمكىن, تورەلىك جۇرگىزدىك. ءوزىمىزدىڭ مىندەتىمىزگە ۇلكەن جاۋاپكەرشىلىكپەن كەلدىك جانە وبەكتيۆتى كوزقاراس تانىتۋعا ۇمتىلدىق. ناتيجەسى جامان ەمەس. نەگىزىنەن, داۋىس بەرۋدىڭ تەحنيكالىق ولشەمدەرى مەن تەحنيكالىق اسپەكتىلەرى تۇرعىسىنان العاندا, سايلاۋ حالىقارالىق ستاندارتتارعا تولىق كولەمىندە سايكەستىگىمەن ەرەكشەلەندى.
الەكساندر پيكەر, حالىقارالىق بايقاۋشى (اۆستريا):– سايلاۋدىڭ ۇيىمداستىرىلۋى وتە تاماشا دەڭگەيدە. وعان دايىندىقتىڭ جاقسى جۇرگىزىلگەنى دە كوزگە ۇرىپ تۇر. ءبىز بارلىق نۇسقاۋلىقتاردى كوردىك, ادامدار نە ىستەيتىنىن ايتپاي-اق ءبىلىپ, داۋىس بەرىپ جاتتى. مەن ءۇشىن كوپتەگەن بايقاۋشىلار دا, حالىقارالىق بايقاۋشىلار عانا ەمەس, جەرگىلىكتىلەرى دە, اراسىندا جاستارى دا كوپ, بارىندە دە جاقسى دايىندىق بارى بايقالدى. ءتۇيىپ ايتقاندا, سايلاۋعا دايىندىق تا, ءوتۋ بارىسى دا كوڭىلدەن شىقتى.