بەيسەنبى, 2 تامىز 2012 7:44
جەر ءجانناتى جەتىسۋدىڭ تابيعاتى اسەم ايماقتارى قاتارىنداعى قاراساي اۋدانىنىڭ تاريحى تىم ارىدەن باستالادى. وسى جەردەن الاش جۇرتى اسقار تۇتقان نەبىر دارابوز تۇلعالار شىققانى دا بەلگىلى. ودان بەرگى تاريحقا جۇگىنسەك, بۇل مەكەندە ءتاۋەلسىزدىكتىڭ تۋىن تىككەن تۇڭعىش پرەزيدەنتىمىز نۇرسۇلتان نازارباەۆتىڭ كىندىك قانى تامىپ, الاۋلاعان جاستىعى وتكەنىن جانە ماقتان تۇتامىز. سوندىقتان دا بولار, بۇگىندە اۋدان حالقىنا ۇلكەن ءمىندەتتەر جۇكتەلگەن, ونى مۇمكىندىگىنشە تياناعىن كەلتىرە جۇزەگە اسىرۋ باستى پارىزىمىز سانالادى.
بەيسەنبى, 2 تامىز 2012 7:44
جەر ءجانناتى جەتىسۋدىڭ تابيعاتى اسەم ايماقتارى قاتارىنداعى قاراساي اۋدانىنىڭ تاريحى تىم ارىدەن باستالادى. وسى جەردەن الاش جۇرتى اسقار تۇتقان نەبىر دارابوز تۇلعالار شىققانى دا بەلگىلى. ودان بەرگى تاريحقا جۇگىنسەك, بۇل مەكەندە ءتاۋەلسىزدىكتىڭ تۋىن تىككەن تۇڭعىش پرەزيدەنتىمىز نۇرسۇلتان نازارباەۆتىڭ كىندىك قانى تامىپ, الاۋلاعان جاستىعى وتكەنىن جانە ماقتان تۇتامىز. سوندىقتان دا بولار, بۇگىندە اۋدان حالقىنا ۇلكەن ءمىندەتتەر جۇكتەلگەن, ونى مۇمكىندىگىنشە تياناعىن كەلتىرە جۇزەگە اسىرۋ باستى پارىزىمىز سانالادى.
اۋدان حالقىنىڭ سانى دا جىل سايىن ەسەلەپ ارتا تۇسۋدە. اعىمداعى جىلدىڭ قاڭتار ايىنداعى ەسەپكە جۇگىنسەك, ايماقتا 270 مىڭعا جۋىق حالىق مەكەندەيدى. وسىنشاما حالىقتى ەڭبەكپەن قامتۋ, الەۋمەتتىك جاعدايىن وڭ شەشۋ ءۇشىن بارلىق مۇمكىندىكتەر قاراستىرىلۋدا. جاقىندا عانا ەلباسى بارشانى ەل يگىلىگى جولىنداعى ەڭبەككە شاقىرىپ, جالپىعا ورتاق ەڭبەك قوعامىنا باعىتتالعان 20 قادامدى بەلگىلەدى. بۇل باستاماعا قاراسايلىقتار دا بەلسەندى تۇردە ۇلەس قوساتىن بولادى. ويتكەنى, ەلباسى ەڭبەكتىڭ جوعارى قاسيەتىن ايتا كەلىپ, ءناتيجەسىندە ادامنىڭ رۋحاني ءوسۋى مەن كەمەلدەنۋىنە قاتىستى ماسەلەلەردى العا تارتتى.ەڭبەك – ادامدى ەر اتاندىرادى, ومىرگە دەگەن كوزقاراسىن بەرىك قالىپتاستىرادى. دەمەك, ءار ادام ءوز كۇش-قايراتىن ەلىنىڭ ەرتەڭى ءۇشىن ءتيىمدى پايدالانسا, ءوزى دە, وزگە دە يگىلىككە بولەنەدى. ماسەلەن, جاستارعا ءبىلىم بەرۋدىڭ ءتيىمدى جۇيەسىن جەتىلدىرۋ ارقىلى ەرتەڭگى بولاشاعىمىزعا ءساتتى قادامدار جاسالاتىنىن دالەلدەۋدىڭ قاجەتى جوق. مىنە, اۋدان جۇرتشىلىعى وسى ءتۇيىندى ماسەلەلەرگە نازار اۋدارىپ, ەلباسىنىڭ قازاقستاندى الەۋمەتتىك جاڭعىرتۋ باعىتىنداعى تاپسىرماسىن قىزۋ قولدادى. قازىر ونى مەيلىنشە تياناقتى ورىنداۋدىڭ سان-سالالى جولدارى قاراستىرىلۋدا.