كۋبا رەۆوليۋتسياسىنىڭ كوشباسشىسى فيدەل كاسترو 90 جاسىندا ومىردەن وزدى, دەپ حابارلادى فرانس پرەسس كۋبا كوشباسشىسى راۋل كاستروعا سىلتەمە جاساپ. فيدەلدىڭ قايتىس بولعانىن كۋبالىق تەلەارنالار دا جاريا ەتتى, دەپ جازدى رەيتەر اگەنتتىگى.
فيدەل - كۋبالىق رەۆوليۋتسيونەر, مەملەكەتتىك جانە ساياسي قايراتكەر. 1926 جىلى 13 تامىزدا دۇنيەگە كەلگەن.
1976 جىلدىڭ جەلتوقسان ايىنان باستاپ, 30 جىل بويى كۋبا مەملەكەتتىك كەڭەسى مەن مينيسترلەر كەڭەسىنىڭ توراعاسى بولدى. سونىمەن بىرگە, ف.كاسترو رەۆوليۋتسيالىق قارۋلى كۇشتەردىڭ باس قولباسشىسى جانە ۇلتتىق قورعانىس كەڭەسىنىڭ توراعاسى قىزمەتىن اتقارعان.
ول 2006 جىلى 31 شىلدەدە دەنساۋلىعىنىڭ سىر بەرۋىنە بايلانىستى مەملەكەتتىك كەڭەس پەن مينيسترلەر كەڭەسىنىڭ باسشىسى قىزمەتىن ءوز ءىنىسى راۋل كاستروعا تاپسىردى.