الماتىدا ەكى بىردەي مامانداندىرىلعان سپورت مەكتەبى ەسىگىن اشتى. وڭتۇستىك استانا وسى ۋاقىتقا دەيىن ەلىمىزدىڭ وزگە وڭىرلەرىنە قاراعاندا سپورتقا باۋليتىن ورىندارعا كەندە ەمەس سياقتى كورىنەتىن. الايدا, بۇل كۇندە الماتىنىڭ اۋماعى دا, ادامى دا ءوسىپ كەلەدى. قالانىڭ كەيىنگى جىلدارى بوي كوتەرگەن شاعىن اۋداندارىندا وسى جوقتىڭ ورنى كورىنىپ تۇراتىن.
الماتى اكىمى احمەتجان ەسىموۆ جاڭادان سالىنىپ بىتكەن سپورت نىساندارىندا بولدى. اشىلىپ وتىرعان سپورت مەكەمەلەرى – №9 بالالار مەن جاسوسپىرىمدەردىڭ جانە اۋەزوۆ اۋدانىنداعى جوعارى سپورتتىق شەبەرلىكتىڭ مامانداندىرىلعان وليمپيادالىق رەزەرۆ مەكتەپتەرى.
الماتىدا ەكى بىردەي مامانداندىرىلعان سپورت مەكتەبى ەسىگىن اشتى. وڭتۇستىك استانا وسى ۋاقىتقا دەيىن ەلىمىزدىڭ وزگە وڭىرلەرىنە قاراعاندا سپورتقا باۋليتىن ورىندارعا كەندە ەمەس سياقتى كورىنەتىن. الايدا, بۇل كۇندە الماتىنىڭ اۋماعى دا, ادامى دا ءوسىپ كەلەدى. قالانىڭ كەيىنگى جىلدارى بوي كوتەرگەن شاعىن اۋداندارىندا وسى جوقتىڭ ورنى كورىنىپ تۇراتىن.
الماتى اكىمى احمەتجان ەسىموۆ جاڭادان سالىنىپ بىتكەن سپورت نىساندارىندا بولدى. اشىلىپ وتىرعان سپورت مەكەمەلەرى – №9 بالالار مەن جاسوسپىرىمدەردىڭ جانە اۋەزوۆ اۋدانىنداعى جوعارى سپورتتىق شەبەرلىكتىڭ مامانداندىرىلعان وليمپيادالىق رەزەرۆ مەكتەپتەرى.
رەسپۋبليكاداعى №9 بالالار مەن جاسوسپىرىمدەردىڭ جالعىز وليمپيادالىق رەزەرۆ مەكتەبى وسىدان 40 جىل بۇرىن سالىنعان ەكەن. مەكتەپتە 900 جاس سپورتشى-گيمناسشىلار ءبىلىم الۋدا. 2011 جىلى جاڭا سپورت زالىن, جاتاقحاناسى بار مەكتەپتىڭ اكىمشىلىك قىزمەت ورنىن قايتا سالۋ ءۇشىن قالا بيۋدجەتىنەن 500 ميلليون تەڭگە ءبولىنگەن بولاتىن.
بۇگىنگى تاڭدا بۇل نىساننىڭ جالپى اۋماعى – 4 156 شارشى مەتر. مەكتەپ بىردەن 1500 وقۋشىنى قابىلداي الادى. ول ءدال وسى كۇندەرى بانگكوكتە وتەتىن ازيا چەمپيوناتىنا رەسپۋبليكامىزدىڭ ءار تۇكپىرىنەن كەلگەن جاس سپورتشىلاردى تاربيەلەۋ ۇستىندە. ايتقانداي, وسى №9 ارنايى سپورت مەكتەبىنىڭ وقۋشىسى ستەپان گورباچەۆ 2012 جىلى لوندوندا وتەتىن وليمپيادا ويىندارىنىڭ ليتسەنزياسىن جەڭىپ العان.
اتالعان مامانداندىرىلعان مەكتەپ قازاقستاننىڭ ۇلتتىق قۇراماسىنا كادرلار دايىندايدى. مۇندا سپورتشىلار قىسقى سپورتتىڭ 4 تۇرىنەن (شاڭعىمەن تۇعىردان سەكىرۋ, شاڭعى قوسسايىسى, ءمانەرلەپ سىرعاناۋ, كونكيمەن جۇگىرۋ) جانە جەكە سايىستىڭ 13 ءتۇرىنەن (قىلىشتاسۋ, اۋىر اتلەتيكا, جەڭىل اتلەتيكا, دزيۋدو, بوكس, ت.ب.) ءدارىس الادى. مەكتەپتىڭ سپورتشىلار رەزەرۆىن دايىندايتىن وقۋ-جاتتىعۋ بازاسى دا تالاپقا ساي جابدىقتالعان.
قازىرگى كەزدە مەكتەپ اكتيۆىندە 2012 جىلعى وليمپيا ويىندارىنا قاتىسۋ ءۇشىن 7 ليتسەنزيا بار, ولار اۋىر اتلەتيكا, جەڭىل اتلەتيكا, قىزدار اراسىنداعى ەركىن كۇرەس, دزيۋدو.
سونىمەن, ىلگەرىدە ىرگەتاسى كوتەرىلىپ, زامانا سۇرانىسىمەن سپورت مەكتەپتەرىنە اينالعان مەكەمەلەرگە قالا اكىمى ارنايى كەلىپ, جەتكىنشەكتەردىڭ جارىستارعا دايىندىعىن كوردى. بالالارمەن ديدارلاستى.
– مۇندا بولاشاق چەمپيوندار, وليمپيا ويىندارىنىڭ چەمپيوندارى دايارلانۋدا, ءبىز ەلىمىزدىڭ ءار تۇكپىرىنەن كەلگەن دارىندى بالالاردىڭ كاسىبي سپورتپەن اينالىسىپ, ويداعىداي دايىندىقتاردان ءوتۋى ءۇشىن قولدان كەلگەننىڭ ءبارىن جاساۋدامىز. بۇدان بىلاي سەندەر ءبىزدى سپورتتاعى ەڭ جوعارى كورسەتكىشتەرمەن, بيىك سپورتتىق جەتىستىكتەرمەن قۋانتىڭدار! – دەدى احمەتجان ەسىموۆ جاس سپورتشىلارعا ارناعان سوزىندە.
ايناش ەسالي.
الماتى.