اۋداننىڭ جەتەكشى سالاسى اگرارلى وندىرىسكە ارقا سۇيەيتىندىكتەن, جىل سايىن گەكتار بەرەكەسىن ارتتىرىپ, باۋ-باقشا مەن مال شارۋاشىلىعىن قاتار دامىتۋ ءۇشىن بەس بىردەي عىلىمي-زەرتتەۋ ينستيتۋتى كەشەندى شارالاردى جۇزەگە اسىرىپ كەلەدى. سونىمەن بىرگە ونەركاسىپتىك باعىتتاعى كاسىپورىندار قاتارى دا جەدەل دامىپ, اۋدان ەكونوميكاسىنا تىڭ سەرپىن اكەلدى. جىل سايىن وسى سالادان وندىرىلگەن ءونىم كولەمى ەسەلەپ ارتىپ وتىر. ورتا جانە شاعىن بيزنەستەن تۇسەتىن پايدا دا حالىقتىڭ الەۋمەتتىك جاعدايىن كوتەرۋگە ەداۋىر ىقپال ەتۋدە.بۇگىنگى تاڭدا 26 ءىرى وندىرىستىك كاسىپورىن جۇمىس ىستەپ, ونىڭ تەڭ جارتىسى حالىقارالىق ساپا بەلگىسىنە يە ءونىم شىعارۋدا. وسىلايشا, بۇل سالاداعى وندىرىلگەن ءونىم كولەمى وتكەن جىلى 109 ملرد. تەڭگەنى قۇرادى. يننوۆاتسيالىق تەحنولوگيانى پايدالاناتىن كاسىپورىنداردىڭ سانى دا ارتا ءتۇستى. ماسەلەن, «اپورت», «جەر-انا», «يىلدىز», «بامباربيا كەرگۋدۋ», «شىعىس تاڭى» كاسىپورىندارى تۇتىنۋشىعا ءمىنسىز قىزمەت كورسەتۋمەن بىرگە جاڭا جۇمىس ورىندارىن اشىپ, حالىقتىڭ الەۋمەتتىك جاعدايىن كوتەرۋگە وزىندىك ۇلەستەرىن قوستى.اگروونەركاسىپ سالاسىن دامىتۋ كەشەندى جالعاسىن تاپتى. بۇل سالادا 5507 شارۋا قوجالىعى ءوز كاسىپتەرىنەن ناسىپتەرىن تاۋىپ وتىر. ءتورت ت ۇلىك مال باسى دا ەسەلەپ ءوسۋ ۇستىندە. ەگىستىك اۋماعى 88,4 مىڭ گەكتاردى قۇرايدى. الماتى قالاسى ماڭىندا ازىق-ت ۇلىك بەلدەۋىن قۇرۋ ماقساتىمەن 73 جىلىجاي سالىنىپ, شاھار تۇرعىندارى قولجەتىمدى كوكونىسپەن قامتىلۋدا.ءوندىرىستىڭ وركەندى دامۋى ناتيجەسىندە ءتۇرلى ءونىم شىعارۋ شەشىمىن تاپتى. اۋداندا كارتوندى قاپتاما شىعارۋ, مال تەرىسىنەن بىلعارى دايىنداۋ تۇبەگەيلى جولعا قويىلىپ, سىرا, شاراپ, قۇرىلىسقا قاجەتتى بۇيىمدار وندىرەتىن كاسىپورىندار قاتارى ارتا ءتۇستى.