وبلىس ورتالىعىنداعى قازاقستان حالقى اسسامبلەياسى جەرگىلىكتى بولىمشەسىندە 24 ەتنو-مادەني بىرلەستىك بار. بىرلەستىكتەردىڭ دوستىق ۇيىندە قىزمەت جاسايدى, ارنايى كابينەتتەر بولىنگەن. كونتسەرتتىك زالدارى بار. بىرلەستىكتەردىڭ بيىلعى قالالىق فەستيۆالى استانانىڭ 20 جىلدىعىنا ارنالدى.
ۇيىمداستىرۋشىلاردىڭ ايتۋىنشا فەستيۆالدىڭ ماقساتى-وزگە ۇلت وكىلدەرى اراسىنان ءانشى, بيشىلەردى تاڭداپ الۋ, استاناعا ارنالعان ولەڭدەر ورىنداۋ,قازاق تىلىندە ونەر كورسەتۋ, شىعارماشىلىق ۇجىمداردىڭ كاسىبي-مادەني دەڭگەيىن باعالاۋ جانە بىرلەستىكتەردىڭ ءوزارا ءبىر-بىرىمەن رۋحاني-دوستىق بايلانىستارىن جالعاستىرۋ.
فەستيۆال وتكەن قالالىق مادەنيەت سارايىندا ەتنو-مادەني بىرلەستىكتەردىڭ كۇندەلىكتى اتقاراتىن جۇمىستارىنا ارنالعان كورمە ۇيىمداستىرىلدى. كورمەدە ەتنوس وكىلدەرى وزدەرىنىڭ ۇلتتىق تاعامدارىن, قولونەر بۇيىمدارىن كەلۋىشلەردىڭ نازارىنا ۇسىندى. بۇل كۇنى وبلىس ورتالىعىنىڭ باسقا دا شىعارماشىلىق ونەر ۇجىمدارى ءوز اندەرىن, بيلەرى مەن اسپاپتىق ورىنداۋلارىن كورسەتتى. ەندى تاڭداۋلى ونەر ۇجىمدارى, جەكە ورىنداۋشىلار 1 ناۋرىز «قازاق حالقىنا راحمەت ايتۋ كۇنىنە» ارنالعان گالا-كونتسەرتكە قاتىسادى.
- بۇل فەستيۆالدا ءان ايتىپ, بي بيلەيدى, ءاربىر ۇلتتىڭ سالت-داستۇرلەرى كورسەتىلدى. ءبىز اندەرىمىزدى سۇيىكتى استاناعا ارنادىق. بارلىق ەتنو-مادەني بىرلەستىكتەر ۇجىمدارى بۇگىن جاڭا كيىمدە جارقىراپ شىقتى. بىزگە قولداۋ كورسەتكەن وبلىستىق اكىمدىككە راحمەت. ەكىنشىدەن, ەتنو-مادەني بىرلەستىكتەردىڭ قولدانبالى ونەرى, قولونەرلەرى جانە ۇلتتىق تاعام تۇرلەرى كەلۋىشلەردى تاڭقالدىردى. ەڭ باستىسى-بۇل كوپ ۇلتتى ەلىمىزدەگى تۇراقتى تىنىشتىق ءومىردى ساقتاپ, ورتاق ۇيلەسىم جاساۋىندا, - دەيدى بەلورۋس ەتنو-مادەني بىرلەستىگىنىڭ ءتورايىمى ليۋبوۆ بوگنات.
فاريدا بىقاي,
«ەگەمەن قازاقستان»
پاۆلودار