قۇدالارىم – قۋانىشىم

بەيسەنبى, 12 قاڭتار 2012 7:30

مەنىڭ كىشى قىزىم سۆەتلانا قا­زاق جىگىتى مۇراتقا تۇرمىسقا شىق­تى. ەكەۋى مەكتەپ قابىرعا­سىن­دا جۇرگەن­دە, ون ءتورت جاسىنان دوستاستى. دوس­تى­عىنىڭ سوڭى ءسۇيىس­پەن­شىلىككە ۇلا­سىپ, ەكەۋى وتاۋ تىكتى. مىنە, ون ءبىر جىل­دان بەرى تاتۋ-ءتاتتى تۇرىپ جاتىر. ءبىر قىز, ەكى ۇلى بار. ەكى جاس ۇيلە­نە­مىز دەگەندە ءبىز, كورەيلەر جاعىنان ەش­قان­داي قارسىلىق بولعان جوق. قار­سى بولماعانىم, مۇرات – قى­زىم­نىڭ تاڭداۋى. ۇيگە سۆەتامەن بىرگە كەلىپ جۇرگەندە ونىڭ تاربيەلى وتباسىنان ەكەنىن بايقادىم. قازاق­تىڭ جەرىندە وتىرىپ, قازاقپەن قالاي قۇدا بولمايسىڭ!

بەيسەنبى, 12 قاڭتار 2012 7:30

مەنىڭ كىشى قىزىم سۆەتلانا قا­زاق جىگىتى مۇراتقا تۇرمىسقا شىق­تى. ەكەۋى مەكتەپ قابىرعا­سىن­دا جۇرگەن­دە, ون ءتورت جاسىنان دوستاستى. دوس­تى­عىنىڭ سوڭى ءسۇيىس­پەن­شىلىككە ۇلا­سىپ, ەكەۋى وتاۋ تىكتى. مىنە, ون ءبىر جىل­دان بەرى تاتۋ-ءتاتتى تۇرىپ جاتىر. ءبىر قىز, ەكى ۇلى بار. ەكى جاس ۇيلە­نە­مىز دەگەندە ءبىز, كورەيلەر جاعىنان ەش­قان­داي قارسىلىق بولعان جوق. قار­سى بولماعانىم, مۇرات – قى­زىم­نىڭ تاڭداۋى. ۇيگە سۆەتامەن بىرگە كەلىپ جۇرگەندە ونىڭ تاربيەلى وتباسىنان ەكەنىن بايقادىم. قازاق­تىڭ جەرىندە وتىرىپ, قازاقپەن قالاي قۇدا بولمايسىڭ! ەكى جاستىڭ تويى بولعاندا مەن قۇدالارىما قازاق­تىڭ سالتىمەن ويۋلاپ دوربا تىگىپ, جول-جو­رالعى­لارىم­مەن باردىم. ءوزىمنىڭ ەڭ جا­قىن قۇر­بىم دا قازاقتىڭ قىزى, ەكەۋمىز اقىل­داسىپ وسىلاي شەشكەن ەدىك. قۇدام امىربەك پەن قۇداعيىم عاليا ءبىزدىڭ ۇيگە كەلگەن سايىن قۋانى­شى­مىزدا شەك بولمايدى. عاليا: «امان­سىڭدار ما, مەنىڭ كا­رىس­تەرىم!» دەپ ساڭ­قىل­داپ كىرەدى ۇيگە. مەن داستارقانىمدى تولتىرىپ, بارىمدى الدىنا توسامىن. قا­زاق­تاردىڭ قۇ­دا­نى قۇدايىنداي سىيلايتىنىن مەن بىلە­مىن. قىزىم­دى وزدەرىنىڭ قى­زىن­داي ايالاپ ۇستاپ وتىر­عان قازاقتارىمنان مەن نەمدى ايايىن. كۇيەۋ بالام مۇ­رات تا ءبىزدىڭ الدىمىزدان كولدەنەڭ وتپەيدى, قۇ­راق ۇشىپ سىيلايدى. قۇدام امىربەك تە سونداي اقجارقىن, اياۋلى ادام. «كلارا قۇداعي, مەن ءشوپ جەپ كەتەيىن دەپ كەلدىم», دەيدى ءازىل­دەپ. ءبىز كورەيلەر داس­تار­قانعا سا­لات­تىڭ ءتۇر-ءتۇرىن قويا­مىز عوي, ماعان سونى مەڭزەگەنى عوي قۇدامنىڭ. ءبىز قا­زاق قۇدا­لار­عا بار­عان­دا تاباق-تاباق ەت جەي­مىز. عاليا قۇ­داعيدىڭ ءپىسىر­گەن باۋىرساعى قان­داي ءدامدى دەسەڭشى. داستارقان­نىڭ كور­­كى دە, قازاق­تار­دىڭ كوڭىلى دە مول ەتىپ پىسىرەتىن باۋىر­ساقتان كورىنەتىندەي.