ەلباسىنىڭ جولداۋىندا قاي سالانى بولسىن ىرگەرىلەتۋ ءۇشىن ينۆەستيتسيا تارتۋعا باسا نازار اۋدارۋ قاجەتتىگى تاپسىرىلعان. ايماقتىڭ دامۋى سىرتتان تارتىلعان كولەمدى ينۆەستيتسياعا تاۋەلدى دەسەك, وتكەن جىلى 84,5 ملرد. تەڭگە قۇيىلىپتى. ءناتيجەسىندە, 430,3 مىڭ شارشى مەتر تۇرعىن ءۇي سالىنىپ, جۇزدەگەن وتباسى جاڭا شاڭىراققا قونىس اۋداردى. الماتى-قاسكەلەڭ- ۇشقوڭىر باعىتىنداعى جول جوندەلدى. كولىك كەپتەلىسىن جەڭىلدەتۋ ماقساتىندا 208,7 ملن. تەڭگە يگەرىلىپ, جاڭا كوپىر ەل يگىلىگىنە ۇسىنىلدى. حالىقتى تازا اۋىز سۋمەن قامتۋ ماسەلەسى دە شەشىمىن تابۋدا. رەسپۋبليكالىق بيۋدجەتتەن قاراعايلىعا, وبلىستىق بيۋدجەتتەن شالقار ەلدى مەكەنىنە قاراجات ءبولىنىپ, قاسكەلەڭ قالاسىنىڭ «قۇرىلىسشى», «يۋجنىي» شاعىن اۋداندارىنداعى سۋ قۇبىرلارى جوندەلدى.مەملەكەت باسشىسىنىڭ بيىلعى جولداۋىندا كورسەتىلگەن ون باعىتتىڭ سەگىزى ادام كاپيتالى مەن ونىڭ الەۋمەتتىك الەۋەتىن جاقسارتۋعا باعىتتالعانى بەلگىلى. جۇمىسپەن قامتۋ جانە الەۋمەتتىك باعدارلامالار بولىمىنە سۇرانىسپەن كەلگەن 944 ادامنىڭ 920-سى جۇمىسپەن قامتىلدى. 646 جاڭا جۇمىس ورنى اشىلدى. وسىلايشا جۇمىسسىزدىقتىڭ الدىن الۋ باعىتىنداعى كەشەندى شارالار ءوز ناتيجەسىن بەرىپ وتىر.ورتا جانە شاعىن كاسىپكەرلىكپەن اينالىساتىن كاسىپورىندار سانى 2061-گە جەتىپ, ءونىم كولەمى 25207,5 مىڭ تەڭگەگە ارتتى. جەكە قوجالىقتار 19894-كە جەتسە, 21209 ادام جەكە كاسىپتەرىن اشقان. وسى سالادان عانا اۋدان بيۋدجەتىنە 2928,7 مىڭ تەڭگە قارجى ءتۇستى. «حاملە كومپاني لتد», «ازيااگروفرۋد», «كوكا-كولا الماتى بوتتلەرس», «بەتونسترويسەرۆيس» تاعى باسقا ىرگەلى زاۋىتتار ەكونوميكاسىنىڭ نىعايۋى ناتيجەسىندە جۇمىسسىزدىقتىڭ الدىن الۋعا قول جەتكىزىلدى.حالىقتىڭ دەنساۋلىعىن نىعايتۋ ءماسەلەسىنە دە ەرەكشە نازار اۋدارىلعان. اۋداندا بىرىڭعاي ۇلتتىق دەنساۋلىق ساقتاۋ جۇيەسى ەنگىزىلىپ, تۇرعىنداردىڭ سالاماتتى ءومىر سالتىن قالىپتاستىرۋىنا جەتە ءمان بەرىلدى. قازىرگى كەزدە اۋداندا 225 توسەكتىك ورتالىق اۋرۋحانا, تاۋلىگىنە 700 ادام قابىلدايتىن ەمحانا, 90 ورىندىق 3 اۋىلدىق اۋرۋحانا, ءتۇرلى باعىتتاعى 56 ءدارىگەرلىك قوسىندار بار. بيىل قاراعايلى ەلدى مەكەنىندە امبۋلاتوريا پايدالانۋعا بەرىلدى. قاسكەلەڭ قالاسىندا پەرزەنتحانانىڭ قۇرىلىسى باستالدى.