جىلداعى داستۇرمەن قوستاناي قالاسىنىڭ ورتالىعىندا 2019 جىلعا ارنالعان وبلىستىڭ باس شىرشاسى سالتاناتتى تۇردە جاعىلدى. وعان وبلىس اكىمى ارحيمەد مۇحامبەتوۆ قاتىسىپ, جينالعان جۇرتشىلىقتى قۇتتىقتادى.
«بۇگىن ءوڭىردىڭ باس شىرشاسىن جاعۋ داستۇرىنە جينالىپ تۇرمىز. مۇنداي مەرەكە وبلىستىڭ 16 اۋدانى مەن 4 قالاسىندا دا ءوتىپ جاتىر. كەتىپ بارا جاتقان 2018 جىل وبلىس ءۇشىن جامان بولعان جوق. بارلىق سالاداعى كورسەتكىشتەر بويىنشا العا جىلجۋ, دامۋ بايقالدى. وبلىس ەكونوميكاسىنا 10 ميلليارد تەڭگەدەي ينۆەستيتسيا سالىندى. تەك وبلىس عانا ەمەس, تۇتاس ەلىمىز بويىنشا وسى جىلى ماڭىزدى شارالار ءوتتى. بارلىق قوستانايلىقتاردى قۇتتىقتاپ, ءار وتباسىنا دەنساۋلىق, مول قۋانىشتار تىلەيمىن» دەدى ارحيمەد بەگەجان ۇلى.
شىرشا جاعىلىپ, وتشاشۋلار اتىلدى. جاڭا جىلدىڭ كەيىپكەرلەرى اياز اتا مەن قارشاقىز شىعىپ, كەلە جاتقان جاڭا جىلمەن قوستانايلىقتاردى قۇتتىقتادى. حالىقتىق ەرتەگى كەيىپكەرلەرى, بالالار بيلەپ, شىرشانىڭ ءسانىن كەلتىرە ءتۇستى.
ءنازيرا جارىمبەت,
«ەگەمەن قازاقستان»
قوستاناي