قازاقستان اقش-تىڭ سەنىمدى سەرىكتەسى

كەشە مەملەكەت باسشىسى نۇرسۇلتان نازارباەۆ اقش-تىڭ قازاقستان رەسپۋبليكاسىنداعى ۋاقىتشا سەنىمدى وكىلى دجون وردۆەيدى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. كەزدەسۋ بارىسىندا قازاقستان مەن اقش اراسىنداعى ەكىجاقتى قارىم-قاتىناستاردى ودان ءارى دامىتۋ ماسەلەسى تالقىلاندى. – كوپ جىلدان بەرى قازاقستان امەريكا قۇراما شتاتتارىنىڭ ستراتەگيالىق سەرىكتەسى بولىپ تا­بى­لادى. ءبىز وتكەن جىلى رەسپۋب­لي­كانىڭ ەقىۇ-عا توراعالىعىنا قول­داۋ كورسەتتىك جانە سىزدەردىڭ ەلدەرىڭىزدىڭ يىۇ-عا توراعالى­عىن دا قولدايمىز. قازاقستان – ءبىز ءۇشىن وتە ماڭىزدى سەرىكتەس. حا­لىقارالىق كۇن تارتىبىندەگى كوپ­تەگەن ماسەلەلەر بويىنشا, ونىڭ ىشىندە لاڭكەستىككە جانە تارات­پاۋ­عا قارسى ءىس-قيمىلدار تۋرالى ءبىز­دىڭ پىكىرلەرىمىز بەن مۇددەلەرىمىز ۇقساس, – دەدى دج.وردۆەي پرەزيدەنتپەن كەزدەسۋدەن كەيىن, جۋرناليستەر الدىندا سويلەگەن سوزىندە. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.