جاقىندا وسكەمەندەگى دەنە شىنىقتىرۋ-ساۋىقتىرۋ كەشەنىندە جاستار اراسىندا بەس كۇنگە سوزىلعان ەركىن, گرەك-ريم جانە ايەلدەر كۇرەسىنەن وتكەن قازاقستان چەمپيوناتى مارەگە جەتتى.
بۇل چەمپيوناتتى ەڭ الدىمەن ەركىن كۇرەس بالۋاندارى باستادى. ەلىمىزدىڭ بارلىق وبلىستارى مەن استانا, الماتى قالالارىنان كەلگەن سپورتشىلار چەمپيوناتقا جاقسى دايارلىقپەن كەلگەندەرىن كىلەم ۇستىندەگى بەلدەسۋلەردە كورسەتە ءبىلدى. جەكەلەي سالماق دارەجەلەرى بويىنشا نۇرلان تۇرعان (الماتى قالاسى, 50 كگ.), ازامات شاعاپ ۇلى (قىزىلوردا وبلىسى, 55 كگ.), مەيىرجان ءاشىروۆ (جامبىل وبلىسى, 60 كگ.), نۇرعالي جولاەۆ (الماتى قالاسى, 66 كگ), ابۋباكىر تورعاەۆ (شىعىس قازاقستان وبلىسى, 74 كگ.), ەرالى ابدىراشەۆ (Acتانا قالاسى, 84 كگ.), ىڭكار ەرمۇحامەت (وڭتۇستىك قازاقستان وبلىسى, 96 كگ.), ولەگ بولتين (شىعىس قازاقستان وبلىسى, 120 كگ.) ءبىرىنشى ورىندى يەلەندى.
جاقىندا وسكەمەندەگى دەنە شىنىقتىرۋ-ساۋىقتىرۋ كەشەنىندە جاستار اراسىندا بەس كۇنگە سوزىلعان ەركىن, گرەك-ريم جانە ايەلدەر كۇرەسىنەن وتكەن قازاقستان چەمپيوناتى مارەگە جەتتى.
بۇل چەمپيوناتتى ەڭ الدىمەن ەركىن كۇرەس بالۋاندارى باستادى. ەلىمىزدىڭ بارلىق وبلىستارى مەن استانا, الماتى قالالارىنان كەلگەن سپورتشىلار چەمپيوناتقا جاقسى دايارلىقپەن كەلگەندەرىن كىلەم ۇستىندەگى بەلدەسۋلەردە كورسەتە ءبىلدى. جەكەلەي سالماق دارەجەلەرى بويىنشا نۇرلان تۇرعان (الماتى قالاسى, 50 كگ.), ازامات شاعاپ ۇلى (قىزىلوردا وبلىسى, 55 كگ.), مەيىرجان ءاشىروۆ (جامبىل وبلىسى, 60 كگ.), نۇرعالي جولاەۆ (الماتى قالاسى, 66 كگ), ابۋباكىر تورعاەۆ (شىعىس قازاقستان وبلىسى, 74 كگ.), ەرالى ابدىراشەۆ (Acتانا قالاسى, 84 كگ.), ىڭكار ەرمۇحامەت (وڭتۇستىك قازاقستان وبلىسى, 96 كگ.), ولەگ بولتين (شىعىس قازاقستان وبلىسى, 120 كگ.) ءبىرىنشى ورىندى يەلەندى.
ايەلدەر كۇرەسىندە سولتۇستىك قازاقستان وبلىسىنىڭ سپورتشىلارى كريستينا يالوۆەنكو, يۋليا ودينەنكو, ايدانا وتەعۇلوۆا, قاراعاندى وبلىسىنىڭ وكىلى يرينا بوريسوۆا مەن جايليا ءاۋباكىروۆا چەمپيون اتانسا, الماتى وبلىسىنان ۇلبوسىن قوجامبەردى, پاۆلودار وبلىسىنان ايمانگۇل تولەۋحان, باتىس قازاقستان وبلىسىنان ەكاتەرينا لاريونوۆا جەڭىس تۇعىرىنىڭ جوعارى ساتىسىنا كوتەرىلدى.
ال شىعىس قازاقستان وبلىسىنىڭ سپورتشى قىزدارى وسى چەمپيوناتتا مۇنداي ۇزدىك جەتىستىككە قول جەتكىزە المادى. ءايگەرىم ساعىناەۆا مەن ايگەرىم ماقاجانوۆا ەكىنشى ورىنداردى ەنشىلەسە, جۇلدەلى ءۇشىنشى ورىن شىعىسقازاقستاندىق سپورتشىلارعا بۇيىرمادى.
گرەك-ريم كۇرەسى بويىنشا 60 كگ. سالماق دارەجەسىندە سىنعا ءتۇسكەن شىعىسقازاقستاندىق مەيىر ەرزاقوۆ وزگەلەردەن الدەقايدا مىقتى ەكەندىگىنە كورەرمەندەردىڭ كوزدەرىن جەتكىزدى. قالعان سالماق دارەجەلەرىندە جامبىلدىقتار اسقار سالتەباەۆ, ءجانىبەك قاندىباەۆ, استانالىقتار ازامات قۇستىباەۆ, احمەت ءىزباسقانوۆ, قاراعاندىلىق ايدىن اشىمباەۆ, قوستانايلىق تيمۋر تاشماعانبەتوۆ, پاۆلودارلىق ەركىن شايكەنوۆ جەڭىمپاز اتاندى. شىعىسقازاقستاندىق بالۋاندار اراسىندا ەكىنشى, ءۇشىنشى ورىن العاندار بولعان جوق.
سالىستىرمالى تۇردە العاندا, كۇرەستىڭ ءۇش ءتۇرى بويىنشا سولتۇستىك قازاقستان, جامبىل, شىعىس قازاقستان, قاراعاندى وبلىستارىنىڭ ءارقايسىسىنان ءۇش بالۋاننان ءبىرىنشى ورىنداردى يەلەنىپتى. ءار وڭىردە كۇرەس ءتۇرلەرىنىڭ قالاي دامىپ جاتقانىن, كەلەشەگى قانداي ەكەنىن وسكەمەندە وتكەن جاستار چەمپيوناتى انىقتاپ بەردى. ءبىزدىڭ وبلىستا گرەك-ريم جانە ايەلدەر كۇرەسىنىڭ دامۋ بارىسىنىڭ باياۋ ەكەنى دە اڭعارىلىپ قالدى. ەڭ باستىسى – كۇرەس بۇقارالىق سپورت تۇرىنە اينالىپ, كەڭ ءورىس الىپ كەلە جاتىر. سوندىقتان دا ءىزباسارلار دايارلاۋ ءىسىن نازاردان تىس قالدىرماي, جاستار مەن جاسوسپىرىمدەر سپورتىنا كوڭىل ءبولگەن ءجون. سوندا عانا ءناتيجە بولاتىنى بەلگىلى.
وسكەمەندەگى چەمپيوناتتا كۇرەستىڭ ءۇش تۇرىنەن جەڭىسكە جەتكەن بالۋاندار ەلىمىزدىڭ قۇراما كوماندالارىنا قابىلداندى. ولار ەندى حالىقارالىق جارىستارعا دايارلىقتى باستاپ, وقۋ-جاتتىعۋ جيىندارىن وتكىزەدى. لوندون وليمپياداسىندا ءبىز بالۋانداردان دا ءۇمىت كۇتەمىز.
وڭداسىن ەلۋباي.
وسكەمەن.