الماتىدا پارلامەنت ءماجىلىسى توراعاسىنىڭ ورىنباسارى, «نۇر وتان» پارتياسى فراكتسياسىنىڭ جەتەكشىسى گۇلميرا يسيمباەۆا جانە ء ماجىلىس دەپۋتاتتارى گۇلنار يسكانوۆا مەن ولگا شيشيگينا ەلباسى جولداۋىندا ايتىلعان «يننوۆاتسيالىق جانە سەرۆيستىك سەكتورلاردى دامىتۋ» باعىتى بويىنشا تۇسىندىرمە جۇمىستارىن جۇرگىزۋ ماقساتىندا «ەفكو الماتى» زاۋىتىنا باردى, دەپ حابارلايدى ءماجىلىستىڭ ءباسپاسوز قىزمەتى.
«ەفكو الماتى» جشس رەسپۋبليكا اۋماعىنداعى ءىرى ماي كاسىپورىندارىنىڭ ءبىرى جانە «ەفكو» كومپانياسىنىڭ حالىقارالىق توبىنا كىرەدى.
كاسىپورىن ۇجىمىمەن كەزدەسۋ بارىسىندا گۇلميرا يسيمباەۆا كومپانيانىڭ باسەكەگە قابىلەتتى ءونىم شىعارۋ جانە ونى سىرتقى نارىققا جەتكىزۋ بويىنشا جەتىستىكتەرىن اتاپ ءوتتى.
- ەلباسى ءوز جولداۋىندا باسقا الەمدىك وندىرۋشىلەرمەن باسەكەگە قابىلەتتى بولاتىن جانە ءوز ونىمدەرىن ەكسپورتتاۋعا قابىلەتتى كومپانيالار تۋرالى ايتقان بولاتىن. سوندىقتان مەملەكەت باسشىسىنىڭ قازاقستاندىق وندىرۋشىلەردى قولداۋعا باعىتتالعان «بيزنەستىڭ جول كارتاسى» باعدارلاماسىن 2025 جىلعا دەيىن ۇزارتۋى وتە ماڭىزدى. كەلەسى جىلى ونى جۇزەگە اسىرۋ ءۇشىن 50 ملرد. تەڭگە ءبولۋ كوزدەلگەن, - دەدى گۇلميرا يسيمباەۆا.
ءوندىرىستى جاڭعىرتۋدىڭ جانە سوڭعى بىرنەشە اي ىشىندە ەندىرىلگەن جاڭا تەحنولوگيالاردىڭ ارقاسىندا كاسىپورىن جەرگىلىكتى شيكىزاتتى تەرەڭ وڭدەۋ نەگىزىندە جوعارى ساپالى ماي ءونىمىن شىعارۋدى رەتكە كەلتىرە الدى. كومپانيا رەسپۋبليكانىڭ ىشكى قاجەتتىلىگىن قامتاماسىز ەتۋمەن قاتار, وتاندىق ءونىمدى ەكسپورتقا شىعارا باستادى. كۇردەلى ميكروەكونوميكالىق جاعدايعا قاراماستان, قر ۇكىمەتىنىڭ قولداۋىمەن ءوندىرىس پەن ەكسپورت كولەمىن ارتتىرۋدى جوسپارلاپ, ول قازاقستانعا 2025 جىلدارعا قاراي ورتالىق جانە ورتا ازياداعى ماي ءونىمىنىڭ نەگىزگى جەتكىزۋشىسى بولۋىنا ىقپال ەتپەك.
ساپار اياسىندا دەپۋتاتتار «ۇلتتىق مەملەكەتتىك عىلىمي-تەحنيكالىق ساراپتاما ورتالىعى» اق-نا باردى.