العاش رەت اشىلعان ينتەرنەت-دۇكەن ورتالىعىندا تاۋاردى قابىلداۋ مەن وڭدەۋدەن باستاپ, بۋىپ-ءتۇيۋ, ساقتاۋ جانە ونى يەلەرىنە جەتكىزۋ سەكىلدى قىزمەت تۇرلەرى بار.
قازپوشتانىڭ استانادا العاش رەت اشىلعان كەزەكتى جوباسى كəسىپكەرلەردىڭ تاۋاردى يەسىنە جەتكىزۋىن جەڭىلدەتەدى. ودان بولەك, قويمالارمەن, بايلانىس ورتالىقتارىمەن, لوگيستيكا جəنە قىزمەتكەرلەر قۇرامىمەن قامتاماسىز ەتۋ شىعىنىن ازايتۋعا مۇمكىندىك بەرمەك.
ەلىمىزدەگى ەلەكتروندى ساۋدانى دامىتۋدىڭ 2018-2020 جىلدارعا ارنالعان جول كارتاسىندا وسىنداي ورتالىقتاردى اشۋ جوسپارلانعان بولاتىن.
− ينتەرنەت-ساۋدا مادەنيەتىنىڭ دامۋىمەن قاتار, قازاقستاندىقتاردىڭ ونى جەتكىزىپ بەرۋگە دەگەن تالابى دا ارتتى. قازىر ءبىز جەتكىزۋ مەرزىمدەرىن قىسقارتۋ بويىنشا جۇمىس جۇرگىزىپ جاتىرمىز. حالىقارالىق كۋرەرلىك جانە لوگيستيكالىق كومپانيالارمەن, پوشتا وپەراتورلارىمەن ىنتىماقتاستىق ورناتتىق. تمد-دا ءبىرىنشى بولىپ 2017 جىلعى تامىزدا قحر-دان قازاقستانعا تەمىر جولمەن سالەمدەمە تاسىمالداۋدى جولعا قويدىق. بۇل جەتكىزۋ مەرزىمىن 2 ەسە (60 كۇننەن 25 كۇنگە دەيىن) قىسقارتتى, جەتكىزۋ قۇنىن دا 2 ەسە ارزانداتىپ, تاسىمالدىڭ تۇراقتىلىعىن ارتتىردى. تەمىر جول باعىتىنان وزگە ءبىز قحر-دان قازاقستانعا چارتەرلىك اۋە تاسىمالىن ىسكە قوسۋ جۇمىستارىن جۇرگىزىپ جاتىرمىز. بۇل جەتكىزۋ مەرزىمىن 25 كۇننەن 7-15 كۇنگە دەيىن قىسقارتۋعا مۇمكىندىك بەرەدى. سونداي-اق حالىقارالىق ءترانزيتتى دامىتۋ جوسپارىندا بوندتىق قويمالاردى قۇرۋ بەلسەندى تۇردە جۇزەگە اسىرىلۋدا, – دەدى «قازپوشتا» اق باسقارما توراعاسى ساكەن سارسەنوۆ.
قازىر جالپى اۋدانى 3 مىڭ شارشى مەترلىك قويمادا 20 ينتەرنەت-دۇكەننىڭ 600 مىڭ تاۋارى ساقتالعان, بيىلدىڭ وزىندە قويمادان 177 مىڭ تاۋار جونەلتىلىپ وتىر.
العاشقى فۋلفيلمەنت-ورتالىقتىڭ اشىلۋىنا پرەمەر-ءمينيستردىڭ ورىنباسارى اسقار جۇماعاليەۆ قاتىسىپ, ينتەرنەت-دۇكەننىڭ جۇمىسىمەن تانىستى.
− شاعىن جəنە ورتا كəسىپكەرلىكتى ەلباسىنىڭ ءوزى قولداپ وتىر. سونىڭ نەگىزىندە سالىق كودەكسىنە وزگەرىستەر ەنگىزىلدى. اتالعان وزگەرىستەرگە سəيكەس كəسىپكەرلەردىڭ سالىق تولەۋى جەڭىلدەدى. ونىڭ ەلەكتروندى ساۋداعا دا قاتىسى بار. سوندىقتان ۇكىمەت سىزدەردەن نəتيجەلى جۇمىس كۇتەدى. ەڭ باستىسى, ەل ەكونوميكاسىن دامىتۋدا جاڭا جۇمىس ورىندارىنىڭ اشىلۋى قۋانتارلىق جاعداي, – دەدى ا.جۇماعاليەۆ.
ايتا كەتەرلىگى, ەلىمىزدەگى ينتەرنەت-ساتىپ الۋشىلاردىڭ سانى وتكەن 7 ايدا 1,5 ملن ادامعا جەتكەن. بۇل بىلتىرعىمەن سالىستىرعاندا 11 پروتسەنتكە ارتىق. ەلەكتروندى ساۋدا نارىعىنىڭ ىلگەرى جىلجۋىنا فۋلفيلمەنت ورتالىقتارىنىڭ اشىلۋى دا وڭ ىقپال ەتپەك.
ەركەجان ايتقازى, «ەگەمەن قازاقستان»