سەنبى, 28 ءساۋىر 2012 1:28
ءبىزدىڭ «دوستىق ۇيىندە» 10 ەتنومادەني بىرلەستىك جۇمىس ىستەيدى. جاقىندا وزبەك جانە ارميان ەتنومادەني بىرلەستىكتەرى اشىلادى. جالپى, ولاردى جىگەرلى, شىعارماشىل, ىنتالى ادامدار باسقارادى. قازاقستان حالقىنىڭ بىرلىگى كۇنىن مەرەكەلەۋ اياسىندا ەتنواۋىلدار ۇلگىسىن جاساۋ ارقىلى ءتۇرلى ەتنوستىڭ قوناقجايلىعىن, تاتۋلىعىن, سالت-داستۇرلەرىن كورسەتەدى. «دوستىق. بىرلىك. تاۋەلسىزدىك» ەتنومادەني فەستيۆالى جىل سايىن ۇيىمداستىرىلىپ تۇرادى. جاقىندا ول 14-ءشى رەت ءوتتى. «تىلدەر دوستىعى – ۇلتتار دوستىعى» اتتى شارا قانات جايىپ كەلەدى. سونىمەن قاتار, قالالىق ىشكى ساياسات ءبولىمىمەن بىرلەسە جاستاردىڭ دوستىق فەستيۆالى وتكىزىلىپ تۇرادى.
سەنبى, 28 ءساۋىر 2012 1:28
ءبىزدىڭ «دوستىق ۇيىندە» 10 ەتنومادەني بىرلەستىك جۇمىس ىستەيدى. جاقىندا وزبەك جانە ارميان ەتنومادەني بىرلەستىكتەرى اشىلادى. جالپى, ولاردى جىگەرلى, شىعارماشىل, ىنتالى ادامدار باسقارادى. قازاقستان حالقىنىڭ بىرلىگى كۇنىن مەرەكەلەۋ اياسىندا ەتنواۋىلدار ۇلگىسىن جاساۋ ارقىلى ءتۇرلى ەتنوستىڭ قوناقجايلىعىن, تاتۋلىعىن, سالت-داستۇرلەرىن كورسەتەدى. «دوستىق. بىرلىك. تاۋەلسىزدىك» ەتنومادەني فەستيۆالى جىل سايىن ۇيىمداستىرىلىپ تۇرادى. جاقىندا ول 14-ءشى رەت ءوتتى. «تىلدەر دوستىعى – ۇلتتار دوستىعى» اتتى شارا قانات جايىپ كەلەدى. سونىمەن قاتار, قالالىق ىشكى ساياسات ءبولىمىمەن بىرلەسە جاستاردىڭ دوستىق فەستيۆالى وتكىزىلىپ تۇرادى.
كەنشىلەر قالاسىندا ءارتۇرلى ۇلت وكىلدەرى تاتۋ-ءتاتتى ءومىر ءسۇرۋدە. قازاقستان حالقى اسسامبلەياسىنىڭ سەسسياسىندا ەلباسى نۇرسۇلتان نازارباەۆ ايتىپ كەتكەندەي, شىنىندا دا, ءبىزدىڭ اسسامبلەيا – كيەلى بەسىك, قۇتتى شاڭىراق. بۇل سوزدەر قازاق حالقىندا قاستەرلى ۇعىمدار ەكەنى بەلگىلى. بىزدەر ەلباسىنىڭ ەل بىرلىگىن, الداعى بولاشاقتى ويلاعان مۇنداي ۇسىنىستارىن قولدايمىز. ۇلتارالىق بىرلىك – بۇل ءبارىمىزدىڭ دە تاڭداۋىمىز.
ۇل-قىزدارىمىز, تۋىستارىمىز, دوستارىمىز, كورشىلەرىمىز – ءبارىمىز, وسى ەلدە ءومىر ءسۇرىپ جاتقان سوڭ, ەلباسىنىڭ بىرلىك, تاتۋلىق جولىنداعى ەڭبەگىن باعالايمىز. ءبىزدىڭ ەكىباستۇز قالاسىنداعى «دوستىق ءۇيى» وبلىستا العاشقى بولىپ بوي كوتەرگەن شاڭىراقتاردىڭ بىرىنەن سانالادى. بارىنەن دە قۋاناتىنىمىز – وسى ۇيدەگى مادەني جيىن-شارالاردان وزگە ۇلت وكىلدەرىنىڭ ۇل-قىزدارى, اسىرەسە, قارتتارىمىز قالمايدى. ارداگەرلەردىڭ ءوز ۇلتىنىڭ وتكەنىنەن, تاريحىنان, سالت-داستۇرلەرىنەن سىر شەرتىپ, جاستارعا ايتىپ, ۇيرەتىپ وتىراتىندىقتارى دا ءبىر عانيبەت. وزگە ەتنوس وكىلدەرىنىڭ بارلىعى ەلىمىزدىڭ مەملەكەتتىك ءتىلى – قازاق ءتىلىن وقىپ-ۇيرەنۋدە.
ەتنومادەني بىرلەستىكتەر قالادا وتەتىن بارلىق مادەني مەرەكەلىك شارالارعا بەلسەنە قاتىسادى. قانداي شارا وتكىزسەك تە ءبىزدىڭ بۇل ماقساتتاعى ءان-شاشۋىمىز ەل بىرلىگىنە, وتاندى سۇيۋگە, پاتريوتتىق رۋحتى كوتەرۋگە, قازاق حالقىمەن بىرگە كەلە جاتقان دوستىقتى دارىپتەۋگە ارنالادى. بۇل كۇندەرى ەتنومادەني بىرلەستىكتەردىڭ قاتارىن جاستارىمىز تولىقتىرا باستادى. ماسەلەن, «دۋلكىن», «گيۋزال-اي», «سلاۆيانوچكا», «سۆىتانوك», «مارشو», «بوياحاد», «زودورينكا» سياقتى ءان-بي انسامبلدەرى ۇلكەندەردىڭ ءىزىن باستى.