حالقىمىزدا «اۋىرىپ ەم ىزدەگەنشە, اۋىرمايتىن جول ىزدە» دەگەن قاناتتى ءسوز بار. سوندىقتان, سپورتپەن شۇعىلدانۋ ارقىلى دەنساۋلىقتى تۇزەۋدىڭ قانشالىقتى ماڭىزدى ەكەنىن دالەلدەۋدىڭ قاجەتى جوق. قاراسايلىقتار وسىنى مىقتاپ قولعا العان. ماسەلەن, اۋدانداعى 39 ستاديون, 95 فۋتبول, ۆولەيبول, باسكەتبول الاڭدارىندا ۇلكەن مەن جاستىڭ باس قوسىپ سالاماتتى ءومىر سالتىن بەرىك ۇستانعانىن ايتۋعا بولادى. سونداي-اق حالىققا 53 سپورت الاڭى, 2 يپپودروم, 3 جابىق باسسەين قىزمەت كورسەتەدى. وسىنىڭ ناتيجەسى دەگەن دۇرىس شىعار, قازىر دۇنيەجۇزىلىك حالىقارالىق جارىستاردا اۋدان سپورتشىلارى ەل نامىسىن قورعاپ, بيىك بەلەستەن كورىنىپ ءجۇر.جاس ۇرپاقتىڭ باسەكەگە قابىلەتتى ءبىلىم الۋى ماڭىزدى مىندەتتەر قاتارىندا. اۋدانداعى ءبىلىم شاڭىراقتارىندا 39785 وقۋشى ءتالىمدى تاربيە الىپ, ءبىلىم شىڭىنا قانات قاعۋدا. ءار سىنىپ ءپان كابينەتتەرىمەن, زاماناۋي وقۋ قۇرال-زاتتارىمەن قامتىلعان. كومپيۋتەر سىنىپتارى ينتەرنەت جەلىسىنە قوسىلعان. مەكتەپتەردە ينتەراكتيۆتى تاقتا ورناتىلىپ, مۋلتيمەديالىق كابينەتتەر جۇمىس ىستەيدى. وسىنىڭ ءبارى بولاشاق قوعامنىڭ يەسى – جاستارعا جاسالعان قامقورلىق ەكەنى داۋسىز.جاقسى ىستەردىڭ جالعاسىن تاباتىنى – ءومىر زاڭدىلىعى. ارينە, بۇل باعىتتا جوبا دا, جوسپار دا جەتكىلىكتى. ول ءۇشىن قارجى قاجەتتىگى ايتپاسا دا تۇسىنىكتى. بيىل قارجى كوزىن قاراستىرۋ ناتيجەسىندە 85,5 ملرد.تەڭگەنى وندىرىسكە تارتۋ كوزدەلدى. بۇل كاپيتالدىڭ 59,7 ملرد.تەڭگەسى مەكەمەلەر مەن كاسىپورىندار تاراپىنان بولسا, باسقا دا ينۆەستيتسيا كوزدەرى تابىلدى. وسى قارجىعا قاسكەلەڭ قالاسىندا 1200, تاماباي اۋىلىندا 120 ورىندى جاڭا مەكتەپ سالىناتىن بولدى. سونداي-اق, قاسكەلەڭدە 320 ورىندىق بالاباقشا, قىرعاۋىلدى اۋىلىندا 150 ادامدى قابىلدايتىن ەمحانا قۇرىلىسىن باستاۋ كوزدەلگەن. جوسپاردا 373,6 مىڭ شارشى مەتر جالعا بەرىلەتىن تۇرعىن ءۇي قۇرىلىسى دا بار.بۇگىنگى تاڭدا قاي سالانى بولسىن يندۋستريالىق-يننوۆاتسيالدىق دامۋ باعىتىنسىز كوزگە ەلەستەتۋ مۇمكىن ەمەس. ەلىمىزدەگى ۇدەمەلى يندۋستريالىق-يننوۆاتسيالىق دامىتۋدىڭ 2010-2014 جىلدارعا ارنالعان «بيزنەستىڭ جول كارتاسى – 2020» باعدارلاماسىمەن 6,9 ملرد. تەڭگەنى قۇرايتىن سەگىز جوبا ۇسىنىلدى. ونىڭ ىشىندە 2,3 ملرد. تەڭگەلىك 4 جوبا ماقۇلدانىپ, بۇل باعىتتاعى جۇمىستار جەدەل جالعاسىن تاۋىپ كەلەدى. وسىلايشا ىسكەر ازاماتتار اتالعان باعدارلاما بويىنشا ىرگەلى ىزدەنىس تانىتىپ, تۇتىنۋشى تالعامىنان شىعاتىن ءونىم ءوندىرۋدى قولعا الدى. ونىڭ ناتيجەسىن قازىردىڭ وزىندە كوپشىلىك كورىپ وتىر.