كەشە قر پارلامەنتى ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتا بيۋروسىنىڭ وتىرىسى ءوتتى. وندا الداعى اپتادا ءماجىلىستىڭ جالپى وتىرىسىنا شىعارىلاتىن ماسەلەلەر ساراپقا سالىندى, دەپ حابارلادى پالاتانىڭ ءباسپاسوز قىزمەتى.
ەكونوميكالىق رەفورما جانە وڭىرلىك دامۋ كوميتەتى «يندۋستريالىق-يننوۆاتسيالىق قىزمەتتى مەملەكەتتىك قولداۋ تۋرالى» جانە سوعان سايكەس ىلەسپە زاڭ جوباسىن ءبىرىنشى وقىلىمدا قاراۋدى ۇسىندى. ال حالىقارالىق ىستەر, قورعانىس جانە قاۋىپسىزدىك كوميتەتىنىڭ ۇسىنىسىمەن «ماتەريالدىق ەمەس ءمادەني مۇرانى قورعاۋ تۋرالى كونۆەنتسيانى راتيفيكاتسيالاۋ تۋرالى» زاڭ جوباسى جالپى وتىرىستىڭ كۇن تارتىبىنە ەنگىزىلەتىن بولدى.
پالاتانىڭ زاڭناما جانە سوت-قۇقىقتىق رەفورما كەيبىر زاڭنامالىق اكتىلەرگە زياتكەرلىك مەنشىك ماسەلەلەرى بويىنشا تولىقتىرۋلار ەنگىزۋدى كوزدەيتىن زاڭ جوباسىنىڭ ەكىنشى وقىلىمدا دەپۋتاتتار تالقىسىنا شىعارىلاتىنىن حابارلادى.