قازاقستان 6 جىلدىڭ ىشىندە بۇرىن شىعارىلماعان 500 جاڭا ءونىم وندىرەدى. بۇل تۋرالى بۇگىن استانادا وتكەن ينۆەستيتسيالىق كونگرەستە قر ينۆەستيتسيالار جانە دامۋ ءمينيسترى جەڭىس قاسىمبەك ايتتى.
"يندۋستريالدى-يننوۆاتسيالىق دامۋ باعدارلاماسى ورىندالعان جىلدار ىشىندە ءوندىرىس سالاسى 29,4 پايىزعا ءوستى. مەتاللۋرگيا, تاماق ونەركاسىبىنەن باسقا وڭدەۋ سالاسى دا دامىپ جاتىر. يندۋستريالاندىرۋدىڭ 6 جىلىندا 4 ترلن تەڭگەنىڭ 900-دەن استام جاڭا جوباسى ىسكە قوسىلدى. وسى جوبالار 7 ترلن تەڭگەنىڭ ءونىمىن شىعاردى. بۇل 20 ملرد دوللاردان استام قاراجاتتى قۇرايدى. قازىر قازاقستاندا 6 جىل بۇرىن بولماعان 500 جاڭا ءونىم شىعارىلادى. جىل سايىن ەكسپورتتالاتىن تاۋار مەن ەكسپورتتىڭ گەوگرافياسى ارتىپ كەلەدى", دەدى مينيستر.
سونىمەن قاتار جەڭىس قاسىمبەك سوڭعى 6 جىلدا يننوۆاتسيالىق گرانتتار بولىنگەنىمەن, كوممەرتسيالاندىرۋدىڭ كورسەتكىشى تومەن ەكەنىن ايتتى.
"وڭدەۋشى سەكتور تۇراقتى دامىپ وتىر. 0,2% پايىز بولسا دا, ءبىر ورىندا تۇرعان جوق. سونىمەن قاتار يننوۆاتسيالىق كاسىپورىندار سانى ەكى ەسە, يننوۆاتسيالىق ءونىم 4,5 ەسە ءوستى. الەمدىك كوشباسشىلارمەن سالىستىرساق, ءبىز ءالى جولدىڭ باسىندا تۇرمىز. سوندىقتان بۇل جۇمىستى كۇشەيتۋ كەرەك, باسەكەگە قابىلەتتىلىكتى ارتتىرۋ كەرەك", - دەدى قاسىمبەك.