قاشان دا ماقسات ايقىن, مىندەت زور بولعاندا عانا حالىقتىڭ تالاپ-تىلەگىن ورىنداۋعا قول جەتكىزىلەدى. اۋدان اكتيۆى حالىقپەن تىعىز بايلانىس ورناتىپ, ولاردىڭ تالاپ-تىلەكتەرىن زەرتتەۋ ارقىلى كەشەندى ءىس-شارا جوسپارىن جاسادى. ەندى وسى مىندەتتەردىڭ تياناعىن كەلتىرۋ ءۇشىن قولدا بار مۇمكىندىكتەر جۇمىلدىرىلىپ وتىر. دەمەك, بىلەك بىرىكتىرگەندە بەرەكەلى ىستەر اتقارىلادى. قاراسايلىقتار ەل بىرلىگىنە وزىندىك ۇلەسىن قوسۋ ءۇشىن ءار كۇندەرىن تابىسپەن, ىرىس-ىنتىماقپەن جالعاستىرۋدا.
امانگەلدى داۋرەنباەۆ,قاراساي اۋدانىنىڭ اكىمى.
قۇشتارلىق ەستافەتاسى
ومىرگە دەگەن قۇشتارلىق ادامعا عانا ءتان. وسىدان بولار, الەمدە تىڭ باستامالار قانات جايىپ, وعان ناسىلىنە قاراماستان بەلسەنە قاتىساتىن تالاپكەرلەر مىڭداپ سانالادى. سولار نەبىر باستامانى مەيلىنشە قۇپتاپ, جارىستىڭ ءورىسىن كەڭەيتىپ جاتادى. جاقىندا الەمدىك ءۇيلەسىمدىلىك ەستافەتاسىنا قاتىسقاندار ەڭ ۇزاق جولدى ارتقا تاستاپ, قاراساي اۋدانىنا تابان تىرەدى.الماتى-بىشكەك سايراعىنىڭ بويىنداعى ءباھادۇر باتىر شاپىراشتى ناۋرىزباي ەسكەرتكىشىنە ايالداعان ولار ادامزاتتى ۇيلەسىمدى جانە باقىتتى ومىرگە باستايتىن الاۋدى سيمۆول رەتىندە ءبىر-بىرىنە ۇسىندى. جەلاياقتار تىرشىلىكتىڭ ءتىزگىنى ءار جاننىڭ ءوز بەلسەندىلىگىنە قاتىستى ەكەنىن تاعى ءبىر رەت دالەلدەدى.قانداي ءىستىڭ دە باستاۋشىسى بولادى عوي. بۇل ەستافەتانىڭ نەگىزىن 1987 جىلى بەلگىلى گۋمانيست, ءارى فيلوسوف شري چينموي سالىپتى. سودان بەرى جەلاياقتار الاۋدى قولدان قولعا ەرەكشە ىنتىزارلىقپەن تاپسىرىپ, جارىسقا دەگەن قۇشتارلىقتارىن باسەڭدەتپەپتى. اعىمداعى جىلى التى باعىتتاعى ەستافەتا تمد اۋماعىندا سانكت-پەتەربۋرگتە, بەلارۋس شەكاراسىنىڭ سمولەنسك وبلىسىندا, نوۆوروسسيسكىدە, ۆلاديۆوستوكتا, موڭعوليامەن شەكارالاس تىۆا رەسپۋبليكاسىندا, حانداگايتى كەنتىندە جانە بىشكەكتە, قىرعىزستاندا ۇيىمداستىرىلدى.