پارلامەنت سەناتىنىڭ توراعاسى قاسىم-جومارت توقاەۆ جۇمىس ساپارىمەن اتىراۋ وبلىسىنا كەلدى. ءوڭىر اكتيۆىمەن جانە جۇرتشىلىعىمەن كەزدەسۋ بارىسىندا ق.توقاەۆ قازاقستاننىڭ حالىقارالىق قاۋىپسىزدىكتى نىعايتۋ, الەمنىڭ بارلىق مەملەكەتتەرىمەن دوستىق قارىم-قاتىناستى ساقتاۋ باعىتىن دايەكتى جۇزەگە اسىرىپ كەلە جاتقانىن اتاپ ءوتتى.
سەنات توراعاسى ەلباسىنىڭ باسشىلىعىمەن ەلىمىز ەكونوميكادا جانە قوعامدىق-ساياسي سالادا اۋقىمدى رەفورمالاردى تابىستى جۇرگىزىپ وتىرعانىن ايتتى.
- الەمدە ءبىزدى بەيبىتشىلىك سۇيگىش ۇلت, ۇلتتىق قۇندىلىقتاردى وركەندەتۋمەن جانە ۇلتتىق رۋحتى نىعايتۋمەن اينالىساتىن ءبىرتۇتاس حالىق رەتىندە بىلەدى, -دەدى قاسىم-جومارت توقاەۆ.
سەنات سپيكەرى اتىراۋ وبلىسىن ۇلتتىق ەكونوميكانىڭ كوشباسىلارىنىڭ ءبىرى دەپ اتادى. ءوڭىر جالپى, سونىڭ ىشىندە جان باسىنا شاققانداعى وڭىرلىك ءونىم, ونەركاسىپتىك ءوندىرىس, شەتەلدىك ينۆەستيتسيالاردى تارتۋ سياقتى كورسەتكىشتەر بويىنشا جەتەكشى ورىن الادى. باستى وڭىرلەردىڭ ءبىرى بولىپ تابىلاتىن وبلىس رەسپۋبليكالىق بيۋدجەتكە قوماقتى ۇلەس قوسادى.
ق.توقاەۆ تەحنولوگيالار, يننوۆاتسيالار, تسيفرلاندىرۋ سالالارىنداعى تۇبەگەيلى وزگەرىستەرگە بايلانىستى ۇلتتىق ەكونوميكانىڭ الدىندا تۇرعان سىن-تەگەۋرىندەرگە جەتە توقتالدى.
- ءوزىنىڭ جولداۋىندا مەملەكەت باسشىسى ءتورتىنشى ونەركاسىپتىك رەۆوليۋتسيا جاعدايىندا ەلىمىزدىڭ ويداعىداي دامۋىنىڭ جاڭا ۆەكتورىن قالىپتاستىردى. ونى ىسكە اسىرۋعا ءبىز ابدەن ويلانىپ بارۋعا مىندەتتىمىز, بۇل ماسەلە بۇلعاقتاۋدى كوتەرمەيدى, ادەمى سوزدەر مەن تەرميندەر ناقتى ءىستى كولەڭكەسىندە قالدىرماۋى ءتيىس, -دەدى قاسىم-جومارت توقاەۆ.
سويلەۋ بارىسىندا قازاقستان تەحنولوگيالىق جاڭعىرتۋ, يننوۆاتسيالىق يندۋستريالاندىرۋ, ادام كاپيتالىن دامىتۋ, كاسىپكەرلىكتى قولداۋ, اگرارلىق سەكتوردى, كولىك جانە لوگيستيكالىق ينفراقۇرىلىمدى جاڭعىرتۋ سالالارىندا جۇزەگە اسىرۋى ءتيىس مىندەتتەر ايتىلدى.
مەملەكەتتىڭ ازاماتتاردىڭ ءال-اۋقاتىن ارتتىرۋعا كۇش سالۋى تۋرالى ايتا كەلە, ق.توقاەۆ ەڭ الدىمەن جاستار مەن جاس وتباسىن قولداۋعا باعدارلانعان پرەزيدەنتتىك الەۋمەتتىك باستامالاردى ىسكە اسىرۋدىڭ ماڭىزدىلىعىنا توقتالدى.
