تۇلەكتەردىڭ تاۋەلسىزدىككە تارتۋى

استانا قالاسىنداعى ج.جاباەۆ اتىنداعى №4 مەكتەپ-گيمنا­زياسىندا ەل تاۋەلسىزدىگىنىڭ 20 جىلدىعىنا ارنالعان «تاۋەلسىزدىكتىڭ اق تاڭى» اتتى شارا ءوتتى. شارا بارىسىندا مەكتەپ تۇلەكتەرىمەن كەزدەسۋ ءوتىپ,  وعان 105 جىلدىق تاريحى ءبىلىم وشاعىنىڭ بۇرىنعى شاكىرتتەرى دە قاتىستى. ولار «مەنىڭ وتانىم – تاۋەلسىز قازاقستان» دەگەن تاقىرىپپەن ۇيىم­داستىرىلعان كورمەدەن وقۋشىلاردىڭ قولىنان شىققان تۋىندىلاردى تاماشالاۋعا مۇمكىندىك الدى.  ال بەلگىلى اقىن بالعىنبەك يماشەۆ پەن مەكتەپ وقۋشىسى سىرىم اۋەزحانوۆتىڭ, سونداي-اق مەكتەپ تۇلەگى, جاس اقىن مەيىرجان الىبەكوۆ پەن مەكتەپ مۇعالىمى گاۋحار ءومىروۆانىڭ ايتىسى دا اسەرلى شىعىپ, ولار قوناقتار مەن قاتىسۋشىلاردىڭ ىستىق ىقىلاسىنا بولەندى. شارانىڭ سوڭىندا «تاۋەلسىزدىكتىڭ اق تاڭى» اتتى كونتسەرتتىك باعدارلاما كورەرمەن نازارىنا ۇسىنىلدى. باعدارلاما اياسىندا مەكتەپ وقۋشىلارىنىڭ ورىنداۋىندا «باق دالام», «تۋعان جەر», «اتامەكەن», «باتىرلار جىرى», «گۇلجازيرا قازاقستان», «اسسالاۋماعالەيكۋم» اندەرى شىرقالىپ, «ەركە سىلقىم» كۇيى ورىندالدى. جاستاردىڭ ورىنداۋىنداعى «وتتى» جانە «قاراجورعا» بيلەرى دە كورەرمەننىڭ كوڭىلىنەن شىقتى. «ەگەمەن-اقپارات».