تىرلىگى تياناقتى تۇپقاراعان

-2017 جىلى ونەركاسىپ ءوندىرىسىنىڭ كولەمى 521,4 ملرد. تەڭگەنى قۇرادى.اۋىل شارۋاشىلىعى ونىمدەرىنىڭ جالپى كولەمى 1759,8 ملن. تەڭگە سوماسىندا ءوندىرىلدى.«بيزنەستىڭ جول كارتاسى-2020» باعدارلاماسى اياسىندا جالپى سوماسى 123,2 ملن. تەڭگە 4 جوباعا مەملەكەتتىك قولداۋ كورسەتىلدى.2017 جىلى 4245 جاڭا جۇمىس ورنى قۇرىلدى.اۋداندا 7 مەملەكەتتىك مەديتسينالىق مەكەمە, 11 بالاباقشا, 6 جەكەمەنشىك مەكتەپكە دەيىنگى مەكەمە, 9 جالپى ءبىلىم بەرەتىن مەكتەپ بار.ءۇش اۋىسىمدىق وقىتۋدى جويۋ ءۇشىن 2018 جىلدىڭ قىركۇيەك ايىندا  سايىن شاپاعاتوۆ اۋىلىندا 600 ورىندىق ورتا مەكتەپ پايدالانۋعا بەرىلەدى. سونداي-اق, اقشۇقىر اۋىلىندا 600 ورىندىق ورتا مەكتەپتىڭ قۇرىلىسى ءۇشىن جوبالىق-سمەتالىق قۇجاتتاما دايىندالدى, دەدى تۇپقاراعان اۋدانىنىڭ اكىمى تەمىربەك اساۋوۆ.

ايماق باسشىسىنىڭ قىزىلوزەن اۋىلىنىڭ تۇرعىندارىمەن كەزدەسۋى بارىسىندا ىشكى جولداردى جوندەۋ ماسەلەسى كوتەرىلدى. قازىرگى ۋاقىتتا جوبالىق-سمەتالىق قۇجاتتاما ازىرلەنۋدە. اۋىلعا سۋ تاسيتىن كولىكتەر ارقىلى سۋ جەتكىزىلەدى. اۋىز سۋمەن قامتاماسىز ەتۋ ءۇشىن 7592,8 مىڭ تەڭگەگە جوبالىق-سمەتالىق قۇجاتتاما ازىرلەۋ كەرەك.  ەرالى توعجانوۆ قارجىنى ناقتىلاپجسق-عا ءبولۋ تۋرالى نۇسقاۋ بەرۋدى تاپسىردى.سونداي-اق, اۋىل تۇرعىندارى جەرگىلىكتى مەكتەپتەردەگى مۇعالىمدەردىڭ جەتىسپەۋشىلىگى, ينتەرنەت جەلىسىمەن قامتۋ جانە اۋىل جاستارىن جۇمىسقا ورنالاستىرۋ ماسەلەلەرىنە قاتىستى سۇراقتار قويدى.

-ءبىز جاستارعا ءوز بيزنەسىن قالاي باستاۋ كەرەكتىگىن ۇيرەتۋىمىز قاجەت. ەگەر دۇرىس باعىت كورسەتىلسە, جاستارىمىز تابىسقا جەتەدى. سوندىقتان وقۋعا دايىن جانە ۇيرەنۋگە نيەتتى جاستاردى جيناپ, بيزنەس جۇرگىزۋ بويىنشا اقتاۋدا كۋرستار نەمەسە ترەنينگتەر ۇيىمداستىرۋ كەرەك», - دەدى وبلىس اكىمى ەرالى توعجانوۆ.

باۋتين اۋىلىنىڭ تۇرعىندار سانى - 4,554 ادام. «نۇرلىجول» باعدارلاماسى اياسىندا رەسپۋبليكالىق بيۋدجەت قاراجاتى ەسەبىنەن «فورت-شەۆچەنكو قالاسى مەن باۋتين اۋىلىنسۋمەن جابدىقتاۋ جانە كارىزدىك جۇيەلەردى ەنگىزۋ» جوباسى ىسكە اسىرىلۋدا. وسى ماقساتتا 1450,4 ملن. تەڭگە ءبولىنىپ, يگەرىلدى.اۋىلدا 52 شارۋاشىلىق وبەكتىسى,  8,5 مىڭ مال باسى بار. باۋتين اۋىلىندا 50 كاسىپكەر بالىق اۋلاۋمەن اينالىسادى.اۋىل تۇرعىندارى بالىق اۋلاۋعا سۋبسيديا قاراستىرۋدى سۇرادى.ولاردىڭ ايتۋىنشا, بۇل بالىق شارۋاشىلىعىنداعى وزەكتى ماسەلەلەردى شەشۋگە كومەكتەسەدى.باۋتين اۋىلىنىڭ اكىمى داۋلەتكەرەي مەڭدىحانوۆ قازىر اۋىلدا بالىق قابىلداۋ پۋنكتى, كونسەرۆىلەۋ تسەحتەرى ءۇشىن دايىندىق جۇمىستارى جۇرگىزىلىپ جاتقاندىعىن مالىمدەدى. تەحنيكالىق-ەكونوميكالىق نەگىزدەمە دايىن بولعاننان كەيىن, بارلىق جوبالار ينۆەستورلارعا ۇسىنىلادى.سونداي-اق, اگرو-كرەديتتىك كورپوراتسياسىمەن ىنتىماقتاستىق نەگىزدە جۇمىس ىستەۋ قاراستىرىلۋدا.

تۇپقاراعانداعى ىرگەلى شارۋاشىلىقتىڭ ءبىرى - بەگەش جەرىندەگى مال وسىرۋمەن اينالىساتىن شارۋاشىلىق. ساندىبەك قوسۋاقوۆتىڭ فەرماسىندا 3,5 مىڭ قوي, 300 سيىر, 300 جىلقى بار. وتكەن جىلى جەكە كاسىپكەرگە 15 ميلليوننان استام تەڭگە سۋبسيديا بەرىلدى.

-شارۋاشىلىقتى دامىتۋ ءۇشىن 500 ملن. تەڭگەدەن استام جەكە ينۆەستيتسيا جۇمسالدى. سونداي-اق ءبىز 17 كم ەلەكتر ەنەرگياسىن تارتتىق, ەڭ باستىسى – مال ساتىپ الدىق. ءبىزدىڭ شارۋاشىلىقتا 43 ادام جۇمىس ىستەيدى. بيىلعى جوسپارىمىز – مال سانىن 10 مىڭعا دەيىن ارتتىرۋ, دەدى ساندىبەك قوسۋاقوۆ.

گۇلايىم شىنتەمىرقىزى,

«ەگەمەن قازاقستان»

 ماڭعىستاۋ وبلىسى