الماتىدا دوپتى حوككەي – بەنديدەن ءوتىپ جاتقان الەم چەمپيوناتىندا ەلىمىزدىڭ باس كومانداسى كەزەكتى جەڭىسىنە جەتتى. ءدۇيسەنبى كۇنى وتانداستارىمىز اقش قۇراماسىمەن بولعان ەكىنشى ويىنىندا قارسىلاستارىن 13:3 ەسەبىمەن ۇتتى.
الماتىدا دوپتى حوككەي – بەنديدەن ءوتىپ جاتقان الەم چەمپيوناتىندا ەلىمىزدىڭ باس كومانداسى كەزەكتى جەڭىسىنە جەتتى. ءدۇيسەنبى كۇنى وتانداستارىمىز اقش قۇراماسىمەن بولعان ەكىنشى ويىنىندا قارسىلاستارىن 13:3 ەسەبىمەن ۇتتى.
بۇل ەكىنشى تۋرداعى كەزدەسۋ دە نورۆەگيامەن بولعان ويىن سياقتى قىزىقتى ءوتتى. ءا دەگەننەن-اق الەكسەي نيكيشوۆتىڭ جىگىتتەرى «مەدەۋ» ايدىنىنىڭ قوجايىنى كىم ەكەنىن بىردەن كورسەتتى. ويىننىڭ 4-مينۋتىندا سەرگەي پوچكۋنوۆ ەسەپ اشتى. 26 مينۋتتا امەريكالىقتار ەسەپتى تەڭەستىرگەنىمەن, ءبىرىنشى تايمنىڭ سوڭىنا دەيىن وتانداستارىمىز تاعى 4 دوپ سوعىپ, ەسەپتى 5:1-گە جەتكىزدى.ەكىنشى تايمدا قوناقتار شابۋىلعا ۇمتىلىپ, ەسەپتى قىسقارتۋعا تىرىسقانىمەن, ونىسىنان ەشتەڭە شىقپادى. كەرىسىنشە, قازاقستان قۇراماسىنىڭ ساپىنداعى تاعى سول سەرگەي پوچكۋنوۆ, لەونيد بەدارەۆ, ۆياچەسلاۆ بروننيكوۆ, كوماندا كاپيتانى راۋان ەساليەۆ پەن دميتري زاۆيدوۆسكي قارسىلاستار قاقپاسىن ءدال كوزدەدى. بۇل ويىندا بروننيكوۆ حەت-تريك, بەدارەۆ, ناسونوۆ پەن پوچكۋنوۆ دۋبل جاساسا, قالعاندارى ءبىر-ءبىر دوپتىڭ اۆتورى اتاندى. ال امەريكالىقتار ساپىندا حوسفەلد, ساندبەرگ, ساۆاتسكە گول سوعىپ, ەسەپتى ءسال دە بولسا قىسقارتا الدى.كەشە كەشكىسىن ءبىزدىڭ قۇراما شۆەتسيا قۇراماسىمەن كەزدەستى. ويىن كەش بىتكەندىكتەن, ونىڭ ءناتيجەسىن گازەتتىڭ كەلەسى سانىندا حابارلاۋدى ءجون كورىپ وتىرمىز. باسقا ماتچتاردا بىلتىرعى الەم چەمپيونى – رەسەي قۇراماسى فينليانديانى ارەڭ دەگەندە 5:4 ەسەبىمەن جەڭسە, شۆەتسيا نورۆەگيادان 11:0 ەسەبىمەن باسىم ءتۇستى. وسىلاردىڭ ىشىندە رەسەي مەن فينليانديانىڭ ويىنى قىزىقتى جانە تارتىستى ءوتتى. 1957 جىلى سۋوميدە وتكىزىلگەن العاشقى الەم چەمپيوناتىنان بەرى ءبىر-ءبىرىمەن ەجەلگى قارسىلاستار اراسىندا وتكەن ويىندا رەسەيلىكتەر 2:0 ەسەبىمەن جەڭىپ كەلە جاتىپ, قارسىلاستارىنان 4 بىردەي دوپتى جىبەرىپ الدى. ءبىرىنشى تايمدا سۋومي حوككەيشىلەرى ەسەپتى تەڭەستىرىپ قانا قويماي, 4:2 ەسەبىمەن العا شىقتى. ابىروي بولعاندا, رەسەي قۇراماسى تاجىريبەلى ويىنشىلارىنىڭ ارقاسىندا جەڭىسكە جەتە الدى. كەشە كەشكىسىن رەسەي قۇراماسى نورۆەگيامەن كەزدەسسە, بۇگىن قازاقستانمەن كۇش سىناسادى.