قازاقستان رەسپۋبليكاسى پارلامەنتى ءماجىلىسىنىڭ توراعاسى ورال مۇحامەدجانوۆ باستاعان پارلامەنتتىك دەلەگاتسيا پارلامەنتارالىق وداق اسسامبلەياسىنىڭ 125-ءشى وتىرىسىنا قاتىسادى. بۇل پارلامەنتتىك فورۋم بەرن قالاسىندا (شۆەيتساريا) قازاننىڭ 16-سى مەن 19-ى ارالىعىندا وتەدى.
باسقوسۋدىڭ باعدارلاماسىندا باسقا دا پارلامەنتتىك شارالارمەن قاتار, اسسامبلەيا شەڭبەرىندە «يادرولىق قارۋ – اپاتقا اكەلەتىن جول» تاقىرىبىندا پىكىرتالاس وتەتىنى كوزدەلۋدە. پىكىرتالاستار كەزىندە ورال مۇحامەدجانوۆ ءسوز سويلەيدى دەپ كۇتىلۋدە.
سونداي-اق باعدارلامادا قازاقستان رەسپۋبليكاسى پارلامەنتى ءماجىلىسى توراعاسىنىڭ پارلامەنتارالىق وداق اسسامبلەياسىنىڭ فورۋمىنا كەلگەن شەتەلدىك دەلەگاتسيا باسشىلارىمەن, ونىڭ ىشىندە گەرمانيا بۋندەستاگىنىڭ توراعاسى نوربەرت لاممەرت, جاپونيا پارلامەنتى وكىلدەر پالاتاسىنىڭ سپيكەرى تاكاحيرو يوكوميچي جانە شۆەيتساريا كونفەدەراتسياسى پارلامەنتى ۇلتتىق كەڭەسىنىڭ پرەزيدەنتى جان-رەنە جەرمانەمەن ەكىجاقتى كەزدەسۋلەر وتكىزەتىنى دە قاراستىرىلعان, دەپ حابارلادى ءماجىلىستىڭ باسپاسوز قىزمەتى.