بۇگىن وڭتۇستىك قازاقستان وبلىسىنىڭ اكىمى جانسەيىت تۇيمەباەۆتىڭ توراعالىعىمەن اپپاراتتىق ءماجىلىستىڭ كەزەكتى جيىنى ءوتتى, دەپ حابارلادى وقو اكىمىنىڭ ءباسپاسوز قىزمەتى.
سەلەكتورلىق وتىرىسقا وبلىستىق باسقارما باسشىلارى مەن اۋدان, قالا اكىمدەرى قاتىستى. كۇن تارتىبىندە 2 ماسەلە - وبلىستىڭ 10 ايلىق ناتيجەسىمەن الەۋمەتتىك-ەكونوميكالىق دامۋ قورىتىندىلارى جانە ۇكىمەتتىك سەلەكتوردا تىندالاتىن ماسەلەلەر قارالدى.
جيىنداعى ءبىرىنشى ماسەلە بويىنشا ءسوز العان وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى راحىمبەردى مۋلكەمانوۆتىڭ مالىمەتىنشە, 2016 جىلدىڭ 10 ايىنىڭ قورىتىندىسىمەن وبلىستىڭ الەۋمەتتىك – ەكونوميكالىق دامۋىندا وڭ سەرپىن بايقالۋدا. اتاپ ايتقاندا, ونەركاسىپ ءونىمىنىڭ كولەمى 643,1 ملرد. تەڭگەنى قۇراپ, رەسپۋبليكادا 3-ورىنعا تۇراقتاسا, كەن ءوندىرۋ ونەركاسىبىندە 191,3 ملرد. تەڭگەنىڭ ءونىمى ءوندىرىلىپ, 2015 جىلدىڭ سايكەس كەزەڭىنەن 4 % ارتتى. وڭدەۋ ونەركاسىبىندە 396 ملرد. تەڭگەنىڭ ءونىمى ءوندىرىلىپ (8,5% ارتتى), يندۋستريالىق-يننوۆاتسيالىق دامۋ باعدارلاماسى اياسىندا جىل باسىنان 3,9 ملرد. تەڭگەگە 4 جوبا ىسكە اسىرۋ ارقىلى 159 جۇمىس ورنى اشىلعان.
دەگەنمەن, باسقارما باسشىسىنىڭ مالىمەتىنشە, الدىن الا بولجام بويىنشا جىلدىڭ قورىتىندىسىمەن 10 ينديكاتوردىڭ ورىندالماۋ قاۋىپى بار. تارقاتىپ ايتساق, اتالعان ينديكاتورلاردىڭ 3-ءى كاسىپكەرلىك, يندۋستريالدى-يننوۆاتسيالىق دامۋ جانە تۋريزم باسقارماسىنا, 2-ءى اۋىل شارۋاشىلىعى باسقارماسىنا, 3-ءى جۇمىسپەن قامتۋ جانە الەۋمەتتىك باعدارلامالار باسقارماسىنا, 2-ءى دەنساۋلىق ساقتاۋ باسقارماسىنا تيەسىلى كورسەتكىشتەر.
مىسال رەتىندە ايتساق, ينۆەستيتسيا تارتۋ تۋرالى تاپسىرما بىرقاتار اۋدان, قالالاردا تومەن كۇيدە قالىپ وتىر. دەگەنمەن, اۋدان اكىمدەرى سوڭعى ەكى ايلىق كورسەتكىشتى قوسىپ, كەمشىلىكتەردى تۇزەتۋگە مۇمكىندىك بار ەكەنىن جەتكىزدى. اۋىل شارۋاشىلىعى جالپى ءونىمىنىڭ ناقتى كولەم يندەكسىنىڭ جىلدىق جوسپارى 105% بولسا, 10 ايدا 101,2% قۇراپ وتىر. تاماق ونىمدەرى ءوندىرىسىنىڭ نەگىزگى كاپيتالىنا تارتىلعان ينۆەستيتسيانىڭ ناقتى كولەمىنىڭ يندەكسى بويىنشا جىلدىق جوسپار 100,2% بولسا, ناقتى 29,8% قۇراپ وتىر. جۇمىسسىزدىق دەڭگەيى بويىنشا جوسپار - 5% بولسا, سالالىق باسقارما جىلدىڭ قورىتىندىسىمەن 5,3% بولادى دەپ بولجانۋدا.
جوعارىدا كورسەتىلگەن سالالارداعى كەمشىلىكتەر بويىنشا باسقارما باسشىلارى مەن ءتيىستى اۋدان, قالا اكىمدەرىنىڭ جاۋاپتارىنان سوڭ, ج.تۇيمەباەۆ جىل سوڭىنا دەيىن ينديكاتورلار كورسەتكىشىن جوسپارلى مەجەگە جەتكىزىپ, باسقارما باسشىلارىنىڭ بىرىگىپ جۇمىس ىستەۋ كەرەكتىگىن تاپسىردى.