رەسەي اۋماعى ارقىلى قازاقستان مەن قىرعىزستانعا كەلگەن جەلاياقتار 21500 شاقىرىمدى ارتقا تاستاعان. ەستافەتانىڭ ەرەكشەلىگى – كەز-كەلگەن ادام سپورتتىق دايىندىعى مەن جاسىنا قاراماستان ونىڭ قاتارىن تولىقتىرا الاتىندىعىندا. ول ءۇشىن الاۋدى الىپ جەلاياقتارمەن بىرگە جۇگىرۋى شارت. قازىرگى كەزدە ميلليونداعان ەلدى مەكەن تۇرعىندارى وسى وقيعاعا كۋا بولىپ, ءمادەني قارىم-قاتىناستارىن بەكىتە ءتۇسۋدە. وسىلايشا ەل مەن ەلدىڭ, قۇرلىقتاردىڭ اراسىندا بىرلىك پەن ىنتىماققا نەگىز قالانۋدا. ءتىپتى ءبۇلدىرشىندەر دە وعان اسا قىزىعۋشىلىق تانىتىپ, ارنايى دوستىق باعدارلاماسىن باستاپ كەتتى. ونىڭ دەۆيزى – «ۇيلەسىمدىلىك مەنەن باستالادى».جەلاياقتاردى قاراسايلىقتار قوناقجايلىقپەن قارسى الىپ, الماتىعا شىعارىپ سالدى. بۇدان كەيىن ولار تالدىقورعانعا, وسكەمەن مەن سەمەيگە ساپار شەگەدى. جەلاياقتار ءۇيلەسىم جارىسىنىڭ الاۋىن ەلىمىزدىڭ باس قالاسى استاناعا جەتكىزبەكشى. كوماندا جەتەكشىسى اسحات احمەروۆ وزدەرىن حالىق ىلتيپاتپەن قارسى الىپ, دوستىقتىڭ تۋىن بيىك كوتەرگەندەرىن زور ىلتيپاتپەن ايتتى. ەستافەتاشىلار قاتارىن ورىس, ۋكراين, نەمىس, موڭعول, قىرعىز بەن قازاق جانە باسقا ۇلت وكىلدەرى تولىقتىرعان. سپورت – الەم ەلشىسى دەگەن وسى.
اسەمنىڭ ايتۋلى جەتىستىگى
تاۋەلسىز ەلىمىزدىڭ كەلەشەگى جاستاردىڭ ءتالىمدى تاربيەسىمەن, بىلىكتى بىلىمىمەن ولشەنەدى. ەلباسىنىڭ جىل سايىنعى جولداۋىندا جاس ۇرپاققا باسەكەگە قابىلەتتى ءبىلىم بەرۋ قاجەتتىگى تاپسىرىلسا, ءبىلىم شاڭىراقتارىندا وسى باعىتتاعى بار مۇمكىندىك قولعا الىنىپ وتىر.دانا حالقىمىز «جاستا بەرگەن تاربيە, جاس قايىڭدى يگەندەي» دەپ تەگىن ايتپاعان. وعان جەتىسۋ ءوڭىرىن جەڭىسىمەن جىگەرلەندىرگەن مىنا مىسالدى كەلتىرۋگە بولادى. ءبىر كەزدەرى مەملەكەت باسشىسى ءبىلىم الىپ, قياعا قانات قاققان اباي اتىنداعى ورتا مەكتەپ-گيمنازياسىنىڭ وقۋشىسى اسەم ايداروۆا ۇلتتىق بىرىڭعاي تەستىلەۋدە ءوزىنىڭ تياناقتى ءبىلىمىن دالەلدەپ, 125 بالل العان. ول – ەلىمىزدەگى ۇزدىك ءۇش تۇلەكتىڭ ءبىرى.قاراقات كوزى نۇر شاشقان جاس قىزدىڭ ۇلتتىق تەستىلەۋگە قاتىسپاۋعا دا مۇمكىندىگى بولىپتى. ءويتكەنى, اسەم 10 سىنىپتا گرەكيانىڭ حالكيديكي, 11 سىنىپتا وسى ەلدىڭ كريت ارالىنداعى حالىقارالىق عىلىمي جوباعا قاتىسىپ, جۇلدەلى ءبىرىنشى ورىنعا قول جەتكىزگەن ەكەن. سونداي-اق التىن, كۇمىس مەدالداردى يەلەنگەن. وسىعان قاراماستان, ءوز ءبىلىمى مەن قاجىر-قايراتىن تاعى ءبىر سىناۋعا بەل بۋعان. ناتيجەسى – جوعارىداعىداي.