مەملەكەت باسشىسى نۇرسۇلتان نازارباەۆ بەلگىلى عالىم, كورنەكتى قوعام قايراتكەرى, حالقىمىزدىڭ ماقتان تۇتار اياۋلى پەرزەنتتەرىنىڭ ءبىرى سالىق زيمانوۆتىڭ ومىردەن وزۋىنا بايلانىستى مارقۇمنىڭ وتباسى مەن تۋعان-تۋىستارىنا كوڭىل ايتىپ, جەدەلحات جولدادى.
«سالىق زيمانوۆ وتاندىق زاڭ عىلىمىنىڭ دامۋىنا, قۇقىقتىق مەملەكەتتىڭ قالىپتاسۋىنا, تاۋەلسىز ەلىمىزدىڭ وركەندەۋىنە ولشەۋسىز ۇلەس قوسقان زيالى تۇلعا ەدى. ول كىسى شىن مانىندە كىسىلىك پەن دانالىقتىڭ ۇلگىسىندەي, ادىلدىكتىڭ تارازىسىنداي ابىز اقساقالىمىز بولاتىن. ادامگەرشىلىك قاسيەتتەرى مول, جانى جايساڭ, جۇرەگى كىرشىكسىز, ابزال ازاماتتىڭ ەلگە سىڭىرگەن ەڭبەگى مەن جارقىن ديدارىن حالقىمىز ءاردايىم جۇرەگىندە ساقتايدى دەپ سەنەمىن. ونىڭ عىلىمداعى مول مۇراسى مەن عيبراتتى عۇمىرى كەيىنگى ۇرپاققا ۇلگى بولۋى ءتيىس. مارقۇمنىڭ توپىراعى تورقا, جانى جانناتتا بولسىن», – دەلىنگەن جەدەلحاتتا.