بيىلعى قۇرلىقتىق حوككەي ليگاسىنداعى پلەي-وفف باسەكەسىندە«بارىستىڭ» جولى تاعى بولمادى. وسىمەن ليگاعا تورتىنشى رەت بۇكىلقازاقستاننىڭ اتىنان شىعىپ, ەلىمىزدىڭ نامىسىن قورعاعان استانالىقكوماندا تاعى دا پلەي-وفف سىنىنىڭ كەلەسى كەزەڭىنە وتە المادى.
بۇل جولى «بارىستىڭ» جولىن وراپ كەتكەن كوماندا ماگنيتوگوردىڭ «مەتاللۋرگى» بولدى. اۋەلى ءبىزدىڭ جىگىتتەر «مەتاللۋرگتى» ءتورت كەزدەسۋدە 3:1 ەسەبىمەن جەڭىپ تۇرعان. ءبىرىنشى كەزدەسۋدە ماگنيتوگوردا «قۇرىش بالقىتۋشىلار» 3:2 ەسەبىمەن جەڭىسكە جەتكەن. ەكىنشى ماتچتا ەندى «بارىس» نامىسقا تىرىسىپ, الاڭ يەلەرىن 4:1 ەسەبىمەن ۇتقان. ودان كەيىن استانادا وتكەن ەكى كەزدەسۋدە «بارىستىڭ» جولى بولدى.
بيىلعى قۇرلىقتىق حوككەي ليگاسىنداعى پلەي-وفف باسەكەسىندە«بارىستىڭ» جولى تاعى بولمادى. وسىمەن ليگاعا تورتىنشى رەت بۇكىلقازاقستاننىڭ اتىنان شىعىپ, ەلىمىزدىڭ نامىسىن قورعاعان استانالىقكوماندا تاعى دا پلەي-وفف سىنىنىڭ كەلەسى كەزەڭىنە وتە المادى.
بۇل جولى «بارىستىڭ» جولىن وراپ كەتكەن كوماندا ماگنيتوگوردىڭ «مەتاللۋرگى» بولدى. اۋەلى ءبىزدىڭ جىگىتتەر «مەتاللۋرگتى» ءتورت كەزدەسۋدە 3:1 ەسەبىمەن جەڭىپ تۇرعان. ءبىرىنشى كەزدەسۋدە ماگنيتوگوردا «قۇرىش بالقىتۋشىلار» 3:2 ەسەبىمەن جەڭىسكە جەتكەن. ەكىنشى ماتچتا ەندى «بارىس» نامىسقا تىرىسىپ, الاڭ يەلەرىن 4:1 ەسەبىمەن ۇتقان. ودان كەيىن استانادا وتكەن ەكى كەزدەسۋدە «بارىستىڭ» جولى بولدى.
بۇل ويىنداردا ولار 3:2 جانە 4:1 ەسەبىمەن جەڭىپ, «مەتاللۋرگتىڭ» الدىنا شىققان. ءمىنە, سول كەزدە «بارىسقا» «شىعىس» ديۆيزيونىنان جارتىلاي فينالعا شىعۋ ءۇشىن ءبىر عانا جەڭىس كەرەك ەدى. الايدا, ءبىزدىڭ ۇجىم وسىنداي جىلىنا ءبىر رەت بەرىلەتىن تاماشا مۇمكىندىكتى پايدالانا الماي, قارسىلاسىمەن وتكەن ءۇش كەزدەسۋدىڭ بارىندە ۇتىلۋعا ءماجبۇر بولدى.
سول سوڭعى ءۇش ويىندا «بارىس» وۆەر-تايمداردا ەكى رەت 4:3 جانە ءبىر رەت 2:1 ەسەبىمەن جەڭىلدى. وسى ماتچتاردىڭ ىشىندە استاناداعى 9 ناۋرىز كۇنگى ويىن قىزىقتى جانە اسا تارتىستى ءوتتى. بۇل كەزدەسۋدە قوناقتار بۋلليتتىڭ كومەگىمەن ەسەپتى تەڭەستىرىپ, ودان كەيىن وۆەر-تايمداعى شايبانىڭ ەسەبىنەن جەڭىستى سۋىرىپ اكەتتى. ال نەگىزى سول كەزدە تورەشىلەر بۋلليت بەلگىلەيتىندەي ويىن ەرەجەسى بۇزىلماعان ەدى. ويتكەنى, ءبىزدىڭ قورعاۋشى ليتۆينەنكو قوناقتاردىڭ ساپىنداعى سۋشينسكيدىڭ اياعىن تاياقپەن تارتىپ ەمەس, اياعىنا كونكيىن تيگىزىپ قۇلاتتى. ال سۋشينسكي ايدىندا ارتىستىك مانەردە قۇلاۋدىڭ شەبەرى ەكەن. وسىنى ەسكەرگەن ماسكەۋلىك تورەشىلەر تورتتىگى «بارىستىڭ» قاقپاسىنا بۋلليت بەلگىلەدى. ءسويتىپ, سول تورتتىك «مەتاللۋرگتىڭ» جەڭىسكە جەتۋىنە جاعداي جاساپ بەردى.
وسى ويىندا تورەشىلەردىڭ جاساعان تاعى ءبىر قاتەلىگى – ءبىزدىڭ سوققان شايبامىزدى ەسەپتەمەۋى بولدى. جاڭا تورتتىك اقىلداسا كەلە, اري احونەننىڭ قاقپاسى گول سوعىلعاندا جىلجىپ كەتتى دەپ شايبانى ەسەپتەمەي تاستادى. مۇنىڭ ءبارىن وقىرمان قاۋىم قۇرلىقتىق حوككەي ليگاسىنىڭ رەسمي سايتىنداعى بەينەتاسپالاردان كورە الادى. وسىنداي ءتورەشىلەردىڭ كومەگىمەن وۆەر-تايمعا دەيىن ارەڭ كۇشى جەتكەن «مەتاللۋرگ» ەرەمەەۆتىڭ قاقپاسىنا تاعى ءبىر شايبا توعىتتى.
مىنە, وسىنداي نوتامەن اياقتالعان ويىنداردا «بارىس» تاعى دا كەلەسى اينالىمعا شىعۋ ءمۇمكىندىگىن جىبەرىپ الدى. ال ونىڭ جولىن وراپ كەتكەن «مەتاللۋرگ» ەندى «شىعىس» ديۆيزيونىنداعى جارتىلاي فينالدا ومبىنىڭ «اۆانگارد» كومانداسىمەن كەزدەسەدى. وسى ديۆيزيوندا تاعى چەليابىنىڭ «تراكتورى» مەن قازاننىڭ «اق بارس» ۇجىمى كۇش سىناسادى. ال «باتىس» ديۆيزيونىنداعى جارتىلاي فينال سانكت-پەتەربۋرگتىڭ سكا-سى مەن ماسكەۋ وبلىسى مىتيششي قالاسىنىڭ «اتلانت» كلۋبتارى جانە نيجني نوۆگورودتىڭ «تورپەدوسى» مەن ماسكەۋدىڭ «دينامو» كوماندالارى اراسىندا وتەدى.
داستان كەنجالين.