جۇما, 9 قاراشا 2012 7:13
«قازاقستان-2030» ستراتەگيالىق باعدارلاماسىنا وتباسىن جوسپارلاۋ ماسەلەسىنىڭ ەنگىزىلۋى جايدان-جاي ەمەس ەكەندىگى انىق.قازاقستاندا «انا مەن بالا دەنساۋلىعىن قورعاۋ» مەملەكەتتىك ساياساتتىڭ باستى ماسەلەسى بولىپ وتىر. بۇل ورايدا دەنساۋلىقتى دامىتۋدا 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسى ماڭىزدى باعىتتاردىڭ ءبىرى ەكەندىگى انىق. انا مەن بالا دەنساۋلىعىن قورعاۋ ءىسىنىڭ ۇيىمداستىرىلۋى ساپاسىن ۇزدىكسىز دامىتۋ بويىنشا وندا قازىرگى زامانعى ادىستەمەلەردى ەندىرىپ, وڭدەۋگە ايرىقشا نازار اۋدارىلىپ وتىر.اتالعان ماسەلەلەردىڭ ەڭ دۇرىس شەشىمى – دەنساۋلىق ساقتاۋ مينيسترلىگىنىڭ «قۋان ءسابي» جوباسى.
جۇما, 9 قاراشا 2012 7:13
«قازاقستان-2030» ستراتەگيالىق باعدارلاماسىنا وتباسىن جوسپارلاۋ ماسەلەسىنىڭ ەنگىزىلۋى جايدان-جاي ەمەس ەكەندىگى انىق.قازاقستاندا «انا مەن بالا دەنساۋلىعىن قورعاۋ» مەملەكەتتىك ساياساتتىڭ باستى ماسەلەسى بولىپ وتىر. بۇل ورايدا دەنساۋلىقتى دامىتۋدا 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسى ماڭىزدى باعىتتاردىڭ ءبىرى ەكەندىگى انىق. انا مەن بالا دەنساۋلىعىن قورعاۋ ءىسىنىڭ ۇيىمداستىرىلۋى ساپاسىن ۇزدىكسىز دامىتۋ بويىنشا وندا قازىرگى زامانعى ادىستەمەلەردى ەندىرىپ, وڭدەۋگە ايرىقشا نازار اۋدارىلىپ وتىر.اتالعان ماسەلەلەردىڭ ەڭ دۇرىس شەشىمى – دەنساۋلىق ساقتاۋ مينيسترلىگىنىڭ «قۋان ءسابي» جوباسى. اتا-انالاردىڭ دەنى ساۋ بالا تاربيەلەۋىنە ۇلكەن كومەگىن تيگىزۋدە اقپاراتتىق-تانىمدىق ماتەريالدار تاراتاتىن «قۋان ءسابي» جوباسىنىڭ ماڭىزى ەرەكشە.
سابيلەردىڭ ەكپەلەرى تۋرالى, ولارعا ءتان اۋرۋلاردىڭ ۇرەيلى بەلگىلەرى جانە تاعى باسقا شۇعىل جاعدايلار كەزىندە كورسەتىلەتىن كومەك تۋرالى تولىق مالىمەتتەر بەرۋگە كومەكتەسەتىن گينەكولوگتار مەن پەدياترلار اراسىنان ماماندار دايىنداۋ جوبانىڭ تاعى دا ءبىر ماڭىزدى قۇرامداسى بولىپ تابىلادى.«سالاماتتى قازاقستان» دەنساۋلىق ساقتاۋدى دامىتۋ باعدارلاماسىندا انا مەن بالانىڭ دەنساۋلىعىن قورعاۋ مەملەكەتتىڭ باسىم باعىتتارىنىڭ ءبىرى رەتىندە بەلگىلەندى. