قازىبەك بيگە ەسكەرتكىش ورناتىلدى. سوڭعى جىلدارى قاراعاندىدا حالقىمىزدىڭ كورنەكتى تۇلعالارىنا ارنالىپ قويىلعان ەسكەرتكىشتەر سانى ارتىپ كەلەدى.
بۇقار جىراۋ, اباي, ساكەن سەيفۋللين, عابيدەن مۇستافين, قاسىم امانجولوۆتىڭ ءمارمار تاس تۇعىرداعى مۇسىندەرى قاتارىنا قاز داۋىستى قازىبەك بي قوسىلدى. بەلگىلى قايراتكەر, ايگىلى شەشەننىڭ بيىكتىگى 8 مەتر ەسكەرتكىشى وبلىستىق اكىمدىك پەن قاراعاندى مەملەكەتتىك تەحنيكالىق ۋنيۆەرسيتەتى الدىنداعى كوشە قيىلىسىنداعى الاڭدا بوي كوتەردى. تاياۋ ارادا اكادەميكتەر قانىش ساتباەۆ پەن ابىلقاس ساعىنوۆ بەينەلەرى دە اسقاق كورىنگەلى تۇر.
ايقىن نەسىپباي, قاراعاندى.
ونەر ساپارى تاۋەلسىزدىككە ارنالدى
وتكەن اپتادا وبلىس ورتالىعىندا بيكەن ريموۆا اتىنداعى الماتى وبلىستىق قازاق دراما تەاترىنىڭ گاسترولدىك ساپارى اياقتالدى.وڭتۇستىك وڭىردەن سولتۇستىككە قاراي جول تارتقان ارتىستەر بۇل ساپارلارىن ەل تاۋەلسىزدىگىنىڭ 20 جىلدىعىنا ورايلاستىردى. تەاتردىڭ كوركەمدىك جەتەكشىسى سەرىك نۇرحالىقتىڭ ايتۋىنشا, رەپەرتۋارلارىندا 30-دان اسا قويىلىمدار بار. كورەرمەندەر ب.ريموۆانىڭ «قوس مۇڭلىق», س.بالعاباەۆتىڭ «عاشىقسىز عاسىر», ت.ءالىپبايدىڭ «توميريس» درامالارى مەن گوگولدىڭ «ۇيلەنۋ» كومەدياسىن, بالالارعا ارنالعان «تاپقىر قوجاناسىر» قويىلىمىن كوردى. بيكەن اپانىڭ جولىن قۋعان ارتىستەر كەرەكۋلىك كورەرمەندەرگە ساحنادا مازمۇندى, ءماندى شىعارمالار كورسەتىپ جاقسى اسەر قالدىردى. ونەر ۇجىمى تالدىقورعاندا 11 قاراشادا تەاتردىڭ كەزەكتى ماۋسىم شىمىلدىعىن اشپاقشى.
فاريدا بىقاي, پاۆلودار.
بۇگىنگى كۇن تاقىرىبىن قوزعادى
ەگەمەن ەل اتانىپ, بۇرىنعى پارتيالىق بۇعاۋدان باسىمىز ازات بولعانمەن, قانداس قالامگەرلەرىمىزدىڭ كوبى بۇگىنگى كۇن تاقىرىبىنا بويلاپ بارا الماي جۇرگەنى وتىرىك ەمەس. سول ولقىلىقتىڭ ورنىن تولتىرۋ ماقساتىمەن سەمەيلىك قالامگەر مەدەۋ سارسەكە «تەندەرگە تۇسكەن ايەل» دەگەن اتپەن درامالىق شىعارما جازعان ەكەن. ءبىر وتباسىنىڭ قيلى تاعدىرى ارقىلى قوعامدا ورنىعا باستاعان كەساپات قىلىقتاردى نانىمدى سۋرەتتەگەن سول تۋىندى جۋىردا وسىنداعى اباي اتىنداعى سازدى-دراما تەاترىندا قويىلدى. ق.راحمەتوۆ ساحنالاعان جاڭا سپەكتاكلدى جۇرتشىلىق جىلى قابىلدادى. بۇعان دەيىن الماتىداعى م.اۋەزوۆ اتىنداعى اكادەميالىق تەاتردا قويىلعان درامانى ەندى ەلىمىزدىڭ ءتورت-بەس تەاترى دايىنداپ جاتقان كورىنەدى. وسىنىڭ ءوزى كورەرمەندەر زامان تىنىسىن اشىپ كورسەتەتىن شىعارمالارعا سۋساپ وتىرعانىن كورسەتە مە دەيمىز.
داۋلەت سەيسەن ۇلى, سەمەي.
“بالا بي” بالاباقشاسى – بالالارعا
تولە بي اۋدانىنداعى 8 ناۋرىز اۋىلىندا بالاباقشا اشىلدى. بۇل اۋىل بالاباقشاسىز ەمەس ەدى. بىراق, ەسكى بالالار مەكەمەسى قۇلاۋعا شاق تۇرعاننان كەيىن ىشىندەگى مۇلكى ۇستاعاننىڭ قولىندا, تىستەگەننىڭ اۋزىندا كەتكەن. اۋدان اكىمى اۋەلحان تۇرعىمبەكوۆ ەسكى بالاباقشانى زامان تالابىنا ساي قايتا جاراقتاۋ, كۇردەلى جوندەۋ ءۇشىن اۋداندىق بيۋدجەتتەن 39 ملن. تەڭگە بولگىزگەن. “بالا بي” دەپ اتالاتىن بالاباقشانىڭ اشىلۋ سالتاناتىندا اۋىل اقساقالدارى باتا بەردى.
