بەيسەنبى, 8 قاراشا 2012 7:18
الماتىدا «بوبەك» ۇلتتىق عىلىمي-پراكتيكالىق ءبىلىم بەرۋ جانە ساۋىقتىرۋ ورتالىعىنىڭ (ۇعپببسو) 15 جىلدىعىنا وراي «ءوزىن-ءوزى تانۋ: سۇيىسپەنشىلىك پەن شىعارماشىلىق پەداگوگيكاسى» حالىقارالىق پەداگوگيكالىق وقۋلارى تابىسپەن ءوتتى. جيىنعا قازاقستان رەسپۋبليكاسى ءبىلىم جانە عىلىم ۆيتسە-مينيسترى م.ن.سارىبەكوۆ قاتىسىپ, سالتاناتتى ءىس-شارانى ۇيىمداستىرۋشىلار مەن رەسمي تۇلعالاردى, اتالمىش جيىنعا قاتىسۋشىلاردى قۇتتىقتاپ, 15 جىل ىشىندە ۇعپببسو-دا قىزمەت ەتىپ كەلە جاتقان الدىڭعى قاتارلى عالىمدار, پەداگوگتار, ءتاربيەشىلەر, ادىسكەرلەر مەن قىزمەتكەرلەردىڭ ەڭبەگىن اتاپ ءوتىپ, ماراپاتتادى. «بوبەك» قورىنىڭ پرەزيدەنتى, «ءوزىن-ءوزى تانۋ» ءبىلىم بەرۋ باعدارلاماسىنىڭ اۆتورى سارا الپىسقىزى دا ءسوز سويلەپ, قاتىسۋشىلارعا ءوز تىلەگىن ايتىپ, ريزاشىلىعىن ءبىلدىردى.
بەيسەنبى, 8 قاراشا 2012 7:18
الماتىدا «بوبەك» ۇلتتىق عىلىمي-پراكتيكالىق ءبىلىم بەرۋ جانە ساۋىقتىرۋ ورتالىعىنىڭ (ۇعپببسو) 15 جىلدىعىنا وراي «ءوزىن-ءوزى تانۋ: سۇيىسپەنشىلىك پەن شىعارماشىلىق پەداگوگيكاسى» حالىقارالىق پەداگوگيكالىق وقۋلارى تابىسپەن ءوتتى. جيىنعا قازاقستان رەسپۋبليكاسى ءبىلىم جانە عىلىم ۆيتسە-مينيسترى م.ن.سارىبەكوۆ قاتىسىپ, سالتاناتتى ءىس-شارانى ۇيىمداستىرۋشىلار مەن رەسمي تۇلعالاردى, اتالمىش جيىنعا قاتىسۋشىلاردى قۇتتىقتاپ, 15 جىل ىشىندە ۇعپببسو-دا قىزمەت ەتىپ كەلە جاتقان الدىڭعى قاتارلى عالىمدار, پەداگوگتار, ءتاربيەشىلەر, ادىسكەرلەر مەن قىزمەتكەرلەردىڭ ەڭبەگىن اتاپ ءوتىپ, ماراپاتتادى. «بوبەك» قورىنىڭ پرەزيدەنتى, «ءوزىن-ءوزى تانۋ» ءبىلىم بەرۋ باعدارلاماسىنىڭ اۆتورى سارا الپىسقىزى دا ءسوز سويلەپ, قاتىسۋشىلارعا ءوز تىلەگىن ايتىپ, ريزاشىلىعىن ءبىلدىردى. ۇش كۇنگە سوزىلعان حالىقارالىق دەڭگەيدە ۇيىمداستىرىلعان بۇل اتاۋلى ءىس-شاراعا قازاقستاننىڭ تۇكپىر-تۇكپىرىنەن «ءوزىن-ءوزى تانۋ» باعدارلاماسىن دامىتۋعا, جەتىلدىرۋگە ۇلەس قوسىپ جۇرگەن مەكتەپكە دەيىنگى مەكەمە تاربيەشىلەرى, ادىسكەرلەرى, مەكتەپ مۇعالىمدەرى, كوللەدج, جوعارى وقۋ ورىندارى وقىتۋشىلارى مەن عالىمدارى قاتىستى.