مۇرات پەن سۆەتانىڭ ۇلكەن قىزى الۋا قوستاناي قالاسىنىڭ ور­تا­لىعىنداعى س.ماۋلەنوۆ اتىن­داعى قازاق گيمنازياسىندا ۇزدىك وقيدى. ەكىنشى ۇلى تيمۋر دا سول مەكتەپتە وقىپ ءجۇر. نەمەرە­لەردىڭ تاربيە­سىن­دە قۇدام مەن قۇداعيىم­نىڭ ەڭ­بەگى زور. نەمەرەلەر – ورتاق قۋا­نى­شىمىز, ەگۋ­باەۆ­تاردىڭ بالالارى تاربيەلى, ۇزدىك وقيدى دەپ ايتىپ جاتسا, ءبىز دە قۋانىپ وتىرامىز. ءبىز قىزىم­نىڭ وتباسىنىڭ ىشكى ءتىر­لىگىنە ارالاسپايمىز. ءوزى قالاپ قازاق­قا شىقتى ەكەن, ونىڭ بالالارى دا قازاق بولۋى, قازاقشا تاربيە­لەنۋى, حالقىنىڭ سالتىن, ءداس­تۇرىن, ءتىلىن, ءدىنىن ءبىلۋى ءتيىس! ەگۋباەۆتار ءبىزدى وزدەرىنىڭ وتباسى­لىق قۋا­نىش­­تارى­نان ەشقاشان قالدىرمايدى, ىلعي دا تورىندە وتىرامىز. قازاق­تار مەن كورەيلەر ازىلدەسىپ-قال­جىڭ­­داسىپ, كۇل­­كى­دەن ەزۋىمىز جيىلمايدى. قۇدا­لار­دىڭ اراسىن­داعى شى­نايى سىي­لاستىقتى بالالاردىڭ ار­قا­­سىندا جەتكەن باقىتىم دەپ بىلەمىن.قازاق پەن كورەيدىڭ ءتىلى, ءدىنى بولەك بولعانمەن دە, ۇقساس تۇس­تارى جوق ەمەس. ۇلكەندى قۇر­مەت­تەۋ, سىيلاۋ – ەكى حالىقتىڭ دا ەڭ جاقسى قاسيەتى. سىرتقى ءتۇرىمىز دە كەلىڭ­كى­رەيدى عوي. ال ءبىزدىڭ اتالارىمىز قىرقىنشى جىلدارى ازىپ-توزىپ كەلگەندە, قا­زاق­­تار­دىڭ ارقاسىندا امان قالدى. ولار وزدەرى جىرعاپ وتىرماسا دا, ءبىر ءۇزىم نانىن ءبولىپ بەردى. بۇل حا­لىقتا ادامگەرشىلىك, مەيىرىم ءبارى­نەن ج­و­عارى تۇرادى. ونى ءوزىم قۇدا بولعان سوڭ دا انىق كورىپ وتىرمىن.قىزىم سۆەتلاناعا اتا-اناڭ­دى سىيلا دەپ ايتىپ وتىرامىن. قۇدا­عيىم عاليا دا كەلىنىن جاق­سى ۇس­تاي­دى, ەكەۋى سىرلاس قۇربى سياقتى. وسى­نىڭ بارلىعى دا قازاق­ستان­داعى ۇلت­تار تاتۋ­لى­عىنىڭ, بەيبىت ءومىردىڭ جە­مى­سى. قۇدايىم ءبىزدى وسى كۇننەن ايىرماسىن, نەمەرەلەردىڭ بولاشاعى شۋاق­تى بولسىن!كلارا كيم. قوستاناي.