قازاقستاننىڭ جاڭارۋىندا جاڭا ۇلتتىق يدەولوگيانى قالىپتاستىراتىن قوعامدىق سانانى جاڭعىرتۋ ەرەكشە ورىن الادى.
سپيكەر تۇبەگەيلى وزگەرىستەردى جۇزەگە اسىرۋدا ءوز حالقىنىڭ تاريحىنا, داستۇرلەرى مەن مادەنيەتىنە قۇرمەتپەن قاراۋعا تاربيەلەنگەن, سونىمەن بىرگە پروگرەسس پەن يننوۆاتسيالارعا دايىن قازاق جاستارىنىڭ جاڭا بۋىنى شەشۋشى ءرول اتقارۋى تيىستىگىن اتاپ كورسەتتى.
سەنات توراعاسى كەزدەسۋگە قاتىسۋشىلاردى پارلامەنتتىڭ مەملەكەت باسشىسى قويعان مىندەتتەردى ىسكە اسىرۋعا باعىتتالعان زاڭنامالىق قىزمەتى تۋرالى حاباردار ەتتى.
- ءبىز, دەپۋتاتتار, ءوز تاراپىمىزدان وڭىرلەردى ءتيىمدى دامىتۋعا باعىتتالعان باستامالاردى قولداۋعا جانە جەرگىلىكتى مەملەكەتتىك باسقارۋ مەن ءوزىن-ءوزى باسقارۋدى زاڭنامالىق قامتاماسىز ەتۋگە دايىنبىز, - دەپ اتاپ كورسەتتى ءوز ءسوزىنىڭ قورىتىندىسىندا ق.توقاەۆ.
ءوز كەزەگىندە اتىراۋ وبلىسىنىڭ اكىمى نۇرلان نوعاەۆ مەملەكەت باسشىسىنىڭ باستامالارىن اتىراۋ وبلىسى تۇرعىندارىنىڭ كەڭىنەن قولداعانىن ايتىپ ءوتتى. العا قويعان مىندەتتەردى ورىنداۋ ءۇشىن جەرگىلىكتى بيلىك بار كۇشىن سالادى.
- بۇل ءۇشىن بارلىق جاعداي – قارجىلىق, ادامي كاپيتال, ءوڭىر ازاماتتارىنىڭ ءومىرىن جاقسارتۋعا ۇمتىلىسى بار. ءبىز مەملەكەت باسشىسى قويعان مىندەتتەردى شەشۋگە مۇمكىندىك بەرەتىن زاڭنامالىق باستامالارعا ريزامىز. اتىراۋ وبلىسى مۇناي ءوندىرۋشى ءوڭىر بولىپ سانالادى, الايدا سوڭعى جىلدارى ەكونوميكانىڭ باسقا دا سالالارىن دامىتۋ بويىنشا بەلسەندى جۇمىستار جۇرگىزىلۋدە. اگروونەركاسىپتىك كەشەندى قولداۋ جونىندەگى مەملەكەتتىك باعدارلامالار ءوڭىردى جەرگىلىكتى وندىرۋشىلەردىڭ تاۋارلارىمەن قامتاماسىز ەتۋگە جاعداي تۋعىزدى. جاڭا جۇمىس ورىندارىن قۇرۋعا جانە حالىقتى سەرۆيستىك قىزمەتتەرمەن قامتاماسىز ەتۋگە مۇمكىندىك بەرەتىن شاعىن جانە ورتا بيزنەس دامۋدا, - دەدى ءوز سوزىندە نۇرلان نوعاەۆ.
كەزدەسۋدىڭ اياعىندا پارلامەنت سەناتىنىڭ توراعاسى قاسىم-جومارت توقاەۆ بەلسەندى ازاماتتىق ۇستانىمى جانە ءماسليحاتتاردىڭ جۇمىسىنا قوسقان ۇلەسى ءۇشىن اتىراۋ وبلىسىنىڭ بىرقاتار دەپۋتاتتارىن قۇرمەت گراموتالارىمەن ماراپاتتادى.
اكتيۆ اياقتالعاننان كەيىن سەنات توراعاسى ءوڭىردىڭ بىرقاتار وندىرىستىك جانە اۋىل شارۋاشىلىعى كاسىپورىندارىن ارالادى.