نيدەرلاندى كورولدىگىنىڭ ەلىمىزدەگى توتەنشە جانە وكىلەتتى ەلشىسى ديرك يان كوپ وبلىسقا ساپار بارىسىندا وبلىس اكىمى بولات باقاۋوۆپەن كەزدەستى.
ۋنيۆەرسيتەت ءباسپاسوز قىزمەتىنىڭ حابارىنشا, سونىمەن بىرگە, ديرك يان كوپ س. تورايعىروۆ اتىنداعى مەملەكەتتىك ۋنيۆەرسيتەت ستۋدەنتتەرىنە نيدەرلاندى ەكونوميكاسى جونىنەن ءدارىس وقىدى. ستۋدەنتتەر, وقىتۋشىلار تسيفرلاندىرۋ, اۋىل شارۋاشىلىعى , ەكولوگيا, جىلىجايلار ءوسىرۋ سالالارىنا قاتىستى قىزىقتىرعان سۇراقتارىن قويدى. مىسالى, وبلىس ورتالىعىندا گوللانديالىق كومپانيا جىلىجاي كومبيناتىن, تاعى ءبىر كومپانيا اقسۋ قالاسىندا, ەكىباستۇزدا جىلىجايلار جۇمىس باستادى. جىلىجايلار جۇمىسى كومپيۋتەرلەرمەن باسقارىلادى. بارلىق قوندىرعى, قۇرىلعىلار گوللانديادان اكەلىنەدى.
– جىلىجايدا جۇمىس ىستەۋ ءۇشىن ۋنيۆەرسيتەت ديپلومى قاجەت ەمەس, تەحنيكالىق بىلىكتى مامان قاجەت, - دەدى ەلشى.
بىراق, ونداي ماماندار ءبىزدىڭ ەلىمىزدە از. مىسالى, كاسپي تەڭىزىندەگى كەمەلەر قىزمەتىندە كوپتەگەن ۋكرايندىقتار جۇمىس جاسايدى ەكەن. بۇل جەردە قازاقستاندىق جاستاردىڭ دا ەڭبەك ەتۋ مۇمكىندىگى ەلىمىز ءۇشىن قاجەت.
ءدارىس بارىسىندا بەس ءتىل بىلەتىن ەلشى ديرك يان كوپ قازىرگى قولدانبالى ماماندىقتار قاتارىنداعى كادرلاردىڭ قاجەتتىلىگىنە دە نازار اۋداردى. مىسالى, ەكىباستۇزداعى سياقتى گوللاندىق جىلىجاي كەشەندەرىنە مامان, بىلىكتى اگرونومدارعا سۇرانىس كوبەيۋدە.سونىمەن قاتار, كاسپي تەڭىزىندەگى كەمەلەرگە قىزمەت كورسەتۋ نارىعىندا دا كاسىبي ماماندارعا دا سۇرانىس بار. ويتكەنى, كەمەلەر, جۇزەتىن قوناقۇيلەر مەن وزگە ينفراقۇرىلىمدار نيدەرلاندىدا جاسالدى.
ال, كەمە قاتىناسى سالاسىنداعى قىزمەتتى كەلىسىمشارتقا وتىرعان ۋكراينالىق ماماندار جۇزەگە اسىرادى ەكەن. وسى ەكى مىسال ارقىلى ەلشى قولدانبالى ماماندىقتاردىڭ ءبىزدىڭ ەلىمىزدىڭ ەكونوميكاسى ءۇشىن اسا ماڭىزدى ەكەنىن جەتكىزدى. بۇدان باسقا, ۇستا بولسىن, مونتاجشى, گيدروتەحنيكتەر گوللانديادا ۇلكەن قۇرمەتكە يە, ەڭبەكتەرى جوعارى باعالانادى. ءبىزدىڭ ەلىمىزبەن نيدەرلاندى اراسىنداعى 25 جىلدىق ىنتىماقتاستىق تۋرالى, نيدەرلاندىنىڭ اۋماعى ءبىزدىڭ جەرىمىزدەن 65 ەسە كىشى ەكەنىن دە ايتىپ ءوتتى. حالىق سانى جاعىنان ۇقساس. بىراق, اۋماعى شاعىن بولسا دا, ازىق-ت ۇلىك ەكسپورتى بويىنشا نيدەرلاندى اقش –تان كەيىن ەكىنشى ورىندا.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: رۋفينا تورپيششەۆا