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ سالاماتتى ءومىر سالتىن قالىپتاستىرۋ پروبلەمالارى ۇلتتىق ورتالىعى ءۇش جاسقا دەيىنگى بالالاردى باعىپ-كۇتۋ تۋرالى اتا-انالارعا ارنالعان اقپاراتتىق-ءبىلىم بەرۋ قۇرالىن شىعاردى. وندا جۇكتى ايەلدەر مەن انالارعا جۇكتىلىكتىڭ ءوتۋ ەرەكشەلىكتەرى, ولارعا كەڭەستەر, دۇرىس تاماقتانۋ, بوسانۋعا دايىندىق, سونىمەن قاتار ەمشەكپەن ەمىزۋ, 3 جاسقا دەيىنگى بالالارعا كۇتىم جاساۋ, سابيلەرگە جاسالاتىن ەكپەلەر, بالا اۋرۋلارىنىڭ قاۋىپتى بەلگىلەرى مەن شۇعىل جاعدايلاردا كورسەتىلەتىن العاشقى كومەك جونىندە باياندالعان. وسى نۇسقاۋلىقتان ءسابي دۇنيەگە كەلگەن كۇنىنەن باستاپ ءۇش جاسقا دەيىنگى بالالارعا قاتىستى كوپتەگەن سۇراقتارعا جاۋاپ تابۋعا بولادى.قر دەنساۋلىق ساقتاۋ ءمينيسترى س.قايىربەكوۆانىڭ 2012 جىلعى 19 ناۋرىزداعى №180 بۇيرىعىن ورىنداۋ ماقساتىندا ءاربىر بوسانعان اناعا پەرزەنتحانادان شىعاردا اتالعان نۇسقاۋلىق تابىس ەتىلەدى.2012 جىلى قازان ايىندا وڭتۇستىك قازاقستان وبلىسىنىڭ بارلىق قالا, اۋداندارىنىڭ سالاماتتى ءومىر سالتىن قالىپتاستىرۋ ورتالىقتارىندا مەديتسينالىق مەكەمەلەردىڭ گينەكولوگتارى مەن پەدياترلارىنا ارنالعان «انا مەن بالا دەنساۋلىعىن قورعاۋ جانە انا مەن بالا ءولىمىن تومەندەتۋ» تاقىرىبىندا سەمينار-كەڭەس ءوتتى. سەميناردا الماتى قالاسىنداعى س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنەن كەلگەن كافەدرا دوتسەنتتەرى, مەديتسينا عىلىمدارىنىڭ كانديداتتارى, اكۋشەر-گينەكولوگ جانە پەدياترلار ءوز پىكىرلەرىمەن ءبولىستى.15 جىلدان بەرى جۇمىس اتقارىپ كەلە جاتقان وبلىستىق سالاماتتى ءومىر سالتىن قالىپتاستىرۋ ورتالىعىنىڭ انا مەن بالا دەنساۋلىعىن قورعاۋعا قوسقان ۇلەسى ۇلكەن. ورتالىقتان اي سايىن انا مەن بالا دەنساۋلىعىنا بايلانىستى «وتباسىندا ءسابيگە كۇتىم جاساۋ», «بولاشاق اتا-انالارعا كەڭەس», «جۇكتىلىكتىڭ جايسىز بەلگىلەرى», «سالاماتتى وتباسىن قۇرامىز» ءتارىزدى اقپاراتتىق-تانىمدىق قۇرالدارى تەگىن تاراتىلادى. سونىمەن بىرگە, سەمينارلار, كەڭ اۋقىمدى اكتسيالار, ترەنينگتەر, دوڭگەلەك ءۇستەلدەر وتكىزۋ داستۇرگە اينالعان. قورىتا ايتقاندا, قازىر حالىقتىڭ, ونىڭ ىشىندە انا مەن بالانىڭ دەنساۋلىعىن جاقسارتۋ ءۇشىن سالاماتتى ءومىر سالتىن ناسيحاتتاۋ وتە ماڭىزدى.دەگەنمەن, ەلىمىزدىڭ ءاربىر ازاماتى تەك مەديتسينالىق اقپاراتپەن جانە مەديتسينالىق كومەكپەن شەكتەلىپ قانا قالماي, ءوز دەنساۋلىعىنا جاۋاپكەرشىلىكپەن قاراۋ كەرەك ەكەنىن ۇمىتپاعانى ابزال.جانات توعايبەكوۆا,وڭتۇستىك قازاقستان وبلىستىق سالاماتتى ءومىر سالتىن قالىپتاستىرۋ ورتالىعىنىڭ ديرەكتورى.