ال دۇيسەنبىدە بولعان ءۇشىنشى ويىندا شۆەتسيا نورۆەگيانى 11:0 ەسەبىمەن ۇتىپ, الەم چەمپيوناتىنا باس جۇلدە ءۇشىن عانا كەلگەندەرىن تاعى ءبىر رەت كورسەتتى. شۆەتسيا قۇراماسى ساپىندا ەڭ كوپ دوپتى كريستيان ميكەلسسون سوقتى. ول 5 گولدىڭ اۆتورى اتاندى. بۇنىڭ الدىندا فينليانديامەن بولعان ويىندا شۆەتسيا قۇراماسى قارسىلاستارىن 12:0 ەسەبىمەن جەڭگەندە, يۋناس ەدلينگ 3 دوپتىڭ اۆتورى اتانعان بولاتىن.وسى كۇنى «ۆ» توبىنىڭ كوماندالارى العاشقى ويىندارىن وتكىزدى. بەلارۋس ۆەنگريانى 13:5 ەسەبىمەن جەڭسە, نيدەرلاندى لاتۆيانى 6:2 ەسەبىمەن ۇتتى.كەشە «س» توبىنىڭ كوماندالارى دا جارىس جولىنا شىقتى. وندا ەستونيا اۋەلى قىرعىزستانمەن, ودان كەيىن جاپونيامەن كەزدەستى.قازىر الەم چەمپيوناتىندا قازاقستان قۇراماسى دوپ ايىرماشىلىعى بويىنشا شۆەتسيادان كەيىن ەكىنشى ورىندا كەلەدى. شۆەتسيا 23 دوپ سوعىپ, قاقپاسىنا ءالى بىردە-ءبىر گول جىبەرمەسە, ءبىزدىڭ ەل دە 23 رەت قارسىلاستار قاقپاسىن ءدال كوزدەپ, تەك وزىنە 4 گول عانا جىبەرىپ العان ەكەن. ال رەسەي قۇراماسى ەڭ كوپ دوپ – 24 گول سوقسا, قاقپاسىنا 8 گول جىبەرىپ, ءۇشىنشى ورىندا تۇر.وسى كۇندەرى «مەدەۋ» ايدىنى ناعىز سپورت مەرەكەسىنە اينالىپ وتىر. الەم چەمپيوناتىن ۇيىمداستىرۋشىلاردىڭ قازاق توپىراعىندا العاش رەت ءوتىپ جاتقان بايراقتى دوداعا تىڭعىلىقتى, جان-جاقتى دايىندالعانى انىق بايقالادى. ويىندارعا دوستىق داڭعىلىنان قوعامدىق كولىكتەر قاتىناپ, مۇز ايدىنىنا كەلگەن سوڭ ەرىكتىلەر جانكۇيەرلەرگە جول كورسەتىپ, كەرەك كەزدە قاسىنان تابىلىپ جاتادى. ولاردىڭ باسىم بولىگى ازيا ويىندارى كەزىندە بىرنەشە ءتىلدى ەركىن مەڭگەرىپ, قىزمەت كورسەتكەن قىز-جىگىتتەر ەكەن.ال ويىندار كەزىندە باق وكىلدەرىنە ارنالعان ءباسپاسوز ورتالىعى ءمىنسىز جۇمىس ىستەۋدە. مۇندا بارلىق جۋرناليست وزدەرىنە قاجەتتى اقپاراتتاردى الىپ, ءباسپاسوز ءماسليحاتتارىندا كەز كەلگەن ەلدىڭ باپكەرلەرى جانە سپورتشىلارىمەن سۇحباتتاسىپ, اڭگىمەلەسە الادى.قانات ەسكەندىر.