استانادا Radisson قوناق ۇيىندە قازاق əدەبيەتىنىڭ كلاسسيگى ءƏبىش كەكىلباەۆتىڭ اسى بەرىلدى. ساعات تۇسكى بىرگە بەلگىلەنگەن جيىنعا بەس جۇزگە جۋىق ادام كەلدى. ولاردىڭ ىشىندە لاۋازىمدى تۇلعالار, مەملەكەت جəنە قوعام قايراتكەرلەرى, زيالى قاۋىم وكىلدەرى جəنە جازۋشىنىڭ جاقىندارى بار.
"الاشتىڭ ابىزى" اتانعان جازۋشىنىڭ قايتىس بولۋىنا جىل تولۋىنا وراي وتكەن قوناقاسىدا ول كىسىنىڭ ۇلكەن قاسيەتتەرىن باعالاعان جۇرەكجاردى ەستەلىكتەر, قيماس سوزدەر كوپتەپ ايتىلدى. مەملەكەتتىك حاتشى گۇلشارا Əبدىحالىقوۆا ء"Əبىش اعامىزدىڭ "شىڭىراۋ", "ۇركەر", "ەلەڭ-الاڭ" شىعارمالارى حالقىمىزدىڭ ازاتتىققا ۇمتىلىسىن كورسەتتى. ولار əلەم əدەبيەتىنىڭ التىن قورىنا كىرەتىن تۋىندىلار", دەدى.
"رۋحاني كوسەمدەرىمىزدىڭ ءبىرى ەدى. ادال ەدى. ادامداردى جاقسى كورۋشى ەدى". بۇل بۇكىل ءسوزىن كەكىلباەۆتىڭ ادامگەرشىلىك قاسيەتىنە ارناعان مەملەكەت قايراتكەرى ومىربەك بايگەلدىنىڭ ءسوزى.
جازۋشى نۇرلان ورازالين حاكىمدىك پەن əكىمدىكتى قاتار ۇستاعان قازاق ۇلىلارىنىڭ ءىزىن جالعاستىرۋشى ەكەنىن ايتتى.
اس بارىسىندا ءابىش كەكىلباەۆ تۋرالى فيلم كورسەتىلدى. قوناقتارعا قالامگەردىڭ كۇنى كەشە "ەگەمەننىڭ كىتاپحاناسى" سەرياسىمەن باسپادان شىققان, "ەگەمەن قازاقستاندا" جارىق كورگەن ماقالالارى جيناقتالعان ء"دəۋىر داۋىسى" كىتابى تارتۋ ەتىلدى.