ەلباسىنىڭ بيىلعى ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋى قازاقستان حالقىنا ايقىن ماقساتتار مەن ناقتى تاپسىرمالار جۇكتەيدى. مۇنداي ماقسات-مىندەتتىڭ استارىندا الەمدەگى دامىعان وتىز ەلدىڭ قاتارىنا قوسىلۋ كوزدەلەتىندىگى امبەگە ايان.
ال ەندى ەلباسىنىڭ سوڭعى جولداۋى قازاقستان حالقىن جاڭا زامانعا جەدەل بەيىمدەلە وتىرىپ, الەمدەگى ءتورتىنشى وندىرىستىك رەۆوليۋتسيا كوشىنەن قالماۋعا ۇندەيدى. بۇل جەردە تاعى ءبىر اتاپ وتپەۋگە بولمايتىن نارسە ن.نازارباەۆ بۇل جولداۋدا جاھاندىق جاڭعىرۋ جولىندا ادام كاپيتالىنا ەرەكشە كوڭىل ءبولدى. ياعني ىزگىلىككە شاقىرىپ, يگىلىككە جارايتىن ءبىلىم بەرۋ ارقىلى ادام الەۋەتىن پايدالانۋدى باسىمدىققا الۋ قاجەتتىگىن ايتتى.
ءبىزدىڭ مەملەكەتىمىزدە وسى ماقساتتاعى جۇمىستار الدەقاشان باستالىپ كەتكەنى بەلگىلى. ماسەلەن, مەكتەپكە دەيىنگى ءبىلىم بەرۋ باعدارلاماسى اياسىندا 2019 جىلدىڭ 1 قىركۇيەگىندە بالالاردى الەۋمەتتىك بەيىمدەۋ مەن ءوزىن-ءوزى دامىتۋعا ەرتە دايىنداۋ باعىتىنداعى بىرىڭعاي باعدارلامالىق جۇيە قولدانىسقا ەنگىزىلەدى دەپ جوسپارلانۋدا. ال 2021 جىلعا قاراي ورتا ءبىلىم بەرۋدىڭ جاڭارتىلعان مازمۇندىق جۇيەسىنە كوشىرۋ ءىسى ءوز مارەسىنە جەتەدى.
سونىڭ اياسىندا جوعارى ءبىلىم بەرۋ جۇيەسى مەن ونداعى پەداگوگيكالىق كافەدرا, فاكۋلتەتتەر دە زامان تالابىنا ساي جەتىلدىرىلمەك. وسىنىڭ ءبارىن جۇزەگە اسىرۋ بارىسىندا نەگىزگى باسىمدىق رەتىندە جاراتىلىستانۋ مەن ماتەماتيكا عىلىمى سىندى سالالاردى وقىتۋ مازمۇنىنىڭ ساپاسىن جوعارىلاتۋ كوزدەلگەن. مۇنداي مۇمكىندىكتەر ءبىزدىڭ قوعامنىڭ سوڭعى جىلدارداعى ءتۇرلى سالالاردىڭ تەحنولوگيالىق شاپشاڭ دامۋىنا جەدەل بەيىمدەلۋى ءۇشىن وتە ماڭىزدى بولماق.
سونداي-اق زامانعا ساي جاڭعىرۋعا جەتەلەيتىن بۇل جولداۋدا بۇگىنگى بۇلدىرشىندەرىمىزدى ءۇش تىلدە وقىتۋ جايى دا كەزەكتى رەت مالىمدەلگەن. ونىڭ ۇستىنە ەلباسىمىز كەلەشەكتە ءاربىر وتانداسىمىز قازاق, ورىس, اعىلشىن ءتىلىن ەركىن مەڭگەرۋىنە مەيلىنشە جاعداي جاساۋىمىز قاجەتتىگىن ايرىقشا اتاپ ءوتتى. وعان قوسا مەملەكەتتىك ءتىلدى دامىتۋ ءىسىن قاپەردەن شىعارىپ الماۋ كەرەكتىگىنە دە كوڭىل ءبولدى. بۇل رەتتە سان عاسىرلىق دامۋ تاريحى بار قازاق ءتىلىن زاماناۋي تالاپقا ساي ەتىپ جەتىلدىرىپ, تەرمينولوگيالىق ماڭىزىن حالىقارالىق قارىم-قاتىناس ءتىلى دەڭگەيىنە كوتەرۋىمىز كەرەك ەكەندىگىن ايتتى. ال لاتىن گرافيكاسىنا كوشۋ وسى ماقساتتاعى جۇمىسىمىزدىڭ ءبىرى بولماق.
وسىنداي ماسەلەلەردى ارقاۋ ەتكەن بيىلعى جولداۋدا ايتىلعان ماسەلەلەر رەت-رەتىمەن شەشىمىن تاۋىپ جۇزەگە اسسا, قازاقستان كەلەشەگى كەمەلدەنە تۇسەدى دەپ نىق سەنىممەن ايتا الامىز.
ابۋباكىر ۆوينتسە, قازاقستان دۇنگەندەرى قاۋىمداستىعىنىڭ توراعاسى, قحا مۇشەسى
الماتى