مەملەكەتتىك ءتىلدى وقىپ-ءۇيرەنۋ ەتنومادەني بىرلەستىكتەر ءمۇشەلەرىن پاتريوتتىق رۋحتا ءتاربيەلەۋگە ىقپال ەتەدى. ءار ەتنومادەني بىرلەستىكتە مەملەكەتتىك تىلدە قارىم-قاتىناس جاساۋعا, ءوز انا ءتىلىن دە وقىپ-ءۇيرەنۋگە بارلىق جاعداي جاسالعان. وزدەرىنىڭ ۇلتتىق سالت-ءداستۇرلەرىن جاڭعىرتۋ ەتنومادەني بىرلەستىكتەر ءمۇشەلەرىن دە بىرىكتىرە تۇسەتىنى انىق. سوندىقتان بۇل باعىتتا ءۇلكەن جۇمىس اتقارىلۋدا.
تەاترلاندىرىلعان كورىنىستەرى بار «نازەركە», «ماسلەنيتسا», «سابانتوي» مەرەكەلەرى ءداستۇرگە اينالدى. اپالارىمىز «قىمىزمۇرىندىق», «مۇشەل توي», «شاشباۋلى ارۋ» مەرەكەلەرىنە شاقىرادى. «يۆان كۋپالا», «روجدەستۆولىق كەزدەسۋلەر», «سلاۆيان جازۋى مەن مادەنيەتى كۇنى», «روشاشانا» سياقتى ەۆرەيلەردىڭ جاڭا جىلدى قارسى الۋ مەرەكەلەرى وتەدى.
سونىمەن قاتار, ءبىز «دوستىق ۇيىنە» وسكەلەڭ ۇرپاقتى, بالالار مەن جاستاردى شاقىرىپ, ولاردىڭ قاناتىن قاتايتۋدى قولعا الدىق. بۇگىنگى كۇنى جاستار قاناتى ءار ەتنومادەني بىرلەستىكتە بار. ءبىز «ءۇمىت» بالالار ۇيىمەن, ورتا ارناۋلى جانە جوعارعى وقۋ ورىندارىمەن بىرلەسە شارالار وتكىزىپ كەلەمىز. وتكەن جىلى «دوستىق ءۇيى» ءبىر اي بويى «شىركىن, لايف» ەتنوجوباسىنىڭ ىسكە اسۋىنا قاتىستى. سونىڭ بارىسىندا ءار ەتنومادەني بىرلەستىك «قاينار» ءبىلىم بەرۋ-بوس ۋاقىتتى قامتۋ كەشەنىنە كەلگەن بالالارعا ۇلتتىق اس تۇرلەرىنىڭ, ءداستۇردىڭ, مادەنيەت پەن ونەردىڭ ەرەكشەلىكتەرىن كورسەتتى.
«پولونيا» اتتى پولياكتار ءبىرلەستىگىنىڭ بالالار ءانسامبلى قۇرىلدى. «ۆوزروجدەنيە» ەتنومادەني بىرلەستىگى نەمiس تiلiنiڭ جاي-كۇيىنە كوڭىل ءبولىپ وتىرادى. نەمiس تiلiن ۇيرەتۋگە جۇمسالاتىن شىعىنداردى گەتە اتىنداعى نەمiس ەتنومادەني بىرلەستىگى كوتەرەدى. «براتستۆو» اتتى سلاۆيان بىرلەستىگى جىل سايىن «سلاۆيان جازباسى مەن مادەنيەتىنىڭ كۇندەرىن» وتكىزەدى. تاتار-باشقۇرتتاردىڭ «شاتلىق» بىرلەستىگى «سابانتوي» ويىن-ساۋىق كەشتەرىنە شاقىرادى. چەشەن-ينگۋشتاردىڭ «ۆايناح» جانە ازەربايجانداردىڭ «ازەربايجان» بىرلەستىكتەرىندە ورازا ايىندا ءمۇمكىندىكتەرى شەكتەۋلى بالالارعا «دوستىق ۇيىندە» قايىرىمدىلىق اس بەرىلەدى. ۋكراينداردىڭ «سۆىتانوك» بىرلەستىگىنىڭ جانىندا «دۋدارىكي» بالالار انسامبلى مەن «سۆىتانوك» حورى ءان سالادى. كورەيلەردىڭ «چوسون» جانە ەۆرەيلەردىڭ «بەياحات» بىرلەستىكتەرى مۇشەلەرى – اق جاۋلىقتى انالار اۋىلداردى ارالاپ, قازاق حالقىنىڭ ادەت-عۇرىپتارى مەن سالت-داستۇرلەرىن دارىپتەيدى. «نازەركە» تەلەكلۋبى ەفيرگە شىعادى.
بۇگىنگى كۇنى ءبىزدىڭ قالا تۇرعىندارى ءۇشىن ۇلكەن مانگە يە «دوستىق ۇيىنە» ءارتۇرلى ۇلت وكىلدەرى كەلىپ, ورتاق ىسكە ءوز ۇلەستەرىن قوسىپ ءجۇر. مۇنىڭ وتە وڭ ءۇردىس ەكەنى ءسوزسىز.
ليۋدميلا ماكارچۋك, «دوستىق ءۇيىنىڭ» ديرەكتورى.
پاۆلودار وبلىسى, ەكىباستۇز قالاسى.