بالا – اتا-انانىڭ باقىتى, قۋانىشى. ايداروۆتار وتباسى دا باقىتقا كەنەلىپ, اسەمنىڭ جەڭىسىمەن مەرەيلەنگەن. ءوزىنىڭ تابىسى جايلى ءسوز قوزعالعاندا بالعىن بويجەتكەن «بۇل – ۇستازدارىمنىڭ ەڭبەگى. ەلباسى وتىرعان قۇتتى پارتانىڭ كيەسى دەسەم دە بولادى. ارينە, انامنىڭ دا, اجەمنىڭ دە وزىندىك ۇلەسى زور», دەيدى. ويتكەنى, ولار ۇلاعاتتى ۇستاز رەتىندە وتباسىنداعى بالا تاربيەسىنە ەرەكشە ءمان بەرىپ, ءبىلىمنىڭ بيىگىنە قۇلشىندىرا بىلگەن.ءيا, اسەمنىڭ الدىندا ءومىردىڭ سان تاراۋ جولى تۇر. سول ساپاردىڭ العاشقى ناتيجەسى ءساتتى باستالدى. «ءاردايىم باعىتىڭ وڭ بولىپ, قادامىڭا نۇر جاۋسىن, اسەم!» – دەيمىز ءبىز دە مىڭداعان وقىرماندار اتىنان. اسەمنىڭ ايتۋلى جەتىستىگى, مىنە, وسىنداي.سۋرەتتە: «التىن بەلگى» يەگەرى اسەم ايداروۆا.
جاستاردىڭ جالىندى شەرۋى
ۇشقوڭىر اۋىلىنىڭ تاۋ باۋرايىندا «استانا – جاس قالا, بولاشاق جاستاردا» اتتى تاقىرىپتى تۋ ەتكەن وبلىستىق جاستار ەستافەتاسى جالاۋ كوتەردى. «قۇلانساز» فولكلورلىق ءان-بي ءانسامبلىنىڭ كونتسەرتىمەن باستالعان جيىن جاستار شەرۋىنە ۇلاستى. جاستار الدىندا قاراساي اۋدانىنىڭ اكىمى امانگەلدى داۋرەنباەۆ مەرەكەمەن قۇتتىقتادى. ول جۇزدەن استام ۇلت وكىلىن ىنتىماق پەن بىرلىككە ۇندەگەن اۋدان جاستارىنىڭ جەتىستىكتەرىن ماقتانىشپەن ورتاعا سالدى.جيىندا «جاس وتان» جاستار قاناتىنىڭ ءمۇشەسى قۇرالاي جازىباەۆا جانە باسقالارى ءبۇگىنگى تاۋەلسىز ەلىمىزدىڭ بولاشاعى سەنىمدى قولدا ەكەنىن ورتاعا سالىپ, قۇربى-قۇرداستارىن قۇتتىقتاپ ءسوز سويلەدى. ەستافەتا بالعىن ءجۇرەكتىڭ ەل مەن جەرگە, تۋعان وتانىنا دەگەن كىرشىكسىز ماحابباتىمەن ءورىلىپ, سالتاناتتىڭ مەرەيىن اسقاقتاتىپ اكەتتى. پاتريوتتىق اندەر شىرقالىپ, جيىن باعدارلاماسى مىڭ بۇرالعان بيمەن ورنەكتەلدى. ءار سالادا ۇزدىك جەتىستىكتەرىمەن تانىلعان ءبىر توپ جاستارعا وبلىستىق ىشكى ساياسات باسقارماسى مەن اۋدان اكىمىنىڭ العىس حاتى تاپسىرىلدى.وبلىستىق جاستار كۇنى مەرەكەسى «تالدىقورعان اۋەندەرى» ءانسامبلىنىڭ كەڭ كولەمدى كونتسەرتىمەن قورىتىندىلاندى. ۇلتتىق ات سپورتى جارىسىن ۇتىمدى ۇيىمداستىرۋشى توپ شەرۋمەن ءبىر مەزەتتە كوكپارشىلار دوداسىنا دەن قويعان جۇرتشىلىقتى تاماشاعا كەنەلتتى.
الماتى وبلىسى,قاراساي اۋدانى.