جەكسەنبى كۇنى يراندا جولاۋشىلار ۇشاعى اپاتقا ۇشىرادى.
اۋە اپاتى يسفاحان پروۆينتسياسىندا بولدى. لاينەر تەگەراننان ياسۋدجگە بەت الىپ كەلە جاتقان. حابارلانعانداي, Aseman Airlines كومپانياسىنا تيەسىلى اۋە كەمەسى سەمير ەلدى مەكەنىنە جاقىن جەردە قۇلاعان. ۇشاق بورتىندا 60 جولاۋشى مەن 6 ەكيپاج مۇشەسى بولدى. ولاردىڭ بارلىعى اجال قۇشتى.
ۇشاق قۇلاعان جەرگە جىبەرىلگەن تىكۇشاق اۋا رايىنىڭ قولايسىزدىعىنان قونا الماۋدا, جەدەل جاردەم قىزمەتى اپات ورنىنا جەتتى. الدىن الا مالىمەتتەرگە سۇيەنسەك, اۋە كەمەسىنىڭ ەكيپاجى ۇشاقتى اپاتتى جاعدايدا يسفاحان پروۆينتسياسىنداعى فەرمالاردىڭ ماڭىنا قوندىرماق بولعان.
يراندا اپاتقا ۇشىراعان جولاۋشىلار ۇشاعىندا قازاقستان ازاماتتارى بولعان جوق. بۇل تۋرالى قر سىرتقى ىستەر مينيسترلىگىنىڭ ءباسپاسوز قىزمەتىنىڭ باسشىسى ءانۋار جايناقوۆ ءمالىم ەتتى. «الدىن الا مالىمەت بويىنشا, يراندا اپاتقا ۇشىراعان ۇشاق بورتىندا قازاقستان ازاماتتارى بولعان جوق», - دەدى ءا.جايناقوۆ.