«ءوزىن-ءوزى تانۋ» ءبىلىم بەرۋ باعدارلاماسى دانالىقتىڭ شىڭى, ول – ادامنىڭ ءوزىن-ءوزى تانۋى, باقىت پەن ومىرلىك تابىسقا جەتۋ ءۇشىن ءوزىنىڭ شەكسىز مۇمكىندىكتەرىن اشا الۋى. وسى ورايدا, جاس ۇرپاقتىڭ رۋحاني مادەنيەتىن ارتتىرىپ, كوركەمدىك الەمىن بايىتۋدا, دۇنيەتانىمىن قالىپتاستىرىپ, سالاۋاتتىلىققا ءتاربيەلەۋدە «ءوزىن-ءوزى تانۋ» ءپانىنىڭ ورنى ەرەكشە. «ءوزىن-ءوزى تانۋ» باعدارلاماسىنىڭ نەگىزگى ماقساتى – ادامنىڭ قورشاعان ورتانى ءبىلىپ, ءوزىنىڭ ىشكى جان ءدۇنيەسىنە ءۇڭىلىپ, ءوزىن-ءوزى باسقارۋ نەگىزىندە ادامگەرشىلىك-رۋحاني الەۋەتىن كوتەرۋ. جەكە تۇلعانىڭ بويىنا يماندىلىق نۇرىن ۇيالاتۋدا بۇل ءپاننىڭ ءمانى ەرەكشە زور. ويتكەنى, بۇل – كىرىكتىرىلگەن باعدارلاما.بۇل ءپان جەكە تۇلعانىڭ ءوزىن-ءوزى تانۋىنا جانە رۋحاني بايۋىنا اسەر ەتە وتىرىپ, ءاربىر تۇلعانىڭ جاقسى جاققا وزگەرۋىنە مۇمكىندىك بەرەدى. سونىمەن قاتار, ول جەكە تۇلعا رەتىندە ءوزىن-ءوزى تانۋعا جانە ءومىرلىك ۇستانىمىن, دۇنيەتانىمدىق دەڭگەيىن انىقتايتىن قۇندىلىقتار ساپاسىنا يە بولۋعا باعىت-باعدار بەرەدى. ادامگەرشىلىك-رۋحاني تۇرعىدان ءدارىس العان بالالار ومىرلىك ماڭىزدى قۇندىلىقتار جۇيەسىن زەردەلەيدى, رۋحاني جانە ماتەريالدىق اراقاتىناس ءماسەلەسىن پايىمداي وتىرىپ وزىندىك كوزقاراستارىن شىڭداي تۇسەدى.العاشقى كۇنگى جيىندى استانا قالاسى بالالاردى قورعاۋ كوميتەتىنىڭ ءتورايىمى رايسا شەر اشسا, «بوبەك» ۇعپببسو باس ديرەكتورى, پەداگوگيكا عىلىمىنىڭ دوكتورى, پروفەسسور قورلان جامپەيىسوۆا ءوزىن-ءوزى تانۋ – جاڭا زامان پەداگوگيكاسى ەكەندىگىنە, ال ءماجىلىس دەپۋتاتى, ساياساتتانۋ عىلىمىنىڭ دوكتورى, پروفەسسور ك.ن.بۇرحانوۆ قازىرگى قازاقستاننىڭ قۇندىلىقتارى جانە ءبىلىم بەرۋ جۇيەسىنە توقتالدى.رەسەي ءبىلىم بەرۋ اكادەمياسىنىڭ (داعىستان, ماحاچكالا) كوررەسپوندەنت-مۇشەسى, پ.ع.د., پروفەسسور جافار ماللاەۆ «ماحاببات – تاربيە مەن ءبىلىم نەگىزى» ەكەنىن ءوزىنىڭ زەرتتەۋلەرى ءناتيجەسىندە دالەلدەگەنىن جەتكىزسە, ءبىلىم بەرۋ تەحنولوگيالارىن دامىتۋ ينستيتۋتىنىڭ (رەسەي) رەكتورى, گ.پ.نوۆيكوۆا مەكتەپكە دەيىنگى كەزەڭدە رۋحاني قۇندىلىق باعدارلارىنىڭ قالىپتاسۋىنىڭ پەداگوگيكالىق شارتتارىن تەوريالىق-ادىسنامالىق نەگىزدەۋ جانە ەكسپەريمەنتتىك زەرتتەۋلەرىنە توقتالدى. ال پەداگوگيكالىق ءبىلىم بەرۋ عىلىمدارىنىڭ حالىقارالىق اكادەمياسىنىڭ (رەسەي) پرەزيدەنتى ە.ي.ارتامونوۆا «ءوزىن-ءوزى تانۋ مۇعالىمنىڭ رۋحاني مادەنيەتىنىڭ ءىس-ارەكەتتىك ءمانى رەتىندە» تاقىرىبىندا ءسوز ءوربىتتى. سونداي-اق, ءال-فارابي اتىنداعى قازۇۋ-دىڭ پروفەسسورى ج.مولدابەكوۆ, ورال مەملەكەتتىك پەداگوگيكالىق ۋنيۆەرسيتەتى الەۋمەتتىك ءبىلىم بەرۋ ينستيتۋتى (رەسەي) ديرەكتورىنىڭ ورىنباسارى ۆ.ۆ.بايلۋك, جاستار اكادەمياسى رەسمي ەمەس اعارتۋ اسسوتسياتسياسىنىڭ پرەزيدەنتى, ليتۆا جاستار ورتالىعىنىڭ ديرەكتورى ۆالداس يانكاۋسكاس, بۋرگاس تاۋەلسىز ۋنيۆەرسيتەتىنىڭ (بولگاريا) پروفەسسورى يتسكا دەريجان, «يازىك ي ليتەراتۋرا» عىلىمي-ءادىستەمەلىك جۋرنالىنىڭ باس رەداكتورى تاير اشرافوگلى اليەۆ, اباي اتىنداعى قازۇپۋ-ءدىڭ «ۇلتتىق تاربيە جانە ءوزىن ءوزى تانۋ» كافەدراسىنىڭ مەڭگەرۋشىسى ساۋلە يمانباەۆا, ت.ب. تاقىرىپ اياسىندا باياندامالار جاساپ, ءتاجىريبەلەرىنىڭ ناتيجەلەرىمەن ءبولىستى.ەكىنشى كۇنى تمد ەلدەرىنەن كەلگەن پەداگوگ-گۋمانيستەردىڭ شەبەرلىك سىنىپتارى, سونداي-اق, ءبىلىم بەرۋ جۇيەسىنىڭ نەگىزگى باسپالداقتارى بويىنشا ۇيىمداستىرىلعان: مەكتەپكە دەيىنگى ءبىلىم بەرۋ, ورتا ءبىلىم بەرۋ, تەحنيكالىق جانە كاسىپتىك, جوعارى ءبىلىم بەرۋ ۇيىمدارى پەداگوگتارىنىڭ پەداگوگيكالىق شەبەرحانالارى جانە سەكتسيالىق وتىرىستارى ءوتتى. تۇستەن كەيىن پەداگوگيكالىق وقۋلارعا قاتىسۋشىلاردىڭ جۇمىسى تالدانىپ, قارار قابىلداندى.
گۇلزەينەپ سادىرقىزى,«ەگەمەن قازاقستان».