باقتيار تايجان, وڭتۇستىك قازاقستان وبلىسى.
كورمەدەگى كونە جادىگەرلەر
وبلىستىق تاريحي-ولكەتانۋ مۇراجايىندا «ازىرەت سۇلتان» مەملەكەتتىك تاريحي-مادەني قورىق-مۇراجايىنىڭ ۇيىمداستىرۋىمەن «تاۋەلسىزدىك جانە تۇركىستان تاعىلىمى» اتتى كورمە اشىلىپ, جۇمىس ىستەۋدە. كورمەگە ءامىر تەمىر زامانىنان ساقتالعان تاريحي جادىگەرلەر — لاۋحا, تايقازان كوشىرمەلەرى; تۇركىستان قالاسىنىڭ وتكەن عاسىرلارداعى كورىنىستەرى — ا. كۋننىڭ البومىنان الىنعان «بيلەر سوتى» (1872-1876 جىلدار شاماسى), ت.ب. فوتوسۋرەتتەر, بۇگىنگى كۇنى تەك ورنى عانا ساقتالعان ەسىم حان كەسەنەسىنىڭ ءحVىى عاسىرداعى كورىنىسى; ارحەولوگيالىق قازبالار كەزىندە تابىلعان جادىگەرلەر — 1987 جىلى كۇلتوبەدەن تابىلعان قۇمىرا ء(حىV-حV عاسىرلار), 2000 جىلى ەسكى تۇركىستاننان قازىپ الىنعان توستاعان ء(حVى-ءحVىى عاسىرلار) سىندى كونە دۇنيەلەر, ءحVىىى-ءحىح عاسىرلاردان قالعان اشەكەي بۇيىمدار, قارۋ-جاراقتار, نۋميزماتيكالىق ماتەريالدار, قازاندا, ىستامبۇلدا باسىلىپ شىققان اراب, تۇركى تىلدەرىندەگى كونە كىتاپتار, ت.ب. جادىگەرلەر قويىلعان.
ساتىبالدى ءساۋىرباي, اقتوبە.
اكادەميادا «اققۋ» كۇيى وينايدى
اتىراۋدا نۇرعيسا تىلەنديەۆ اتىنداعى كىشى ونەر اكادەمياسى بار. وقۋشىلارعا ورتا بىلىممەن قاتار, ونەردىڭ ءار تۇرىنەن ءدارىس بەرەدى. اكادەميادا ەندى قوڭىراۋدىڭ ورنىنا قازاقتىڭ ءدۇلدۇل كومپوزيتورى نۇرعيسانىڭ «اققۋ» كۇيى وينايتىن بولدى. بۇل ءۇشىن ارنايى كومپيۋتەرلىك باعدارلاما جاساقتالعان. «اققۋ» كۇيىن قوڭىراۋدىڭ ورنىنا پايدالانۋ ماقساتىندا ليتسەنزيا دا الىنعان. مۇنى اكادەمياعا كاسىپكەر ەرجان سەرىكباەۆ ۇسىنعان ەكەن. وسى كاسىپكەر كۇيدى كومپيۋتەرلىك باعدارلامانى ەنگىزۋگە دەمەۋشىلىك تە تانىتىپتى. ايتقانداي, قىسقى ۋاقىتقا كوشۋگە بايلانىستى اكادەمياداعى ءار ساباق 35 مينوتتەن وتەتىن بولدى.
جولداسبەك شوپەعۇل, اتىراۋ.
قۇرىلىسشىلار فورۋمى بولىپ ءوتتى
قىزىلوردا قالاسىنداعى ءا.تاجىباەۆ كىتاپحاناسىندا رەسپۋبليكالىق «قالا قۇرىلىسى فورۋمى – 2011» جيىنى ءوتتى. فورۋم جۇمىسىنا قۇرىلىس جانە تۇرعىن ءۇي-كوممۋنالدىق شارۋاشىلىعى ىستەرى اگەنتتىگىنىڭ وكىلدەرى, وبلىستاردىڭ ساۋلەت جانە قالا قۇرىلىسى باسقارمالارىنىڭ باسشىلارى, قالالاردىڭ باس ساۋلەتشىلەرى, جوبالاۋشى كاسىپورىندار مەن شەتەلدىك قوناقتار قاتىستى. فورۋمعا قاتىسۋشىلار وبلىستاردى دامىتۋدىڭ تۇجىرىمداماسىن تالقىلادى. وسى ورايدا فورۋمعا قاتىسۋشىلار باس جوسپارلاردى ازىرلەۋ مەن ونى جۇزەگە اسىرۋ, الەۋمەتتىك-ەكونوميكالىق ماسەلەلەردى شەشۋ, قورشاعان ورتانى قورعاۋ, ينفراقۇرىلىمدى دامىتۋ, تاعى دا باسقا ماسەلەلەر توڭىرەگىندەگى ويلارىمەن ءبولىستى. اسىرەسە, قالالاردى جوسپارلاۋدا باس ساۋلەتشى مەن جەر ينسپەكتسياسىنىڭ اراسىنداعى كوپتەگەن ءتۇيىندى ماسەلەلەر بار ەكەنى ايتىلدى. تۇرعىندارعا جەر ۋچاسكەسىن بەرۋدەگى كەلەڭسىزدىكتەر جايى دا ءسوز بولدى.
ەرجان بايتىلەس, قىزىلوردا.